PDA

Просмотр полной версии : Лоувцаш



maxim
14.04.2006, 12:44
Перефразируя слова "...давайте говорить друг другу комплименты...",- Б. Окуджавы, предлагаю "сделать" раздел и помещать туда наши ингушские лоувцаш. Это тоже будет одним из приёмов по изучению родного языка.
Выношу на Ваш суд один лоувца, придуманный самим:

Омалца вей кхебяь дезал,
Ниссач ноувкъ боахалба Даала;
Кора-болб цанн шоаж лееха безам,
Мелл бааха ма-боувзалб баала...
Мальзак

just_me
28.08.2006, 23:25
Dyal voh ve iz :)
T1eha khi1 yazdeg da dag dehach, hanz yer mark kertch che den dar ))):)

tahira-mutahira
20.12.2006, 13:30
Кха а да шоана ловцаш:

Ираз хилда хьа, хьай тIехьено велаволва хьо, хьа во ма гулда сона!



Хье везарий безами, цавезарий ловри ма далда хьох.



Дикаца дукха вахалва хьо. ираз-аьттув хилба хьа.



ЦIена тIехье к***ла хьа.



Эзар хилва хьох.



Iайха леладечох беркат хилда хьона.



Дагадоацача вонах лораваь, дагадоацача диках кхеволва хьо.



Даьла раьза хилва хьона. Даьла дикахи адамий безамахи ма валва хьо.



Ди довзаш вахалва.



БIарга го хозали, лерга хаза дикеи цIаккха ма эшалда хьона.


Сабари, ирази, сатеми хилба хьоца.



ДIаденначох сагIеи, диссачох беркати хилда.


ЙИЙХА ЯГIАЧА ЙОIА БОАККХА ЛОВЦА
Дала ираз долаш даькъала моттиг йойла, шаккхе да дага-дехке а варгвоацаш. Вахар гIоза хилда.



САГ ЙИЙХАЧА А ИЗ ЦIАЕЧА А БОАККХА ЛОВЦА
Дала ше воI а нус а даькъала долда шун, беркате нус хийла, шаккъе да дага-дехке варгвоацаш ираз долаш гIоза дахалда.


КЕРДА ДЕНАЧА НУСКАЛА БОАККХА ЛОВЦА
Везача Дала ираз долаш нус маьрцIаьшта а даькъала йоI-йиша даьцIенна а йойла. ВорхI виIий нана хийла укхох. ГIоза дахалда шо.


БЕР ДИЧА БОАККХА ЛОВЦА
Дала ираз долаш дезалхо (кIаьнк, йиIиг) хилва, ворхI веший воша (йиша) хийла цунах.


БЕР АГА ЧУ ДИЛЛАЧА БОАККХА ЛОВЦА
ВоI (йоI) гIоза, даькъала хийла. Ага даьсса ма дуссалда (Когаша даха бер агара а доалаш кхы а дезал хилба яхалга да).


КЕРДАЧА ФУСАМЕ БАХА ДIАЧУБАХАЧА ДЕЗАЛА БОАККХА ЛОВЦА
Дала ше фусам беркате, иразе, барт болаш йойла шун. Шо укхаза даха хайшача денз гIозал совйоалаш, даькъала хилда шун вахар.


ЯЛАТ ДIАДУВШ БОАККХА ЛОВЦА
Беркате хьувкъийла шун.


МАЬЖДИГЕ, КАШАМАШКА, НИКЪ ТОАБЕЧА, ТIИЙ ТУЛЛАЧА Е КХЫБОЛА ЮКЪАРА, МАЬЛ ХУРГБОЛА БОЛХ БЕЧА БОАККХА ЛОВЦА
Дала йоал йойла шоана. Болх маьлехь хилба шун. Дала маьл а йоал а хургйолаш хилда оаш хьегаш дола къа. Хьай дагара дезал хилба хьа. Дезало велаволва хьо.


БАРЗКЪА, КИЙ, МАЬЧЕШ ИЙЦАЧА (ДИЧА) БОАККХА ЛОВЦА
Везача Даьла пурмийца ираз долаш, гIоза хилда хьа барзкъаш, даькъала леладолда Iа уж, венна ма дуссалда. Уж тишлуш, хьо цIенлуш, хозлуш, сабаре, дуккха а беркат хургдолаш хилда уж. Хьо везарий дог-безам ма балба хьох, цавезарий ловр ма далда.



Беркат ма эшалда шоана.



Сага уйланца дага а лаьца, метто дIаала йиш мел йола, сакхетамо къоабала мел даь дика хилда. Шоай дега товр долаш, сина ловр долаш дахалда шо.


МАККА (ХЬАЖИЙ-ЦIА) ВАХА ЦIАВЕНАЧУННА БОАККХА ЛОВЦА
Везача Дала хьажол а зерат а къоабала долда хьа.


ЕЗАЧА МЕТТЕ (ОВЛИЯИЙ ЗЕРАТЕ) ХИННАРАШТА БОАККХА ЛОВЦА
Дала ше бихьа никъ даькъала а баь, зерат къоабала хилда хьа.


УНАХОЧОА БОАККХА ЛОВЦА


Везача Дала шийгара моаршал лулда хьона. Эзар у-бала текхарг хилва хьо.



ШЕРА КЕРТЕ КЕРДА ХЬАДАЬННАЧА ЯЛАТАХ ДААР Е КЕРДА СОМ

БУАШ БОАККХА ЛОВЦА
Везан Даьла моцалеи, хьогалеи дуарг ма хилийталахь, безама дуарг делахь.



ХIАМА ДИА ВАЬЛЧА ДОАХА ЛОВЦАШ
АлхIамдуллилахI, Дала эша ма долда дуар-меннар бусалба а кераста а дунен чу Дала мел кхеллача халкъе. Къоабала сагIа хилда, диссачох беркат хилда.


АлхIамдулиллахI, Везан Даьла, сигалара боагIа бала байбергболаш сагIа делахь укхох, эша ма делахь даар-малар бусалбашта а, керасташта а, дунен чу мел бахарашта а.


МагIа ваккха хьаьшеи, дика лоалахои, тешаме доттагIеи ма эшалба хьона.


Даьх, наьнах хьогаш дог ма делхалда, нийсархой дог кхардаш ираз ма довлда, безачарех ваьнна ха ма йоагIийла хьога.


Кхаь хIамах кхеволва хьо — Даьла раьза волча рузкъахи, сийрдача вахарахи, дог-цIенача новкъостехи.



Кхаь хIамах лораволва хьо — баьдеча фусамахи, иман доацача дезалахи, дагадоацача балехи.


Нанас бера телаш санна вахаро йIовхал телийла хьона, цхьайтта йоIа тIехьа ваь воI санна дунеио хьесташ вахалва хьо.


Хьа вахаре бирса мел ена ха йицъеш гIоза денош доагIалда хьога. Кхеран делхаш мо мара дог ма делхалда хьа, кхеран даттIаш мо мара дог ма даттIалда хьа.


ЦIенача безамах, сийрдача уйлаех дизза хилда хьа вахар, Iо мел ловза ког беркат дехаш хилба, ираз ийгIа ди ма доагIалда хьога.


Лоалахочоа беркат дахьаш йоагIийла Iуйре, доттагIчоа денал дахьаш йоагIийла делкъе, гаргарча сага хьинар дахьаш йоагIийла сайре, уж кхоккхе а лархIа безам бахьаш йоссийла хьона хIара бийса.


Кхера везача уйлайхи, цIийвала везача гIулакхехи, Iуйре, сайре къоаста ца луча денойхи Дала лораволва хьо.


Седкъаша сийрдайоаха баьде бийса санна, хозача гIулакхашца хьа къоанал сийрдайоахаргйола тIехье к***ла хьа.


КIалвисачунца декъаргдоаца рузкъа ма хилда хьога, хьаьшаша никъ шаьрбергбоаца фусам а ма хийла хьа.


Хьо везачанна хьа во ма гулда, хьона дукхабезараш хьох ма бовлба.


Водар, дикадар къоастаде хьаькъал деннача Дала, водар гаьнадоахаш, дикачоа тIехьакхеволва хьо.


Рузкъо тувла ма волва, мискало каг ма волва, курало ай ма волва.


Хьо везарий дегашка даьла денна безам совбулалба, хьоца хьагI лаьца шоай дегашкара паргIатонах баьнначарна, уж дегаш хувца низ корабоагIалба.