Просмотр полной версии : Мудрые наставления наших предков
ЙОIО ДЕННА ЖОП
Хьаькъал долаш я, г1улакх-эздел долаш я, хоза хилар совнаг1а, аьнна, цхьа йо1 могаяь хиннай з1амигача сага. Из г1улакх аз тохкаргда, аьнна, ловзарга вахав з1амига саг. Цу к1ала йо1 а хиннай. Сакъердо-ош мехкарашка цхьацца х1ама хоатташ хиннаб кагий нах. Цу з1амигача саго хаьттад цу йо1ага:
- Хьайна хой, хьаалал фуд из, дуне кхоллалехьа кхелла а долаш, дуне дехачул т1ехьаг1а мара д1адарг а доацаш дар?
- Сога хаьттача, из да, - аьннад йо1о, - эхь-эздели хоза г1улакхи.
Йо1 хаьаькъал долаш йолга хайад з1амигача сага. Из йийхай цо.
Таргим.ru
ШАМАЛА ХАТТАРАШ
Шамала т1емахочунга ц1аг1ара каьхат дена хиннад, сесаг еннай, аьнна. Лаьрх1ад Шамала из т1емахо фу саг ва ха. Хьат1авоалавейтав. Вена хьаэттача, аьннад Шамала цунга:
- Хьа ц1аг1ара каьхат денад, да кхелхав, аьнна.
- Да венна вале, ц1енна тхов т1акхийттаб, ц1аваха веза со, - аьннад.
- Кхелхар да хиннавац, воша хиннав иза-ма, - аьннад, Шамала.
- Иштта долче, ц1ен оаг1о бежаб, ц1аваха веза.
- Воша хиннавац кхелхар, нана хиннай.
- Ц1а бухдаьннад, т1аккха, ц1аваха веза са.
- Йиша хиннай из кхелхар-ма.
- Т1аккха а ц1аваха веза, х1ана аьлча, дег т1ара зиза дежа хилар бахьан долаш.
- Х1анзолца аз аьннар 1а фу ду хьажа аьнна хиннадар са, - аьннад Шамала. – Бокъонца укх каьхато яхар да хьа сесаг кхелха хилар.
- Ц1а дехад, х1аьта, в1алла ц1аваха а везац.
Салам! Я с МИРОМ!....покачто.......
Скажите, как по-ингушски :
1 народ
2 человек
3 вода
Заранее спасибо!
покачто тебе не мешает отдохнуть!
БАН 10 дней
Салам! Я с МИРОМ!....покачто.......
Скажите, как по-ингушски :
1 народ
2 человек
3 вода
Заранее спасибо!
Парпат? Тебя же свои соплеменники за червонец укокошили... ха-ха-ха
Грабовой наверное потрудился, что бы труп тут на форуме ожил... ненадолго... ха-ха-ха
Администратор, будь добр, заходи на форум почаще и занимайся чисткой
Надо же, труп не успел зайти, а уже пытается угрожать...
ЭЗДЕЛ ЛАРХIАР
Ди хехкка наькъаг1а водаш хиннав говрабаьри. Гаьннара ейнай цунна духьала йоаг1а бер кара а долаш цхьа кхалсаг. Цунна а ванав гаьннара хьат1авоаг1а из баьре. Сихха наькъах д1аюстар яьнна, баь т1а из бер 1о а дила, юха а наькъ йисте а яьнна, оаг1ора йийрза, д1аэттий из. Деррига зувш хиннав говрабаьри. Хехкка хьат1аотташехьа дин т1ара а весса, бера д1ат1авахав из. Хьалъэйдаь хьежав из цунга. Хоза к1аьнк хиннав. Из 1о а вила, хьаяьккха ший ворх1аза ювла тепча к1аьнка юхе 1ойиллай цо. Ловца а баьккха, шийца эздел лаьцача кхалсага баркал а аьнна, ваьнна д1авахав.
Ший доттаг1ех кхийттача, из деррига д1адийцад баьречо. Цу кхалсага хоза эздел хилар бахьан долаш еннаяр ше из тепча а аьннад. Цхьан къонахчо хаьттад:
- Из йи1иг яларе, фу дергдар 1а?
- Хьай, сай даьсара, кхо ца беш, кхий чура хьаара а баьккха, етт-м лургбар, - жоп деннад вокхо, - сел эхь-эздел долаш из кхалсаг хилар бахьан долаш цун сий а деш.
МИШТА ДОАККХ КЪОНАХО МЕХКА СИЙ
Цхьа къонах вена хиннав зирак волча. Хаьттад цо:
- Зирак, наха юкъе дукха сий долаш а дош отташ а вац со. Алал-хьей, фу де деза аз, мехко са сий дергдолаш?
- Ц1аг1а а хьай юрта а сий долаш вий хьо? – хаьттад зирака.
- 1а яха кхы дукха сий а дац са цар. Иштта, цхьа моллаг1а волча сагага санна мара сога кхы хьахьажац, - аьннад къонахчо.
- Воле, - аьннад зирака, - хьай ц1аг1еи юртеи сий хьалдаккха, т1аккха со волча юхавоаг1аргва хьо.
Мегад, аьнна, вахав къонах. Ц1ен кхоачонга хьожаш; даь-наьнага, берашка хьожаш; сесагаца дика волаш, д1акхестав къонах. Юрта дика-во мел хиннача юрта отташ, мискашта саг1а луш, юрта наькъаши т1аьши тоадеча хьинаре дакъа лоацаш хиннав. “Хьанехк, хьанехк” оалаш, укхан ц1и хестае болабеннаб нах. Цун юртхой шоаш дика-во мел долча кхыча юрташка бахача, из къонах дикаца вувцаш, хеставеш хиннав цар. Иштта мехка ц1и д1ахезай цу сага.
Т1аккха юха а зирак волча ваха, аьннад цу къонахчо:
- 1а яхар дир аз, юрта а дезала юкъе а сай сий хьалдаьккхар аз. Бакъда, х1анз мехко а ду са сий. Мишта хиннад из?
- Иштта хила а доаг1а, - аьннад зирако, - мехка ший сий хазийтар духьа къонахчо хьалхаг1а ший ц1аг1еи ший юртеи сий хьалдаккха деза.
Харца алац вай кицо: “Дика а во а ший ц1аг1ара, ший юртара хьадоаг1а”.
kak mne hochetsia viuchit vainahski iaziki....
Тот_Самый
19.11.2006, 23:11
Из "Зирак"-яьхар малув? Ц1и хеза саг ва из?)
КХЫ ХАЛАГА ФУД
Дар дайна яг1ача пхьег1ий т1а дийцад фу хала х1амаш да сага т1акхоачаш, царна юкъе халаг1а дар а фуд. Д1а хьа а дийцад. Ц1енах ц1и яьлар, оалаш хиннад, къийвалар а оалаш хиннад, иштта кхыдола х1амаш а дийцад. Дош отташ хиннадац. Пхьег1ий т1а цхьа воккха саг ваьг1ав, корта а элла, йист а ца хулаш.
- Къонах, укх дешах хьона фу хет? - аьннад цунга.
- Сага т1акхоачаш дукха да, - жоп деннад цо. – Боахамах ц1и а йоал, Далла ма доаг1алда, кхоаччара саг а бакъ долча дуне д1аводаш а хул… Дукха да уж вайна т1адужадаь а вай ловш а дола хала х1амаш. Бакъда шоана, массарел халаг1адар шун ха безам бале, д1аховлда шоана: массарел халаг1а а тоалургдоаца а х1ама да во а тиша а т1ехьа кхер.
Пхьег1ий т1а баьг1араш берригаш раьза хилар цу дешашта.
Powered by vBulletin® Version 4.2.2 Copyright © 2024 vBulletin Solutions, Inc. All rights reserved. Перевод: zCarot