PDA

Просмотр полной версии : Сакъердаме дувцараш



tahira-mutahira
16.12.2006, 15:25
"ЕР ЦИСК А ДААЛАХЬ"

Кхерза чIаьпилгаши кIодари дуаш вагIаш хиннав цхьа хьоашалгIа вена саг. КIирвенна цунна бIарахьежаш, шийна цох яа хIама юсаргьяцар-хьогI яхаш, сатувсаш лаьттав фусамдаь зIамига кIаьнк.

Хьаьшо тIеххьарча чIаьпилга дакъа хьаийцача, кхы са а ца тохаденна, «Даьллахьа, хьаша, хIанз ер циск а дIадаалахь хьайна!» — аьннад йоах кIаьнко.



P.S. 1оязадо аз е дувцараш, ха йолача хана - 1оешаргъя-кх оаш уж. Пейда хургба аьнна хет сона цох, дукхаг1а вай деши-)Кха в1алла хьама деций, сакъердаме ма йий уж)

Umma
16.12.2006, 22:47
Школа кердача программах болх бе йолаенна ха яр из. Бераш ялх шу даьлча дIаийдора цхьоалагIча классе дешаргдолаш. Хьалхарча дешара ах шера берашта луш йола урокаш ловзара кепе яр. Классерча журнала тIа оттаеш оценкаш а яцар.

Ше деша школе дIалуча хана цу дешара а, школе гIаш дIааха везара а дика раьза вацар Азамат.

Бакъда, дешар дIадоладелча цигара урокаш а, кхыйола мероприятеш а хозахетар цунна. Ше мо долча берашта юкъе укхо школе леладер ер берий беша ухача хана хинначоа дукха бе-башха дацар.

Ах шу сиха дIадаьлар. ТIаккха каникулаш а кхоачаелар. ШоллагIа дола дешара ах шу дIадоладенна дукха ха ялалехьа, бе йоаллаш йоаккха портфель а йолаш, барцкъех хьатIабеттабенна хотташ а болаш, школера чувоагIаш вар Азамат.

Гаьннара хьежача а гуш дар Азамата цхьан хIамана раьза воацаш деш дола борал.

КоанаIар тIа араяьнна латташ йолча Азамата гаргарча саго Маликас, наькъал дехьа гIолла, хоттала когаш а бетташ воагIаш волча Азаматага хаьттар:

- Как дела, Азамат? - Азамата, из йоаккха портфель а текхаеш, наькъал хьасехьа а ваьнна аьлар:

- Положение, Малика, очень тяжелое.

- Аьъ, хIанз фу хилар цига? – аьнна цецъяьлар Малика. ТIаккха Азамата бухь чубахно аьлар:

- Оценки начали ставить.
P.S. Азамат яхар "прикол" са вош ва)))))

__________________________________________________ ________

ер са даь воша лаьца дувцар да))))))

Алхасте вахаш хиннав кIоарга хьаькъал а долаш, ира бегаш а беш, кIезиг-дукха корта бохабеча молара тIехьа а волаш вола цхьа саг.

(Укх дувцара юкъе ший йола цIи а ца йоаккхаш, кхы тайпара цIи йоаккхаргья вай цунах, масала – уматгири аьнна).

Цхьан дийнахьа СурхотIара, Наьсаре йодача автобуса тIа махорка гIаьле а лотаяь из оазаш лаьттав Уматгири.

Цо кIур мел боаккхача хана гIаьленагI Iолегаш хиннай товнаш.

Цу товнех оза а луш Уматгирена юхера дIахо теIаш хиннай цхьа кхалсаг. ЛаьгIо малара кеп ший дегIа гI йоаллаш волча Уматгире зийнад из.

Кхалсага кIирвенна дIабIарахьажа аьннад Уматгире:

- Кхалсаг, укх гIаьленагI Iолегача цIерах кхера езац хьона, наьха цIерагI лоралелахь, - аьнна.

tahira-mutahira
18.12.2006, 10:57
Алелай, Умм, ч1оаг1а хьам да))



"ШЕЛАЛЕИ, МОЦАЛЕИ, НАБАРЕИ КЪОВСАМ"

Цхьан дийнахьа къовсам баьннаб шелалаи, моцалаи, набараи юкъе.

— Массадолча хIамал низ болашагIа со я, — аьннад шелало.

— Яц, массадолча хIамал низ болашагIа со я, — кхессад моцало.

— Шаккхе а харц лув шо. Сол низ болашагIа цхьаккха хIама а дац! — аьнна, юкъеиккхай наб.

— Хьадувла хIаьта, хьожаргда вай низ дукхагIа малагIчун ба, — аьннад шелало.

— Мишта хьожаргда вай? — хаьттад моцало.

— ДIа жега воалла кIаьнк гой шоана? — аьннад набаро. — Цун дегIах латаргья вай кхоккхе а. ТIаккха ховргда вайна, низ дукхагIа хьанга ба.

— Мегаьд хIаьта, эггара хьалха со латаргья цох, — аьнна хьалха а яьнна, ший низ мелб жега воаллача кIаьнках летай шелал.

Мел чIоагIа шелал дегIах йоларах, сийн а венна, гарре эга а веш, ший жена бIарг тIера ца боаккхаш вагIаш хиннав кIаьнк. ТIаккха моцал летай кIаьнках. Моцало ший еррига че Iувшашше а шек а воацаш, ший жена тIера бIарг ца боаккхаш вагIаш хиннав кIаьнк. ТIаккха наб летай кIаьнках. Ший бе йоалла гIадж Iо а йожаеш, ше ваггIача вожаваьв кIаьнк набаро.

galgaika
22.01.2007, 13:54
Азамата, из йоаккха портфель а текхаеш, наькъал хьасехьа а ваьнна аьлар:

- Положение, Малика, очень тяжелое.

- Аьъ, хIанз фу хилар цига? – аьнна цецъяьлар Малика. ТIаккха Азамата бухь чубахно аьлар:

- Оценки начали ставить.


из Азамат сун д1атух вез)))))))))))))

galgaika
22.01.2007, 13:57
Латарг волаш-м вар хьом
Хьуна юкъе г1олла д1аболхача даьнеи шин во1аи духьал яннай г1аьр ужаш бовха лаьрх1а. Да латта волавеннав царца. Цхьан юкъа лийта к1аьд а бенна, кхы воккхача саго ка а ца енна г1аьрхой д1абахаб. Ше мета венач г1олла «Къонгах фу хилар хьог1 са» аьнна д1а-хьа хьежача цхьан лекхача хена т1а баг1аш байнаб воккхача сага ужаш. «Ай, шо фу деш даг1а цигача, даьна новкъостал а ца деш»,-шоашка аьлча, жоп деннад цар: «Дади, хьо-м вацар цхьаккха новкъостал эшаш, латаргволаш-м вар хьо-м, гаций хьона уж мишта байдар»))))



Хьошалг1а вахача сага к1одари, сискали оттадаьд фусамдаьша. Хьама дуаш юкъе кхаьчача г1олла хаьттад хьаьшо: «Малув ер сискал яр?»-аьнна.
Из сискал могае воалларг а лаьрх1а, йист хиннав фусамда: «Тха сесаг яр из», -аьнна. Ай, бида х1аний ер шийга аьлча, ятта-м нане яттаяр из аьннад цо))))



Г1ийло хьекхаш дарц а долаш б1арга белла п1елг гургбоацача баьдеча бус хьунаг1а цхьан къуха т1а говраш йожае ваха хиннав ши новкъост. Говраш баргалаш теха д1а а хийца цхьан бокхача хена к1ала д1ате1аб ужаш. Иштта бадаш к1еззига ха яьннача г1олла царех цхьанне аьннад ший новкъостага:
-Даьллахьий, мА ч1оаг1а кхервеннав-кх со, хьо кхеравеннавий?- аьнна.
-Кхеравеннав,-йист хиннав вож.
Цхьакха а хаттар даьд хьалхарчо:
-Х1ана кхер хьо,-аьнна.
-Сайца новкъост воацандаь,- жоп деннад шоалаг1чо.

tahira-mutahira
13.02.2007, 18:12
Массинах из дувцаш лел со) бакъдар аьлач, се Яндарер я аьнна алац-))


Цкъа городе дийша а янна цхьа учитель ена хиннай моцаг1а Яндарерча ишколе хьеха..

Т1аккха хьеха эттай, хаьттад берашка фунаьхк даь город д1алаьцар(захватить ) малав - аьнна.
саго жоап деннадац.. т1аккха б1арахьежай цхьанена.
- Аьннад к1аьнко сона б1ара сенна хьеж шо, харц мелдар даьр со ва мотта шоана - аьнна.. аз лаьцаяц из - аьннад к1аьнко цецваьнна)

Вокхар а со со вац яхаш хиннад))

Цар цецъяккха учительниц директор волча латкъа яхай..
- аьннад хьехархочо(учительницо) - Ай город д1алаьцар малав аьннадар аз, из хьаолаш саг вац классе , со со вац яхаш!

-Директорас аьннад, со д1ачавахийтта 1а классе сона ховргда хьон из малаг1чо царех д1аляцай))

Цигар кхы а ч1оаг1аг1а унзара янна хьехархо ядда школера араиккха оарц доаккхаш хиннай, цига духьал кхийттав участковый..
Ай фу даьд цига аьнна соцаяйцо ... Д1адийцад хьехархочо ше ма дарра доаккха са а доахаш..

Даьр из д1алаьцар укх ърта вале аз хьалохаргва хьона, сагота ма де 1а - аьнна хьаьстай укхо))
Вож латтийсай ше латтача..
А участковый из город д1алаьцар малав тахка юрта араваьннав.
Лахав лахав, кхы кора а ца ваь сайранна к1аьдвенна ц1аг1а чувахав г1айг1ане волаш.

Цига из иштта корт чубаха ваг1аш ДАС хаьттад - фу даьд хьона? Ма г1айг1ане ва хьо - аьнна.

Даьр иштта цхьа город д1алаьца саг лехаш хиннав со аьннад во1о.
Ай да ма хьакха цох яхад Дас, х1анза а хьакораваьвеций из д1алаьцар, со з1амига волчо денз лехаш ма вий из)))

Эги
17.04.2007, 08:16
"Гитлер ва вайн т1ом бахьаж т1авоаг1аж" аьнад воахкхачо саго.. Даьр ва хьун из шой вол чарг (тейпан нахаг) д1а а аьн соцвег волажам.. аьнад вокхо)))

пс. бокъонц ханад яхаж дийцар сога цхьан з1амсаго, мел бакъда-м хац))

Menina
17.05.2011, 15:34
Юрто къаръяь кхалсаг, цо къардаь шайт1а

Селлара во хиларах, юртахоша цхьа барт баь, эккхаяь д1айодаш хиннай цхьа кхалсаг. Цу юртарча наха барт эг1абе, юкъе ц1ур бола, дезалаш цхьоаг1онах баьха царех деладала, бер делхадаь наьха дог дохаде додаш хиннад шайт1а. Юртал арахьа в1ашаг1кхийтаб уж: кхалсаги шайт1еи (хьалхарча замалахьа шайт1аш наха гуш хиннад, йоах).
Шайт1а хаьттад сесагага:
- Фу леладу 1а?
- Со д1айода укх юртара.
- Фу дар цу юрта?
- Ворх1 ж1али доаллар цхьан зунгата ког буаш.
- Ай, ма з1амига хиннад уж ж1алеш?! - хаьттад шайт1а.
-Тенна хиларах, цхьане ши устаг1а буаш дар уж, - жоп деннад кхалсага.
- Ай, ма з1амига жа хиннад уж!
- Лакха хиларах, сага кулг хьал ца кхоачаш, дар уж жа, - аьннад кхалсага.
- Ма лоха хила веза из саг!
- К1оарга хиларах, г1ув чура хий, 1очукхайда, хьалъэцаш вар.
- Ма т1ехига г1ув хиннай из! - цецдаьннад шайт1а.
- 1уйрана 1очукхесса кхера сарахьа мара 1очу ца кхоачаш, к1оарга ма яр из г1ув.
- Ма лоаца ди хиннад из!
- 1уйрана д1алаьллача 1асилгах, сарахьа етт хулаш, д1аьха дар из ди.
- Хьо, къаръяь, араяьккхача юрта додача балийх со лорадолда, - аьнна, кхыча юрта бодача новкъа д1адийрзад шайт1а.