PDA

Просмотр полной версии : Мехкарашка дола кхайкарал е йист яланза диса зоахалол



tahira-mutahira
21.12.2006, 13:59
Мехкарашка дола кхайкарал е йист яланза диса зоахалол

Сай доалахьа шиъ сесаг а йолаш ваьха саг ва со. Хьалхарчунца 6 шера ваьхар, шоллагIчунца ах шера. ХIанз цхьаккха а йоацаш, наж санна цхьаь ва со. Шин сесаго ялх шераи ах шераи бала бенача сона хала да тахан кхоалагIа саг йоалае - майрал тоъац. Цу кхераваларах сесаг йоацаш со Iеш вола шу ха я. Коа-карта Iахаш жIали а дац, аргIаш еш котам яц, кхайкаш боргIал яц са. Лоацца аьлча, цхьа цхьаь пекъар ва-кх со.

Укх бархI шера са тунгилгах арабаьнна кIур а бац. I2 шера маьлхе илла гударг санна чIоагIденна, эккха доаллаш санна детталу са керара дог. ХIанз цхьа уйла ца йича варгволаш дац са гIулакх. Ялхнахьа дувцаш зоахалол а да са, цу ялх кхалсага сурташ сай дегIаца леладеш а ва со, бакъда цар луш йIовхал-м яц са дега. Цхьабакъда цхьанна а зоахалолах яьнна йист-м яц са. Каст-каста хьаста керте царца дагар дувца вода со, бакъда, цу мехкараша дувцачох со кхеташ вац. ГIадмий паркх санна мерий кIал доккха мекх дола зIамига саг веза шийна оал цхьанне. Ча санна ваьннеи ийрчеи хила веза къонах, оал вокхо. Хетаргахьа цу мехкараша лехараш маймалаш хила деза. ДегIа эсала хилар бахьан из тайпа мос йолаш вац со.

Баь тIа даьнна жIале нускал санна лоха вале а, томар тIа баьнна дахка санна ийрча вале а, ворхI кийла мара дегIаца тIехкаш еце а, Турпал-Iаьлий санна керахь майра дог а долаш, дувца доккха тайпа-тукхам а долаш, цхьан бусалба даьх-наьнах хьаваьнна саг ва со.

Кхерий тIа ваха хайча а сайна рузкъа Iалашде, цIеннана кхаба денал кхоачаргдолаш а ва. ХIаьта зоахалонех дар аьлча, даьра, ма хетта атта ма хиннадац мехкарашца йола юкъ-моттиг лелае. Хийла, поп санна дегI дола, аз-со яьха къонахий а гора увттабаьб цар. Рузбан дийнахьа маьждига хьалхашка циганкага поал тассийтар сайна саг йоалаяра дола гIулакх къоастадар духьа. Шинарча дийнахьа дуIа де, аьлар циганка, нагахьа санна шун цIен тIа во саг веце, таьлме хайна котам а еце, Дала дуIана жоп ца дала йиш яц, аьнна. 8 шу даьннад циганка поал тесса, 8 шера хIара шинарча дийнахьа дуIаш а даьд, бакъда хувцаденна хIама-м дац. Йоккха топ хийла цу циганках, селлара са корта хьаьрбаьккха. Ши бIарг дика бацар цун. Цо Iеха а ваь сайгара даьккха ахча дагадоал-кх.

ХIама ховча наха саг йоалаяра кхы а белгалонаш йийцай сона. Нагахьа санна шинарча дийнахьа шозза котам яхке, оршот буса хьо вахача фусаме нускал доссаргда йоах.

ЦIагIа мел волчо из гIулакх кхоачаш хилар догдоахаш дуIаш а дир. Бакъда, дуIашта жоп-м даланзар. Ши бIарг дика бацар цун.

Кхы а я саг йоалаяра йола белгалонаш. Масала, нана-котам мухь бетташ корзагIъяьнна цIенна го боахаш хуле, кIира далале нускал доаладергда йоах. Цох а хIама хиланзар. 8 шу хьалха тха цIенна гобаха йолаянна нана-котам из гобоахачара сецаяц. СалоIалга фуд ца ховш са гIулакха оарцагIа яьнна хьувзаш я из а.

Кхы цхьаькха а да саг йоалаярах лаьца. Нагахьа санна карта тIа а хайна, цIенна тIа а йирза боргIал чукхайке, моллагIа зоахалол кхо ди далале хьа чакхдаргда, яхаш дийцар сона юртарча имама. Цхьабакъда, тха боргIало леладечох со кхеташ вац.

Шийна лайча коагахьа чу а йирзе кхайк, шийна лайча, улица новкъа а яьле кхайк, цхьадолча деношка "тIуттI" а алац. Хетаргахьа са зоахалолах а аз леладечох а ца яшилга хургда-кх цун из. Бакъдар аьлча, боргIал кура хила йиш йолаш я, ший доалахьа бIарчча котамий ферма а йолаш Iеча цуннеи, ялхнахьа дийца зоахалол а долаш, цхьаннахьа яьнна йист а йоацаш Iеча сонеи юкъе йоккха башхалонаш я.

Цхьаболчар ала тарлу: "ДоттагIий бац хьа гIо де?"- аьнна. ДоттагIий-м шо дахалда ба, бакъда зоахалола тешаме бац-кх. ДоттагIашта юкъе а дика во деча эггара кхоачарагIа хеташ, дика тIа вон тIа кхайка лаьрхIа къоаставаь кхо доттагIа вар са, тайп-тайпара ханашка а кхаьча. ВоккхагIчун цIи Саьлмарза яр, из пенсе а ва. Къавенна саг вале а, хIанз кхалсаг бIаргаяйча мегаш вац из Саьлмарза. ЗIамига волаш кхийтта хинна из кхалнаьха лазар тахан дIадаланза ва из. Цхьа хIама хатта кхалсаг чуеча мецденна даьрденна аькхо санна бIаргаш а къерзадеш, лаьттах когаш бетта волалу из къоано. Шоана гучча тайпара, зоахалола юкъе вохийта саг вац Саьлмарза.

ШоллагIа вола доттагIа ва Хьаки яхаш цIи йолаш. Пенсе веце а кастта хургволаш ва. Кхаь шера сона цхьан йоIаца зоахалол дувцаш лийлар Хьаки. ТIехьагIо дIаладийгIача, маьре йола диъ шу а долаш, наьха сесаг хиннаяр цо сона лехар. Са гIулакх хилча а ца хилча а бе-башха цахеталга да из.

КхоалагIа вола доттагIа (эггара зIамагIа вар) Борис ва. МоллагIа хIама хьадергдолаш, бIехача хIамах хьаж йоагIаргйоацаш саг ва из.

Цунга зоахалол дувцийта со вухьаш а вац. ХIана аьлча, йоI хоза тоам болаш хилча шийна зоахалол дувц цо. Иштта тешам боацача доттагIех са коггIортилга яц. Цудухьа тахан царцара дика а во а дезац сона.

Иштта да-кх аз саг йоалаяра гIулакх, цхьан оагIорахьа тIатайжа бух боацаш. Циганаша дийцача зоахалох малагIа тIехьале хургьяр. Ткъамаш доаца лаьча санна миска ва сесаг йоаца саг. Цудухьа дехар да са кхалнахага аз мел дийцар теркаме а ийце, са гIулакхага хьожадалар шо, цу балех со воаккхаргволаш.
Шо лоархIаш вола бIи беха Ваха.

Нохчий метталара таржам даьр УГУРЧИЕВ Азмат-Гири

Ма сакъердаме язадаьд цо из-)) ший бала хоза бувца саго


Ткъамаш доаца лаьча санна миска ва сесаг йоаца саг

Е ч1оаг1а аьлар цо))
.

Тот_Самый
21.12.2006, 14:23
Баь тIа даьнна жIале нускал санна лоха вале а, томар тIа баьнна дахка санна ийрча вале а, ворхI кийла мара дегIаца тIехкаш еце а.. метта-м шаьра ва)) Ма тамаш а я иззал шаьра волча сага йо1 1ехае магац -яьхар)

tahira-mutahira
21.12.2006, 15:38
Баь тIа даьнна жIале нускал санна лоха вале а, томар тIа баьнна дахка санна ийрча вале а, ворхI кийла мара дегIаца тIехкаш еце а.. метта-м шаьра ва)) Ма тамаш а я иззал шаьра волча сага йо1 1ехае магац -яьхар)

Со а яр хьона уйла еш, ер 1одийшач молаг1а ер г1оргъя цинг-м))хоза мишта дувца))

Aaliyah
26.12.2006, 08:51
Е ч1оаг1а аьлар цо))
.[/FONT]

:)