PDA

Просмотр полной версии : ВIилиъам Шайкеспар - Зовяздараш (Таржамаш)



Sapral Mikail
16.09.2012, 18:55
1. Зовяздар

Дегаь латар, доккхахилийтар, безам,
Хьармакха зизай хозале лоръе,
Къоаналац а, заманца а цун кхалхам,
Керда чонакац юха кхувш хургья.
Амма хьай къагара хьо бIаргаш дайна,
Цу ало доаккхаш дагар хьал,
Лел хьо Iаманза къелац юха тайна,
Хьайна моастагIа хинна, цIийн а бала.
Хьо укх дуне тIа, товшдар, мел чIоагIа,
ЦIе бIаьстен цхьа мара воаца кхайкархо,
Зизачонакай цIена доадеш дIоагIа,
Писа саг хинна, хоза вола гIийбатхо.
...Керда хьувкъамаш, дунена миска къахеташ,
...Хьо вахач, даьсслуш, керда дуташ каш.

Номаче, 16. Моажол 2012


зовяздар (да) - сонет
кхалхам (ба) - увядание
чонак (я) - почка
дагар (да) - жар
къел (я) - бедность
кхайкархо (ва) - прорицатель
зизачонак (я) - бутон
гIийбатхо (ва) - грешник

Sapral Mikail
17.09.2012, 10:19
2. Зовяздар

Хьажаюкъo хьа, шовзткъа Iаний хало лайч,
Хозален уйче тIа нухо лараш юташ,
Къонала коча, эхь а хеташ, Iа сий деча,
Маха боаца къурд, тIолхилг, дика а йоацаш.
Хьа дарах хоатташ хургба цкъа,
Хинна дола къагар, къонала хозал,
ЧуIийна лаьтта тIа хьежаш бIаргаш хьа,
Эхь хилар, могаварах ийрча йола говзал.
Дешаш дукха хозагIа декаргдар,
Гой шоана, из дика бер, са да.
Къоанала гIалаташ, дисса дола декхар,
Сона санна цун а сий дергда.
...Къавалач, юха-юха а дийнлуш,
...ЦIий кхехкаш, амма хьона ший шело луш.

Номаче, 17. Моажол 2012 шу

Sapral Mikail
14.10.2012, 01:51
3. Зовяздар

Кизгач, хьона тIахьежаш дола сурт,
Из санна хоза, ле дунена фурт,
Вешта ютаргья Iа кхы а цхьа нана бер доацаш,
Укх вахаран вIалла декхарал йоацаш.
Воай, из малий, сел чIоагIа а, Iаьржа а,
Ший ховха безам а, мара а ший ца ла,
Из а малув, ший мара ца гушварг,
Шийц къонгаш данза хьалбузаш вола къорг?
Хьо ва хьай наьна суртан дохьале,
Хьа бIаргашк зув цу, къонала ханле.
Изза мо, хьо а хургва бIарахьежаш,
КIаьда велаш, духаш дага, дошо шераш.
Амма хьо цхьаьккъа, хьайна мара воацаш,
Лергва а саг воацаш, цхьаккха тIехье йоацаш.

Номаче, 13. Тов 2012 шу


къорг (я) - нора
декхарал (я) - обязанность
суртан дохьале (я) - отражение
ханле (я) - пора