PDA

Просмотр полной версии : Яндиев Джамалдин (Янднаькъан Хамарзий Джамалда)



Menina
28.09.2009, 11:54
Дагадоаг1а сона...

Со т1ехьашкахьа юхахьежача,
Дагадоаг1а сона г1анахь мо,
Цу тхоай лоха, кхаллар* тиллача
Тхов т1ара удадаь ча* михо.

Дагадоаг1а, лаьца вира кодж*
Лоам т1а десага* иха сай нана,
Т1аювхаш из яьтт1а цун боза* коч,
Цу маьчех когаш арабаьнна.

Дицденнадц, цу малха к1ала
Босаг1а* гота ваьлла сай да,
Шийлача 1ийне ваьг1а молла,
Яхаш: «Дуне - хьоашалг1е,
лаьтта – вай ц1а».

Дагадоаг1а, г1ийла шерч дувхьаш,
Юкъах ясаш хинна тхоай гота*,
Дирача хьоцаро фоарт 1увжаш,
Дас ди д1адовлцца аьха лаьтта.

Ц1аккха дицлургдац сона сай дас:
«Да вала, г1ийла къел, хьа», - яьха,
«Маха т1аоттал мичад ираз», -
Яхаш, сай нана г1ийла йийлха.

Дицденнадац сона, дог1а хьайча
Тхоай ц1аг1а хулаш хинна таьзет,
Кхаьлача тхов т1ара чуухача
Дог1о се ваь цу меттара г1етт.

Дагабоаг1а тхоай боккха пхьу*,
Коа з1анарах бийхка лаьтта,
Сийрдача бус тарлий къу,
Из сахиллалца беттага 1ийха.

Тамаш йора аз дилла,
Тхоай дадена б1арахьежача,
К1айча дуненах дог дилла
Лаьттан букъа т1а лийннача.

Сона хетар – беран уйланца
Из ираз лехаш лелаш мо,
Замо баьддаьча б1аргашца
Цо ламаза моттиг лехаш мо.

• кхаллар – кровля (соломой или другой сплошной массой)
• ча – 1.медведь; 2.солома; 3.положение альчика хребтом вниз (игра)
• кодж – вьючное седло для ослов и молов
• десага (от «дос») – дрова
• боза – бязевый
• босе – склон горы, откос
• гота – 1.плуг с упряжью; 2.пахота
• пхьу – пес, кобель

Menina
02.10.2009, 12:47
Хьо деттале, са дог!

Хьо деттале, са дог,
Хьо деттале,
Ткъам баьккха оалхазар ва санна!
Шо хьувза, са уйлаш,
Шо еттале,
Михо човхабаь 1аьржа форд
Ва санна!

Лоаман кертера даьнна хий
Шаьрача ара товжаш санна,
Ха д1аяха, пхаьнашкара
ц1ий
Х1анз дег1аца лел лаьг1денна.

Хьо деттале, са дог,
Хьо деттале,
Ткъам баьккха оалхазар ва санна!
Шо хьувза, са уйлаш,
Шо еттале,
Михо човхабаь 1аьржа форд
Ва санна!

Menina
02.10.2009, 12:53
Са иллеш

Дела, ловз, са иллеш,
Й1аьхаг1а яхийта оаз,
Дош меттаца ц1ендеш,
1уйренца ловзийта оаз!

Дека, ловза, са иллеш,
Наьна лоамашка г1олла,
Даьхен вахар бакъдеш,
Шо лела дунен чу г1олла.

Беран ага т1а хайше,
Цун б1арг сийрдабаккха,
Наьна дег чу йийше,
Наьна дог хьаста.

Ела, ловза, са уйлаш,
Маьрша б1аьстан ди хиле,
Турпала лакха лоамаш
Бетто санна сийрдадаьхе.

Даьхен чу г1олла хьайзе,
Оаш дахар-денар дувца,
Адамий дегашка хайше,
Дунен бакъдар дувца.

Дела, ловза, са иллеш,
Й1аьхаг1а яхийта оаз,
Дош меттаца ц1ендеш,
1уйренца ловзийта оаз!

Сергей_Ингушевич
02.10.2009, 14:21
Тейпан ц1и Яндиев аьн х1ан яз яй уг1з?

Темаркъ
02.10.2009, 14:33
Тейпан ц1и Яндиев аьн х1ан яз яй уг1з?

Довольно-таки не простой вопрос.
По моему причину следует искать вот тут http://www.ingushetia.org/news/20517.html

Сергей_Ингушевич
02.10.2009, 18:31
Г1алг1ай мотт бувц безаце уг1з:)

Menina
02.10.2009, 22:11
Тейпан ц1и Яндиев аьн х1ан яз яй уг1з?

Сона-м хац). Книжка т1а ишта латтар-кх из)).

Сергей_Ингушевич
02.10.2009, 22:20
Тептар-т1м фуннаг1 1ат1 яздур аг1ар

Menina
09.10.2009, 11:33
Хьай ваха безам бале

Хьай ваха безам бале,
Хьай лела безам бале,
Вай сийрда Даьхе
Хьайна езаш яле –
Г1атта, са новкъост,
Лома бирсалца,
Лата, са новкъост,
Вай даьй хьинарца!

Хьона хьай ц1а дезе,
Хьона хьай боахам безе,
Хьо тахан къонахчал
Дайна веце,
Г1атта, са новкъост,
Къонахчун хьинарца,
Лата, са новкъост,
Цу лома майралца!

Хьо хьай даьна ваь вале,
Хьо хьай нанас кхеваь вале,
Хьона хьай наьна т1ар
Хьаьнала хинна бале,
Г1атта, са новкъост,
Оатто ца лехаш сина,
Лата, са новкъост,
Воай ноаной къина!

Дуненах хьай къаста везарах,
Безарех хьай вала везарах,
Воай ноаной къина,
Эхь ма хилийталахь,
Тахан къонахчал дехке,
Зовза ваьле,
Са новкъост, сесага дог
Хьайх ма кхоардаделахь!

Menina
09.10.2009, 11:38
Да вала, т1ом, хьа

Ца безаш, ца бехаш
Маьршача коа т1а
Ц1ерца, к1урца байя,
Ваха хьогар, лела хьогар,
Мерзача дуненах воаккх 1а.
Къаьна да, сий дола нана,
Шийла таьзет кер чу дилле,
Малха дунен т1а бут 1а.
Да вала, т1ом, хьа,
Да вала, т1ом, хьа.

Т1ехьенах доаккхал де,
Безаме яха енар,
Везача марах яьккхе,
Бой нана йий ют 1а.
Да вала, т1ом, хьа,
Да вала, т1ом, хьа.

Ца безаш, ца бехаш
Маьршача коа т1а
Ц1ерца, к1урца байя,
Ваха хьогар, лела хьогар,
Мерзача дуненах воаккх 1а.
Да вала, т1ом, хьа,
Да вала, т1ом, хьа...

Menina
09.10.2009, 11:45
Ха я сона

Ха я сона,
Са вахар,
Ха я!
Шоллаг1а ког
Аз лийта* чу боллалца:
«Шод дика тохал, ва к1анат!» -
Сога Даьхес аллалца.
Сай коача* дын
Майра хьовзабаь
Аз дегаш ловзадаххалца,
Зама, ха я сона!
Сай дега илли даьккха
Наьна лоамаш аз деколца,
Дега чу мел бола безам
Аз Даьхенна д1абаллалца,
Зама, ха я сона!
Ха я сона, ва зама!

• лийта – стремя
• коача – 1.жидкий; 2.кокетливый; 3.запальчивый; 4.всмятку

Menina
25.11.2009, 15:16
Ма хета, новкъостий

Ма хета, новкъостий, ма хета,
Ма дувца сел духьалдаьле,
1уйренца ловза оалхазар санна,
Илли ше ловзадоал, аьле.

Б1аргаца зийна, кертаца уйла яь
Илли дега ц1ийца язде деза,
Оала дош меттаца лувчадаь,
Бер санна, хьаьста, дужо деза.

Доаг1ар, додар теркал деш,
Илли даьхенца кхедаь хила деза,
Дунен т1ара сердало викал еш,
Даьхен бокъо цо хесто еза.

Ма хета, новкъостий, ма хета,
Ма дувца сел духьалдаьле,
1уйренца ловза оалхазар санна,
Илли ше ловзадоал, аьле.

Menina
25.11.2009, 15:21
Илли даха, са дог

Илли ала, илли даха, са дог,
1а мерза ашараш лекха,
Хоза оаз айеш ма могга,
Б1аьстан оалхазар хиле, дека!

Хьо ловза, са илли, г1оздаьле,
Дезаргдац хьа дуненах хьега,
Б1аьстан 1уйре санна къаьге,
Хьо адамий дегашка дека!

Хьо г1атта, ловза, са дегаг1оз,
Наьна лоамаш декадеш,
Й1аьха йохийташ хьай оаз,
Адамий дегаш деладеш.

Наьна й1овхал йиц ца луш,
1а вай наьначе хоастае,
Лаьттан т1а даха к1аьд ца луш,
Хьай мукъа ткъам лостабе.

Илли ала, илли даха, са дог,
1а мерза ашараш лекха,
Хоза оаз айеш ма могга,
Б1аьстан оалхазар хиле, дека!

Menina
20.01.2010, 00:56
Хьо ловза, са илли!

Хьо ловза, са илли,
Хьо дека, са илли,
Хо дунен т1а г1олла
Сийрдадаьле лела!
Из лоаман кхоача
Лаьча хиле,
Хьо г1оздаьле тахан
Ловза, дела!

Доккхача дунен
Езаш хозале,
Хьо лаьттан букъ т1а
Майра лела, -
Хестаеш таханара
Кортамукъале,
Хьо адамий дегашка
Декале!

Са илли, бера ага
Шортта хьаьсте,
Набара ткъам
Лостабе,
Наьна дег чу
Й1овхалца лесте,
Наьна б1арг
Белабе!

Хьо ловза, са илли,
Хьо дека, са илли,
Хо дунен т1а г1олла
Сийрдадаьле лела!
Из лоаман майра
Лаьча хиле,
Хьо г1оздаьле тахан
Ловза, дела!

Menina
20.01.2010, 00:59
Зама йода

Зама йода, чехка вода
Говрабаьри санна,
Зама йода, хьийдда йода
Тийрка талг1и санна.

Сийрдаяьнна, г1озъяьнна,
Доккхача иразага из йода, -
Уйла ловзаяьнна,
Со заманца вода.

- Хьалха вала, илли ала, -
Новкъосташа сога йоах.
- Лаьча санна, ловзадала! -
Аз сай иллега ях.

Зама йода, чехка вода
Говрабаьри санна,
Зама йода, хьийдда йода
Тийрка талг1и санна.

Menina
20.01.2010, 01:03
Морхаш

Лоам биа долха бений жа хиле,
Йолалу шо довкъашка г1олла,
Цкъаза к1аййий сийна сигале,
Йолхаш хул шо сигала г1олла.

Цкъаза лоам чу маша яьхке,
Латт шо 1аьржача бесе лесте,
Цкъаза михо хьалхалаьхке,
Юг шо боккхача форда йисте.

Цкъаза дорхъеле,
Оаш лаьтта лувчаду, -
Уж аренаш самаяьхе,
Адамий дегаш деладу.

Menina
20.01.2010, 01:08
Са наьна мотт

Са Даьша
машара бийца,
Са нанас,
Бер санна
ловзаваьккхе,
Даьтта хьакхе,
Ага т1а хьийста
Са наьна мотт!
Цкъаза
хьо сона
Ма лоаца
хиле,
Ма къе
бийрзе
Духьалъотт.
Цу форда т1а
г1олла виге
Т1ехен т1а
ваьккхе
1а со ма вут.
Цкъаза
г1адвиге,
Бер санна,
ловзаваьккхе,
Даьтта хьакхе,
дош дужадий
1а со сахиларга
ма воакх.
Гурахьа
лийг санна,
Стих йоашайий,
Б1аьстан 1уйра мо,
илли ц1ендий,
1а са самукъа
ма доакх.
Са даьша
машара бийца,
Со нанас
ага т1а хьйийста
Са наьна мотт!

Г1алГ1а
06.02.2010, 20:53
Ма хета, новкъостий

Ма хета, новкъостий, ма хета,
Ма дувца сел духьалдаьле,
1уйренца ловза оалхазар санна,
Илли ше ловзадоал, аьле.

Б1аргаца зийна, кертаца уйла яь
Илли дега ц1ийца язде деза,
Оала дош меттаца лувчадаь,
Бер санна, хьаьста, дужо деза.

Доаг1ар, додар теркал деш,
Илли даьхенца кхедаь хила деза,
Дунен т1ара сердало викал еш,
Даьхен бокъо цо хесто еза.

Ма хета, новкъостий, ма хета,
Ма дувца сел духьалдаьле,
1уйренца ловза оалхазар санна,
Илли ше ловзадоал, аьле.

Аудио версия (http://onda.ucoz.ru/load/7-1-0-19)

Клеопатра
10.03.2010, 18:06
ЗАМАН КИЗГА ЧУ ХЬЕЖАШ

ТалгIена тIехьа из талгIе санна

Денна тIехьа ди додаш ха дIайода,

Заман дийна теш се хинна

Дегаца доаккхал деш со а вода.

Цкъаза са заман къаьга кизга

Iуйран дохк этте баьдлуш хинна дале а,

Цхьайолча хана дукха, кIезига

Дега тIа бала отташ хиннабале а,

Заман тешаме воI сайх лархIарах

Аз сай вахарах дилла доаккхал ду

Хозал, дикал лаьтта йовзийтарах,

Аз Сийдолча Даьхен боккха хам бу.

БIарг отталца со цу чу хьежарах,

Деррига дайна, зийна со варгвац,

Мотт баццалца со дувца гIертарах,

Деррига дийца, аьнна а варгваи.

Сона дилла дийзад,

Сона дег чура лайнад

Заман кизга чу сага сурт

ЦIаккха ийрча ца отталга,

Лаьттара вахара беркат

Иштта беркате цу чу латталга.

Клеопатра
10.03.2010, 18:14
Маьржа яI-кх!

Ма дукха хьийгав со

Сага вас йоацача хозача дешах,

Ший чу хьагI йоацача

сага дегах.

Ма доакха ираз да, цIендаь,

Адамашта дезаргдолча бесса дош алар,

Поэто уйланца аьнна дош,

ТIехьенна дусаргдолаш.


г1алг1ай меттале ПОЭТ ях дош деций? Йоазанхо - писатель.. "Поэт" мишта аргда т1акх?

Темаркъ
11.03.2010, 00:10
.. "Поэт" мишта аргда т1акх?[/B]
Ишта дакх из дош г1алг1ай меттал а-Поэт

Ovod
11.03.2010, 17:29
Маьржа яI-кх!

Ма дукха хьийгав со

Сага вас йоацача хозача дешах,

Ший чу хьагI йоацача

сага дегах.

Ма доакха ираз да, цIендаь,

Адамашта дезаргдолча бесса дош алар,

Поэто уйланца аьнна дош,

ТIехьенна дусаргдолаш.


г1алг1ай меттале ПОЭТ ях дош деций? Йоазанхо - писатель.. "Поэт" мишта аргда т1акх?

Мой вариант такой... Г1артам пхьар- мастер рифмы:p:p

Магомедовна
11.03.2010, 17:38
Мой вариант такой... Г1артам пхьар- мастер рифмы:p:p

Уууууууууууу, однако, какой Вы умный! Это же надо так красиво сказать.

Ovod
11.03.2010, 17:43
Уууууууууууу, однако, какой Вы умный! Это же надо так красиво сказать.

Ц1ивалтар 1а со)))

Menina
22.09.2010, 18:43
Даьхенга

1а со везаш теркаварах,
1а со низ бенна кхеварах,

Дув буъ аз хьона
Хьа га ца хувца,
Дош лу аз хьона
Хьа сий ца дохка.

1а дуне сийрдадаьккхандаь,
Са дог, са б1арг г1озбаьккхандаь,

Дув буъ аз хьона
Хьа га ца хувца,
Дош лу аз хьона
Хьа сий ца дохка.

Езача йи1ий б1арг санна,
Ваьча наьна дог санна,
Хьо лорае дув буъ аз хьона.
Сийдола, ва са даьхе!

Menina
22.09.2010, 18:46
Хьалха

Коа т1ара коа т1а ювлаш
Къел лийннай лоамашка,
Лоамарочун са 1увдаш
Бала лаьттам дегашка.

Хьанна дицлургда,
Г1ийла шок етташ,
На1арах чухьийкха
Из шийла дарц,

Чехко йорт етташ
Гув йисте 1ийха
Меца борз,
Хьанна йицлургья?

Коа т1ара коа т1а ювлаш
Къел лийннай лоамашка,
Лоамарочун са 1увдаш
Бала лаьттам дегашка.

Menina
22.09.2010, 18:51
Ма хетта

Ма яха сога, ма хетта
Хьа даьй фу деш хиннаб,
Лоаман довкъашка фетта
Уж хьанна к1ийлен ихаб.

Уж бац картех букъ хьекхаш
Наьха кхуврча хьийжарех,
Е адамий рузкъах хьегаш
Атта лаьтта баьхарех.

Уж лийннабац коашка ухаш
Юрта ж1алеш 1ехадеш,
Е дер дайна, 1ийне бувлаш
Чокхе ткъамаш лестадеш.

Са даьй баьхаб хало-оатто ловш,
Гота, мангал леладеш,
Лаьтта шозза ца бахийлга ховш
Шу беркатте увттадеш.

Уж ба вурийтталаг1ча шера
Моастаг1ан духьал лаьттарех,
Молха к1урах ца кхераш
Лоам чу бокъо яьккхарех.

Ма яха сога, ма хетта
Хьа даьй фу деш хиннаб,
Лоаман довкъашка фетта
Уж хьанна к1ийлен ихаб.

Menina
22.09.2010, 18:55
Дела, ловза

Делаш, ловзаш духьал ух денош,
Вахар да седкъа санна хоза.
Со а лел вахар хестош,
Ма ма могга хозъеш сай оаз.

Са дега илли, ловза, дела!
1а г1адбига, г1озбаха са нах,
Хьо оалхазар хиле лела, -
Баь варгвац со хьа мах!

Чуг1аг1аьра санна хоза хила,
Дега чура г1адваха аргда аз:
"Даьд оах Октябра тхов к1ала
Цу малх санна хозача нанас".

Menina
22.09.2010, 18:56
Лоамашка

Шун хало,
шун оатто
Дилла са дег чу
ца лаьттача,
С вахар а
дош дац,
Фуннаг1а дарах,
миччахьа леларах,
Шоана ца вийзача,
Се хьанна везаргва
сона а хац.

Menina
03.11.2010, 09:54
Лургъяц даьхе

К1айи хозеи гучахь дувцаш,
Уж б1еха дегаш чудехка,
Михо санна шоай никъ хувцаш,
Ц1и тоха доахкар шо мехка.

Б1ехалашта кара даха,
Даьхе моастаг1ашка ехка,
Моастаг1ий сийна ц1и теха,
Довла г1ертар шо тха мехках.

Цу къаьнача пхьарах тийша,
Газа можага ладувг1аш,
Доахкар шо болх бе тийша,
Бертий мо даьхен т1а хьувзаш.

Б1ехалаш, дезац шо дега,
Шо цхьанна х1аман маьхе дац.
Б1аьсти хиш мо ц1еш 1оъахийта
Яьккха даьхе оаха шоана лургъяц.

Menina
03.11.2010, 10:13
***

Йолле, йолле, са назмаш,
Й1аьхаг1а йохийташ оаз.
Деладе г1оза адамаш,
Хила зиза санна хоза.

Долле, долле, са илеш,
1аьрчча лаьттан т1аг1олла.
Доаг1ачун, додачун уйла еш,
Долле дунен чухь г1олла.

Бера ага т1а хайше,
Цун б1арг сийрдабаккха,
Дунен дег чу йийше,
Тхьайсадар сомадаккха.

Долле, са вахар, са уйлаш,
Дегай оалхазараш хиле,
Долле, са наьна лоамаш,
Бетто мо сийрдадаьхе.

Са даьй г1алашка хайше,
Оаш дахар денар дувца.
Са наьха дегашка хайше,
Дунен бакъдараш дувца.

Menina
03.11.2010, 10:23
Ага илли

Ший дог теркош санна, хоза
Дахчан ага теркош,
Йохийташ шорто оаз,
Яг1а нана илли доахаш:
"Вижалахь, нане, вижалахь,
Мерзача набарах, мерза,
Тхьовсалахь, нане, тховсалахь,
Хозача набарах, хоза.
Леларгвац хьо саг1а дехаш,
Яхаргдац хьох эздий вац,
Хьувзаргвац хьо ираз лехаш,
Аргдац хьох дын дика бац.
Гургъяц хьона аьрга къел,
Хургвац хьо, гож хьалхабаьнна, -
Лоаман босешка мухьарч кхухьаш
Леларгвац хьо букъ т1абаьнна.
Хьалкхе, хьалкхе, нанена вахарг,
Кхоане я хьога хьежаш...
Хьалкхе, ч1оаг1ле, дукхавахарг,
Даьхе я хьона хьо везаш.
Кхухьаргвац хьо есарийла,
Леларгвац хьо ираз дехаш.
Дунен т1а вахаргва хьо сатийна,
Яхача замах велакъежаш.
Мехка юкъе вахаш-лелаш,
Лелоргъяц 1а даьшкара цхьоал,
Сашорта дог кер чу долаш,
Дергда 1а хьайна доал.
Хьалкхувргва хьо 1илма дешаш,
Мехка да хургва хьох.
Хьоцар вахар дукха дезаш,
Со а дунен т1а хоза яхаргья.
Хьалкхе, хьалкхе, нанена вахарг
Кхоане я хьога хьежаш...
Хьалкхе, ч1оаг1ле, дукхавахарг,
Даьхе я хьона хьо везаш.

Menina
03.11.2010, 10:33
Орджоникидзе венна ди

Алала сога,
Ва са наьна лоамаш,
Х1анад шо
Сел г1айг1ане даха?
Кер чу таьзет
Эттача мо делхаш,
Х1ана латт шо
Сел кортош чудаха?

Алал сога, г1ийла ди,
Х1анад хьо сел шийла,Х1ана лел хьо
Г1ийла ц1увзаш,
Во1 веннача
Наьна мо дог дайна.
Х1анаб малх
Сигала хьувзаш?

Алал сога,
Ва 1аьржа лаьтта,
Малаг1 фос
Йихьай 1а тахан?

Ва къиза 1оажал,
Воал со хьога хатта,
Тхона юкъера малав
1а вихьар тахан?

Маьржа-я1! Г1айг1а,
Хьарг1а хинна,
Х1ана г1ерт хьо
Тха ц1ен юхе?
Алал сога
1а мукъаг1 бакъдар, са дог,
Х1ана делх хьо
Сел г1ийла, г1айг1ане?

Дего аьлар,
Дего аьлар...
Б1аргех хий доладелар,
Бала хинна,
- "Дунен т1ара вихьав,
Дунен т1ара вихьав
Сийдола адамий во1", -
аьнна.

Крымова
05.11.2010, 10:27
Какой замечательны был человек! Просто глыба какая-то! Сколько энергии, сколько страсти, сколько позитива!
Он часто бывал в доме, где проходило мое детство, рассказывал нам сказки, был доброжелательным, открытым. А смеялся так громко и заразительно, что все вокруг, казалось, вторило ему. Это были как-будто другие люди...
Недавно встетила другого ингушского поэта. Отвернулся, сделав вид, что мы не знакомы, хотя совсем недавно был так "тронут заботой и вниманием", что даже обещал "отразить это в своем творчестве" (тогда он нуждался в помощи, а теперь, получив все, в чем нуждался, стал забывчив). А амбиции космические: всех вокруг иначе, как "мой народ", и не называет.

Ovod
05.11.2010, 18:59
Недавно встетила другого ингушского поэта. Отвернулся, сделав вид, что мы не знакомы, хотя совсем недавно был так "тронут заботой и вниманием", что даже обещал "отразить это в своем творчестве" (тогда он нуждался в помощи, а теперь, получив все, в чем нуждался, стал забывчив). А амбиции космические: всех вокруг иначе, как "мой народ", и не называет.

Сытый, ни в чём не нуждающийся поэт не пишет стихов:D

Menina
07.02.2011, 12:19
Бийсанара баьри

1аьржа бийса,
Ва 1аьржа бийса!
Меца борз хинна хьо х1ана увг1ар,
Мерза безам баа еза бийса
Сел сатем байна х1ана хьувзар?

Х1ана водар из ха яхача хана
Фертаз санна дехках хьерчаш,
Г1анаша хьеста везача хана
Бетта сердалах сел кхераш?

Е ц1агг1а доккха хатар хинна
Къахьа кхаъ баккха водар-теш,
Е дукха веза саг венна
Таьзета отта водар-теш?

1аьржа боад, 1аьржа хьарг1 хинна
Б1аргаш хьувзача хана,
Сатассара кхераш, сихвенна
Из хьанна к1ийленна водар ха яхача хана?

Из вар т1емо човхаваь,
Моастаг1чун молхо даьрваь,
Истий-берий ч1ир леха водаш хинна
Ц1имхара-бирса лоаманхо,
Даьхен майра т1емахо.

Menina
07.02.2011, 12:19
Бийсанара баьри

1аьржа бийса,
Ва 1аьржа бийса!
Меца борз хинна хьо х1ана увг1ар,
Мерза безам баа еза бийса
Сел сатем байна х1ана хьувзар?

Х1ана водар из ха яхача хана
Фертаз санна дехках хьерчаш,
Г1анаша хьеста везача хана
Бетта сердалах сел кхераш?

Е ц1агг1а доккха хатар хинна
Къахьа кхаъ баккха водар-теш,
Е дукха веза саг венна
Таьзета отта водар-теш?

1аьржа боад, 1аьржа хьарг1 хинна
Б1аргаш хьувзача хана,
Сатассара кхераш, сихвенна
Из хьанна к1ийленна водар ха яхача хана?

Из вар т1емо човхаваь,
Моастаг1чун молхо даьрваь,
Истий-берий ч1ир леха водаш хинна
Ц1имхара-бирса лоаманхо,
Даьхен майра т1емахо.

Menina
07.02.2011, 12:23
Хьетт

Лоам т1а гуллий,
Лоам т1а шоарткълий
Бертех къьахка
Дын санна.
Ди техача мо
чуйолалу хьетт.

Лакха лоамаш
лийлхача санна,
Лаьтта аьгача мо
из йоаг1аш хетт.
Шийла хьалхашка
Нийс мел деннар
Моастаг1чо санна
Х1алакдии,
Из шаьрача арен т1а
йоал.

Т1аккха маьлха
З1анараш к1аьдйий,
Из хий хиле
Лаьттан т1ар д1айоал.

Сел дуне х1алак
Х1ана даьд цо,
Сел лар йоацаш
Ше йовргхилча?
Сел наха бала
Х1ана баьб цо,
Кхы ший яха
Денал ца хилча?

Menina
07.02.2011, 12:23
Хьетт

Лоам т1а гуллий,
Лоам т1а шоарткълий
Бертех къьахка
Дын санна.
Ди техача мо
чуйолалу хьетт.

Лакха лоамаш
лийлхача санна,
Лаьтта аьгача мо
из йоаг1аш хетт.
Шийла хьалхашка
Нийс мел деннар
Моастаг1чо санна
Х1алакдии,
Из шаьрача арен т1а
йоал.

Т1аккха маьлха
З1анараш к1аьдйий,
Из хий хиле
Лаьттан т1ар д1айоал.

Сел дуне х1алак
Х1ана даьд цо,
Сел лар йоацаш
Ше йовргхилча?
Сел наха бала
Х1ана баьб цо,
Кхы ший яха
Денал ца хилча?

Menina
07.02.2011, 12:29
Маьлхара каша

Ваьхав миска, ваьхав г1ийла
Миска лоаманхо.
Хиннад цун ц1а даьсса, шийла,
Чухьувзаш из 1аьржа сагото.

Белажах - топ, юкъах шалта.
Кулг диллал з1амига оахам,
Нецаша диа дахчан ага, -
Из хиннаб цун беррига боахам.

Ваьхав, лийнав, иразах хьегаш,
Нажа тов хинна къел дег чу йижа,
Ваха, лела г1ерташ, къахьегаш,
Вала ца могаш, дуне дита.

Дуненга сатийсача ший б1аргех
Мецача хьарг1о чам баккхар кхийра,
Эздий долаш, кхийна ший дег1
Мецача берташта гоам бохор кхийра.

К1айча дуненга 1адика йийца,
Шалта, топ шийца ийца, -
Из дунен миска хьаша,
Хайнав цу маьлхарча каша.

Menina
07.02.2011, 12:29
Маьлхара каша

Ваьхав миска, ваьхав г1ийла
Миска лоаманхо.
Хиннад цун ц1а даьсса, шийла,
Чухьувзаш из 1аьржа сагото.

Белажах - топ, юкъах шалта.
Кулг диллал з1амига оахам,
Нецаша диа дахчан ага, -
Из хиннаб цун беррига боахам.

Ваьхав, лийнав, иразах хьегаш,
Нажа тов хинна къел дег чу йижа,
Ваха, лела г1ерташ, къахьегаш,
Вала ца могаш, дуне дита.

Дуненга сатийсача ший б1аргех
Мецача хьарг1о чам баккхар кхийра,
Эздий долаш, кхийна ший дег1
Мецача берташта гоам бохор кхийра.

К1айча дуненга 1адика йийца,
Шалта, топ шийца ийца, -
Из дунен миска хьаша,
Хайнав цу маьлхарча каша.

Menina
07.02.2011, 12:35
Тирк

Тирк доаг1а, лоамашта юкъе г1олла хьувзаш,
Ший чехка талг1еш бердех етташ,
Цкъаза цхьа ашараш лекхаш,
Цкъаза ломо мо ц1ог1а детташ.

Цкъаза дода гон т1а хехка дын хиле,
Сийна кхес михца ловзаеш,
Шортта хьежаш латт цунга сигале,
Ший сийрда седкъий лепадеш.

Цкъаза, цхьа них санна сувсаш,
Из дода к1ай чопаш беш,
Цкъаза, меца борз хиле, увг1аш,
Дода, ка етташ, лаьтта удадеш.

Наггахьа к1аьдлий, шорто шершаш,
Из дода бердаш лувчадеш,
Талг1ен т1ехьа талг1е етташ,
Уж лоамаш декадеш.

Цун майрача ц1ог1анга ладувг1аш
Улл сатийна со ваь са юрт.
Лаьттан т1а боамбе кулг хьекхаш
Бода сийрдбаьнна бутт.

Menina
07.02.2011, 12:35
Тирк

Тирк доаг1а, лоамашта юкъе г1олла хьувзаш,
Ший чехка талг1еш бердех етташ,
Цкъаза цхьа ашараш лекхаш,
Цкъаза ломо мо ц1ог1а детташ.

Цкъаза дода гон т1а хехка дын хиле,
Сийна кхес михца ловзаеш,
Шортта хьежаш латт цунга сигале,
Ший сийрда седкъий лепадеш.

Цкъаза, цхьа них санна сувсаш,
Из дода к1ай чопаш беш,
Цкъаза, меца борз хиле, увг1аш,
Дода, ка етташ, лаьтта удадеш.

Наггахьа к1аьдлий, шорто шершаш,
Из дода бердаш лувчадеш,
Талг1ен т1ехьа талг1е етташ,
Уж лоамаш декадеш.

Цун майрача ц1ог1анга ладувг1аш
Улл сатийна со ваь са юрт.
Лаьттан т1а боамбе кулг хьекхаш
Бода сийрдбаьнна бутт.

Menina
07.02.2011, 12:40
Дын

Хьо бакъилг йолча хана,
Лесташ дихка бесса,
Б1арг санна езаш даьна
Лийлар хьо, тесса кхес.

Лелайора хьо, са санна,
Бертех дас лораеш,
Езаш дега, бер санна,
Сийнача баь т1а ловзаеш.

Ахийтар хьо шерра-шера
Из Маьтта-Лоам баа.
Хьекхаш кулг, 1урра-1ура
Ц1енбеш герга гаа.

Д1аэттар хьо, дын хинна,
Къегаш чачакха кхес,
Саь санна сибат хинна,
Мух мо йолаш масса.

1аьржа хий даьккха дотув
Хьа гаан т1а къега даьлар.
Даьна ца могаш соцо,
Хьо ловза баьлар.

- Шод дика тохал, ва к1анат! -
Хьа даьга дукха яьхар,
Да хьаста кхувлаш,
1а йи1ий дог г1оздаьхар.

Menina
07.02.2011, 12:40
Дын

Хьо бакъилг йолча хана,
Лесташ дихка бесса,
Б1арг санна езаш даьна
Лийлар хьо, тесса кхес.

Лелайора хьо, са санна,
Бертех дас лораеш,
Езаш дега, бер санна,
Сийнача баь т1а ловзаеш.

Ахийтар хьо шерра-шера
Из Маьтта-Лоам баа.
Хьекхаш кулг, 1урра-1ура
Ц1енбеш герга гаа.

Д1аэттар хьо, дын хинна,
Къегаш чачакха кхес,
Саь санна сибат хинна,
Мух мо йолаш масса.

1аьржа хий даьккха дотув
Хьа гаан т1а къега даьлар.
Даьна ца могаш соцо,
Хьо ловза баьлар.

- Шод дика тохал, ва к1анат! -
Хьа даьга дукха яьхар,
Да хьаста кхувлаш,
1а йи1ий дог г1оздаьхар.

Menina
14.03.2011, 12:45
Тамарийга

Моакха морхаш маша ийттача,
Малхо Беш-лоама
Корта хьийстача,
Ц1окъа лом
1уйранца лайзача,
Цу Дарьяла ч1оже
Цхьан хана яьхай хьо.
Майра лоаманхо
Аькхе ихача,
Кура лоаманхо
К1ийлен хийшача,
Даьрдича санна,
Тирк иддача,
Цу лоаман ч1оже
Цхьан хана яьхай хьо.
1а б1аргаш хьалекхача,
1уйре хийтта ецаре,
1а б1аргаш дувшадича,
Сайре хийтта ецаре,
Хьа юхьах малх
Тарбенна бецаре,
Курача лоаманхочо ба1а баь
Цу довкъех
Йоадаяь хургьяр хьо.

Menina
14.03.2011, 14:07
Бага

Даьй вахар санна,
Г1ийла боагаш,
Цхьа ха-зама яьккхай 1а, бага.
Х1анз бийсах ди хинна ваг1аш,
Бехаб хьо сона юха дага.

Яхача заман сердало хинна,
Хьо маг1а баьккха лаьттаб,
Фо хьекхача,
Веха саг санна,
Оаг1ара бувлаш хьо баьгаб.

Хьа сердалон к1ал инза деш
Из лоаман сув ураяьг1ай.
Хьона юхе мажара топ ц1енъеш,
Лоаманхо дуккхаза ваьг1ав.

Х1анз бийсах ди хинна даьлча,
Хьо г1а санна юха дагабох,
Наьна лоамашка кхаьчача,
Даьй вахар,
Дог ч1ехке, юха дагадох.

Menina
14.03.2011, 14:19
Наьна лаьтта

Евгения Матвеевна Укурована хетаю

Шоаш гаьннача мехка болхача хана,
Са даьша чокхе бустам чу кхихьад хьо,
Аз а се ара лелаш гаьнна
Сай дог санна сайца леладаьд хьо,
Сийдола са наьна лаьтта!

Хьо шоашта дезаш хиларах
Са даьша ламаза корта бийттаб хьона,
1а са къонахчал, са сий лорадарах
Сона деза хьо наьна накха санна,
Са даьй хьацара йийхьденна,
Са даьй ц1ийца хьаьнденна,
Сий дола са наьна лаьтта!

Хьалкхийча безама чам бовзийтаб 1а
Са уйла, са дог деладеш,
1уйренца сона илле оаз хазийтай 1а
Лакха лоамаш декадеш.
Са даьй хьацара йийхьденна,
Са даьй ц1ийца хьаьнденна,
Сий дола са наьна лаьтта!

Дув буъ аз хьона
се дийна мел ва
Хьа хам бе,
Дош лу аз хьона
сай мотт мел лув
Хьо хестаде,
Ва сий дола са наьна лаьтта!

Menina
14.03.2011, 14:21
Вирага

Ашара говз яц,
Дег1а ийша я,
Болара чехка яц,
Мух йоаг1аш я
Хьох яьха дале а,
Гож сеттабеш, - харцдац, -
1а лоаман довкъашкара
Деса михьаш кхихьа,
Мерза пхьор дуандаь,
Се нанас в1айха вужаваь
Сона-м дицлургдац.

Menina
14.03.2011, 14:24
Цу д1аьхача сийнача бога чу

Цу д1аьхача,
Сийнача бога чу
Морза т1а к1одараш мо лел морхаш,
Адам деннад набарах ч1оаг1ача,
Сатийна латт лакха лоамаш.

Цкъаза маьр-даьх
Нус мо лечкъаш,
Т1аккха хоза йо1 мо,
Белаш, хьеж бутт,
Хозача г1анаша мерза хьесташ,
Лоамашта юкъе улл
Со ваь юрт.

Menina
14.03.2011, 14:36
Ага т1ара къаьна илли

Меца хьарг1а сигала хьувзар,
1аьржача лаьттан зем беш.
Дахчан ага г1ийла ц1увзар,
Шортта нанас теркадеш.

Бера ага шортта теркар,
Набара ткъам лестабеш,
Наьна б1аргара т1адамаш легар,
Миска дог делхадеш.

"Из меца хьарг1а маца юзаргья?
Из наьна дог маца делалургда?" -
Яхаш, наьна дог г1ийла делхар,
Дахчан ага шорта теркар.

Menina
16.05.2011, 10:47
Дог г1оздаьнна

Тахан са дог
Г1оздаьккха,
Сийрдаяьккха
Са уйла,
К1ай оалхазар мо
Г1етта,
Духьал йоаг1а
Сона 1уйре.

Т1ехьа ма виса,
Чехкале кога,
Хьай иллешца
Лоамаш деко.
1а дунен т1а
Ца даьр дац хьа,
Йоах сога
Детталуча дего.

Хьаькъалца доацаш,
1айха леладаьраш
Наькъ т1ара д1акховса,
Д1адаха.

Никъ боацаш
Мел дийцараш
Хьайца доацаш
Тахан ваха.

Йоах сога
Г1озъяьннача уйла.
Тахан са дог
Г1оздаьккха,
Сийрдаяьккха
Са уйла,
К1ай оалхазар мо
Г1етта,
Духьал йоаг1а сона
1уйре.

Menina
16.05.2011, 11:01
Лоамаш

Дарз хьакхарах,
Ди тохарах
Ага ца агаш,
Хало т1акхачарах,
Бала чуболарах,
Када ца кадаш.
Сатийна лаьттад шо,
Са наьна лоамаш.

Шун сабарца,
Шун деналца
Цхьан дийнахьа
Сай ваха йиш хилча,
Ховлда шоана
Сай вахар
Иштта даьсса
Хетарг ма дацар
Сона.

Menina
16.05.2011, 11:07
Пушкинга

Хьо дунен 1уйренга ваьнна
Уйлаех виза тахан латт,
Хьа иллех цецваьнна
Хьона хьалхашка со а латт.

Зама мел йода, адам мел дах,
Дунен т1ара довргдац хьа сий.
Тха ханара волаш мо, хьо тхоца вах,
Дег1аца ца леле а д1айха ц1ий.

Дукхабараша хьо иллешца хеставаьв.
Цхьабараша хьа чурта т1а зизаш дийхкад,
Аз а хьо сайна дега чура везандаь
Сай нана лаьтта хьа чурта т1а денад.

Дукха аз сайца леладаь лаьтта,
Сай даьшта дийза хьаьна лаьтта
Хьона даькъалдаь, аз хьо волча диллад.

Menina
16.05.2011, 11:25
Моаршал хилда шоана, лоаманхой!

Хьаг1а чу доахка жа санна,
Маьттазача лоама чу дехка,
Дег1а г1ирса зарзденна
Дахар шо, балах хьаьрча,
Сабар дола лоаманхой.

Халача дукъо фоарт йиа,
Къизача вахаро дог дожадаь,
Лела ца дуташ, вахарах даьха.
Наьна лоамашка лелар шо,
Цхьоаг1о йола лоаманхой.

Низболча октябрца
Шун вахар сийрдадаьлар,
Ленина уйлашца
Шун лелар г1оздаьлар,
Сий дола лоаманхой.

Menina
16.05.2011, 11:29
***

З1амига волаш е кхийна хьаэттача,
т1ом бувцарах мара бовзаш вацар со,
Т1ом хала ба, т1емо нах отто хилача,
Яхар мара, т1ема бала 1айша вацар со.

Моастаг1чох едда йоаг1ача,
Яхарах еха йоаг1ача
Кхалсага юхь т1арча сурто
Б1аьшера со т1ем т1а хилча санна,
Моастаг1чун къизал, т1ема сагото
Кизга чу санна, б1аргайойтар сона.

Menina
16.05.2011, 11:37
Г1овтта, к1антий

Илли

Даьхес вай т1ем т1а дех,
Лаьтта, сий, бокъо лорае.
Майра к1ант1ий цо лата бех,
Къиза моастаг1 вохаве.
Г1овтта, к1антий,
Г1овтта!
Кура к1антий,
Г1овтта!
Даьхе вай лораергья.
Тоха, к1антий,
Тоха,
Майра к1антий,
Тоха,
Моастаг1 вай вохоргва!
Тахан лелор моашал
Ма1ал доацаш ва,
Йоацаш сица доастамал,
Б1ехал вай оачаргба.
Г1овтта, к1антий,
Г1овтта,
Кура к1антий,
Г1овтта,
Даьхе вай лораергья.
Тоха, к1антий,
Тоха,
Майра к1антий,
Тоха,
Моастаг1 вай вохоргва.
Лаьш хинна дахачул,
Лаь доацаш довргда вай,
Сийдоацаш лелачул,
Сийдолаш довргда вай.
Г1овтта,
Кура к1антий,
Г1овтта,
Даьхе вай лораергья!
Тоха, к1антий,
Тоха,
Майра к1антий,
Тоха,
Вай моастаг1 вохоргва!

Menina
20.06.2011, 15:53
Наьнага

Саго ма де, ва нани, сагот ма де,
Ма лозабе сийдола к1айбенна корта
Цу корах арахьежаш, дог ма лозаде,
Со дагавоаллаш вай Даьхен т1ем т1а.

Тахан т1ема зама хьаэттача хана,
Со доастама, зовза хиларах ма кхералахь,
Со моастаг1чоа духьал латтача хана,
Ка аьга, т11ехьашка валара ма кхералахь.

Со, майра, т1ом баь, вай коа т1а веча,
Т1ем т1а леладаьраш аз хьона дувцаргда,
Со, моастаг1 вохаваь, хьона духьал веча,
Вай даха-лела 1оховшаргда.

Сагот ма де, ва нани, сагот ма де,
Со доастама, зовза хилара кхераш,
Цу корах арахьежаш дог ма лозаде,
Со, ка аьга, т1ехьашка валара кхераш.

Menina
20.06.2011, 15:57
Теша

Б1аргашка хий эттача, дог ч1ехко хургда 1а,
Со т1ем т1а вода аьнна хезача,
Дего бала бетташ, б1арг леша хургба хьа
Со воацаш, хьа цхьаьккха йисача.

Дега чу ша белла, б1арг лешо эшац хьона,
Со моастаг1ашта духьал вахав аьлча,
1аьржа таьзет дилла када езац хьона,
Со Даьхен т1ем т1а вийнав аьлча.

Со воаг1аргва хьона, теша, теша,
Б1айхача безамца ваха воаг1аргва хьона.
Зовзача маьраца дилла яхачул, - теша,
Къонахчун ц1и лелайича сийлехьа я хьона.

Menina
29.07.2011, 16:41
Адам г1отташ латт

Наьна лоамашкара
Сийрдача фордашка кхаччалца,
Малхбоалера
Малхбузе кхаччалца,
Даьрденна ц1окъа лом санна,
Адам г1отташ латт.
Дувцилга йоаца ч1оаг1а адам,
Алилга доаца майра адам.
1аьржа лаьтта декадеш,
Сийна сигале кхайкаеш,
Даьхен т1ем т1а отташ латт.
Шоай байнача даьй сий ца доаде,
Шоай къаьнача ноаной яхь ца йоае,
Лоаман лаьча санна сихденна,
Ц1окъа лом санна дорхденна,
Даьхен т1ем т1а отташ латт.

Menina
29.07.2011, 16:43
Б1аьсти

Яда лепаш
Й1аьха ареш,
Латт гаьнаш
Техка даьреш.
Хьувз уж колхозий
Г1оза готаш,
Хоз оалхазарий
Хоза оазаш.
Тха хоза б1аьсти,
Йоаг1а хьо тхо хьаьсте.

Menina
29.07.2011, 16:47
1уйре

Кхайкора иллача мо бос байна,
Лакхбенна, шорта бода бутт,
Г1анаш духьал хьувкхаш илла,
Лоамашта юкъе г1отташ йоалл са юрт.

Малх латт, пишка юхе баьг1ача мо,
Ц1ийбенна, хозбенна айлуш,
Колхозий кхаш латт, теркош михо,
Денгара-денга хозлуш.

Лийча, ц1енденна латт наьна-лоамаш,
Лепаш да арен т1а дото тхир,
Шерчий вордаш санна йолх морхаш,
Цу сигленна даьккха сийна лир.

Menina
29.07.2011, 16:51
Гуйра

Лаьтта улл, пахашка мо бос байна,
Фо да - шийла, ц1ена, хоза.
Малх лел шорто хьежаш, дог дайна,
Арешка зелац зиза.

Сигален, лаьттан хозача юкъах
Хьаьрчад 1ажаг1а бессар т1ехкар,
1аьржа морхаш хьувз дукхаг1а,
Оалхазараш дахад мехкара.

Сигален доккхача б1аргех
Доладеннад лега т1адамаш,
Г1айг1ане, этта муг1арех,
Лаьтт аьргадаьнна лоамаш.

Ди т1ехьа лоацлу гуйран денош,
Гаргаг1ерт шийла, бирса ди,
Йистебовла боахк колхозникаш
Чуийца шоай хьийкъа хьи.

Menina
29.07.2011, 16:58
Лоам чу яьхача кхалсагага

Ма тамаш я,
Уж лакха лоамаш,
Уж наьна лоамаш,
Хьа къина ца делхар.
Уж шийла шовдаш,
Уж шурий шовдаш,
Хьа балех ца лакъар,
Ва лоаман кхалсаг!

Ма тамаш я,
1аьржа лаьтта,
Из шера лаьтта
Хьа саготанах ца этт1ар,
Гаьнара седкъий,
Хьох къахийтта,
Хьа къина ца делхар,
Ва лоаман кхалсаг!

Кхувш йоаг1ача хана
Наьха лоарх1ар хьо,
Маьрел дича,
Хьайба лоарх1ар хьох,
Ва лоаман кхалсаг!

Яхар дар хьа
Каша санна,
Лелар дар хьа
Г1елденна,
Ва лоаман кхалсаг!

Г1ирс бар хьа
Берташа бохабича санна,
Сибат дар хьа
Кашара г1аттача санна,
Ва лоаман кхалсаг!

Ханал хьалха йис кхийтта
Дар хьа г1ийла, миска дог.
Из дагадехача, хала хийтта,
Мишта делхаргдац сага дог?
Ва лоам чу яьха, миска саг!

Menina
29.07.2011, 17:06


Ч1оаг1ача набарах денна,
К1ай ювраг1а т1акхелла улл лаьтта.
Т1а мел дола барзкъа зарзденна,
Г1айг1ан т1а хьу латт.

Уйлаш йича мо, кортош к1айденна,
Сатийна латт лакха лоамаш.
Саготон т1аэтта истий санна,
Моашош техка латт корсамаш.

Мух ба дорхбенна ц1увзаш,
Лаьттан т1а талг1еш увттаеш.
Цкъаза, меца борз санна, увг1аш,
Цкъаза дарза ц1ог хьувзадеш.

Дог дайна, бос байна, лохбенна,
Лелаш ба лир даьга моажа малх.
Колхозий коашка арабаьнна,
Сашорта лелаш ба нах.

Menina
29.07.2011, 17:12
Шалтага

Дотув дилла е совра даккхийта
Хьан юкъах кура иллай хьо?
Мискача наьна дог делхадеш,
Массаза хьайна сардам баккхийта
Д1айхача ц1ийца лийчай хьо,
Къизача замана къора теш?

Массаг1а хоза бер ший даьх
даьккха,
Яха енар жералла яьккха,
Лоам чу яьхьай хьо, доаккхал деш,
Къизача замана маьттаза теш?

Баьдеча бус е маьлха дийнахьа
Аьттига кулго чехка айеш,
Хьан коа таьзет увттадаьд 1а?
Массаг1а саг тийшача балхах
Шийлача лаьтта вужаваьв 1а,
Къизача замана бирса теш?

Тахан улл хьо пенах хьалъэлла,
Беттара яьккха да воацаш, мукхъенна,
Боккхача балийца 1аьржделла,
Ц1ийга сатувсаш, саготденна,
Дотув дежа, совра д1адаьнна,
Улл хьо д1адахачун г1айг1а еш.
Раьза йоацаш хьай воацача даьна,
Бирсача заман къиза теш.

Menina
29.07.2011, 17:15
Къоаношка

1уйренца сийрдаяьнна,
Дикашца г1озъяьнна,
Маьрша вахар дезаш,
Халонех ца кхеташ
Вай къона т1ехье йоаг1а.

Вай кхоане хозъе,
Дегаш деладе,
Корта лакха кхоабаш,
Ког чехка боахаш
Вай кура т1ехье йоаг1а.

Гой шоана цун юхь т1а лепа
Маьлха дошо з1анараш,
Дуненга безаме хьежа
Цун сийрда б1аргаш.
Къоаной! Шортто хьалг1айтте,
(Бехк ма баккхалаш)
Вай т1ехье хоза хийте,
"Никъ маьрша хилба" алалаш.