PDA

Просмотр полной версии : Сапрал Микаьил - Са Уйлаяздараш, Са Безами Сатем...



Sapral Mikail
14.10.2010, 21:35
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Са ГIалгIайче

Са ГIалгIайче!
Са дай баьха моттиг,
Фуртоуг хий, са байна сатем.

Са ГIалгIайче!
Са даьш аьха лаьтта
Кура аьрзий, са дегa чура кем.

Я са ГIалгIайче,
Денал долаш, майра дог.
Гаьннара, хьога сатувса аз.

Еза сона ГIалгIайче!
Са наьна морзал санна,
Лоамашкара, хаза сона хьа оаз.

Номаче, 29. Моажол (Миха) 2010 шу

Sapral Mikail
14.10.2010, 21:55
Вай вIашагIкхетаргдац

Сийна фордаш, Iаьржалуш латтар
Вай безаме денош, тайнаш санна хадар
Сигалара малх, кха бIаргургбац вайна
Корадергдац вайна, хоза гIанаш дайна.

Бехке мaлa вар, Iа сoга хьаоалe
Со теша мег хьoнa, амма бакъ да
Цy гаьнарча, лакхача Iaьлe -
Ма мотталда хьона, вай вIашагIкхетаргда...

Номаче, 30. Моажол (Миха) 2010 шу

Sapral Mikail
15.10.2010, 19:24
Дика йоI Заира

Заира, хьо хоза йоI еци
Еp дуне, хьона дохьа, кхесташ деци
Ори бутт, ший Iалам хийца, латта
Хов сона, дац ера вахар атта.

Заира, укх дуне тIа хаьша санна
Лоралуш, Iа мел боахка ког
Шерашца дa хьа уйлаш, хувцаенна
ХIаьта а, хиннача бесca, дисад хьа дог.

Номаче, 11. Тов (Ори) 2010 шу

Sapral Mikail
16.10.2010, 18:25
http://jigoku.blogas.lt/files/2009/10/autumn-sad.jpg


IажагIа беca - хьа дуне

Гуйре хоза къамаьл дувцаш,
IажагIа беса, да хьа дуне.
Оалхазараш, хьо даггара къовсаш,
ХозагIа дола илли, ала гIерта.

Хьа дега тIара бала, ховш санна
Морхаш, шийла догIашца, елха.
Гаьнара зама, сатем байна
IажагIа гаьний ха, сигале елха.

Хьа дега тIа, мерза илли дижа
Iа, Iаьржа денош, дIахийцад.
Я хIанза сигале сирда, сийна
Хьа балена денош, михо дIадехьад.

Номаче, 13. Тов (Ори) 2010 шу

Sapral Mikail
16.10.2010, 18:41
* * *

Хьо ГIалгIа вале,
Ховда хьона, эздий гIулакх, хьа сатем.
Бусулба саг вале,
Ховда хьона, ялсамале да, хьа тешаме кем.

Номаче, 14. Тов (Ори) 2010 шу

Темаркъ
16.10.2010, 23:52
:rolleyes: Ай ва Дала дукха хьо воахаварг, "Культура" яхач разделе бакъахь яздора 1а ер,амма "Ингушский язык" яхач разделе яздоре кха а бакъахь хоргдар хьа ер.
А так очень приятно читать:)

Малаг1а "земля" ваха хьо Германе?

SCSI
17.10.2010, 01:26
"Культура" яхач разделе бакъахь яздора 1а ер,амма "Ингушский язык" яхач разделе яздоре кха а бакъахь хоргдар хьа ер.


Темаркъ, аз ингушский язык яхач разделе хьаер е тем. Микаьил, баркал хилда хьон, хоз назмаж я.

Магомедовна
17.10.2010, 05:43
* * *

Хьо Г1алг1а вале,
Ховда хьона, эздий г1улакх, хьа сатем.
Бусулба саг вале,
Ховда хьона, ялсамале да, хьа тешаме кем.

Германи, 14. Ори Бутт 2010
Баркал! Читается легко, понимается свободно! Еще,пожалуйста!

Темаркъ
17.10.2010, 12:10
Темаркъ, аз ингушский язык яхач разделе хьаер е тем. Микаьил, баркал хилда хьон, хоз назмаж я.

:)Баркал SCSI,ну и конечно же Sapral Mikail тоже

Sapral Mikail
17.10.2010, 12:19
Хоза Iаламий бесаш


Хоза бIаьстинг лоа кIал,
Ший корталг айбаь,
Малхага гIерта,
ЗIамига бера мо.

Хазальгаш кхесташ,
Хоза иллеш декаш,
Шийца йIовхал яьхаш,
ЙоагIа б1аьсте.

Дека ма дека
Е лакха ма лакха
Зизай бос ханна
Латта хьо дуне

Малхо ший зIанараш,
Аьрзий мо ткъамаш,
Дуне тIа гIолла,
Арахийцай.

Ведолге баппа,
Ший кIайданна баталг,
Баскалга, цIаьпцалга
Арахекхай.

Дувца ма дувца
Е цIувза ма цIувза
Баьца бос ханна
Латта хьо дуне

Гуйре, хоза зама,
Вайна фаьлгаш дувцаш.
Сигале малха,
Вайца ловзаш ба.

Гаьнаш шоай гIаьнаш,
Михоца а дIакхохьаш,
Дошо ханна, латта
Вай сигале...

Лепа ма лепа
Е лета ма лета
IажагIа бос ханна
Латт хьо дуне

КIай боамби санна,
Атта бедарг ханна,
Арахь да кхесташ,
Вай кIаьда лоа.

КIай ханна, дIаэтта,
Дог гIозадоакхаш,
Лоамашкара ена,
Я Даьрдза-Нана.

Iеха ма Iеха
Е делха ма делха
Лоа кIай бос ханна
Латта хьо дуне

Номаче, 16. Тов (Ори) 2010 шу

бIаьстинг - первоцветник
корталг - головка
йIовхал - тепло
зIанараш - лучи
ткъамаш - крылья
ведолг - поляна
баппа - одуванчик
баталг - личико
баскалг - кузнечик
цIаьпцалг - сверчок
атта бедарг - легкая пушинка
Даьрдза-Нана - Мать-Вьюги

Sapral Mikail
17.10.2010, 12:29
Ер уйлаяздар аз сай йишалга язья е:

Са Хади, Хоза Теник

Са хоза дог, са кура Хади
Хоза зизалг санна, я хьо теник.
Беркат долаш, яха хьо Хади
Са кура, майра, дошо лийг.

Хьо ецаре, са йиша ма яцар,
Ер дуне, мерза хурга ма дацар.
Хьо йоацаш, латта са денош баьде.
Мича лела хьо, са теник, Хади?

Номаче, 16. Тов (Ори) 2010 шу

разок
17.10.2010, 18:12
Алелай, так здорово. Баркал-)

Темаркъ
17.10.2010, 20:29
Алелай, так здорово. Баркал-)

Хьета?! Укхаза малавар цец ваькхав цо:)

Sapral Mikail
20.10.2010, 19:14
Ма Елха Сона ТIехьа

Вай кха гургдац, со гаьнна дIавода.
Ма елха сона тIехьа, сона тIехьа ма елха.
Вай къастаргда, цу шийлачa дийнахь,
Хьа дaьсса денош, аз хьона дутаргда.

Хьона каьхат яздаь, со дIаверза,
Хьа шийла догIаш, хьона дита.
Ма кхайка сона тIехьа, сона тIехьа ма кхайка
Мел чIоагIа хьа дог, детталарах.

Кха дош ца оалаш, гаьнна дIавода со,
ХIаьта а, хов сона, хьо дега чура елхаpгья.
Ма ала тIехьа дош, тIехьа дош ма ала.
Хьо кхетаргья, мичча хана хьо кхетаргья...

Номаче, 20. Тов (Ори) 2010 шу

Темаркъ
20.10.2010, 22:24
Са хьамсара Sapral Mikail,сона хетара "Г1алг1ай-Эрси дошлорг" ч1ог1а накъа даргдар хьона :)

Гоамкорт
20.10.2010, 22:55
Ма Елха Сона Т1ехьа

Вай кха гургдац, со гаьнна д1авода.
Ма елха сона т1ехьа, сона т1ехьа ма елха.
Вай къастаргда, цу шийлаче дийна,
Хьа даьсса денош, аз хьона дутаргда.

Хьона каьхат язья, со д1аверза,
Хьа шийла дог1аш, хьона дита.
Ма кхайка сона т1ехьа, сона т1ехьа ма кхайка
Мел ч1оаг1а хьа дог, садеттара.

Кха дош ца оалаш, гаьнна д1авода со,
Х1аьта а, хов сона, хьо дега чу елхагья.
Ма ала т1ехьа дош, т1ехьа дош ма ала.
Хьо кхетаргья, мичча хана хьо кхетаргья...

Германи, 20. Ори Бутт 2010

Каждый раз, когда читаю на ингушском языке, кажется, что письмо не совсем четко отражает настоящую фонетику...

Темаркъ
21.10.2010, 00:02
Каждый раз, когда читаю на ингушском языке, кажется, что письмо не совсем четко отражает настоящую фонетику...
Да... есть немного. Но это вполне поправимо.

Sapral Mikail
21.10.2010, 00:38
Шийла, Баьде Денош

Ма халахет сона, хьона сагото хилача
Ма хет сона во, хьа догалг лазача
Ма бе сона иззал бала, дIахьеца со
Сона, сай йишалг санна, еза хьо.

Хьа бIаргишка хий, ма хулийтадацар
Аз хьо цхьаненна а, далургьяцар
ДIахьеца, ма гIерта, дIабахийта из бала
Укх вахара, вIалла а, дехке ма яла.

Я, тахан шийла, баьде, Iаьржа.
ХIаьта а, кхоане, сердало екъаргья.
Ма елха, хьа денош дац хьона аьле
Кхоана малхаца ловзаш, хьо хургья.

Номаче, 20. Тов (Ори) 2010 шу

Sapral Mikail
23.10.2010, 22:58
Рузкъа Седкъа

Ма хьекха, ира урс, са дега тIа
Вай безам шелалца, боамабе.
Доаца рузкъа, леха, хьо ма гIерта
Са дог, хьай дог - ма эттаде.

Хьайна везача сага, Iоттараш ма е
Сигалара къоабал, доамаде
Вай дакъахь, вахарахь ма леткъа
Низткъала доага вай рузкъа седкъа.

Хьайна везача сага, бала ма бе
Могаш тайпара, Iа дика дар де.
Сацийта къовсам, ма булабе тIом
Хьай ма йилита сона - гоам.

Номаче, 23. Тов (Ори) 2010 шу

Sapral Mikail
28.10.2010, 22:41
Вай Хувцаденнад

Ма къиза хиннад, рузкъа, хьа дуне
Ер ишта хургдолга, сона хайнадале
Вай тIехьадиссад, сона хов, вай бехке да
Вай ираз ийца, гуйре йодаш я.

ДIакъайла латта вай дега дошо чIегаш
ЦаI а саг вац, гонахьа йисте
Селхана дар вай - зIамига бераш
ХIанза човнаш санна, латта шераш юкъе.

Са кIайбана корт, хьа каьддана бIаргаш
Хувцаденнад вай, хувцаденнад вай дуне
Вай сигале, къайлаякхар баьде морхаш
Тахан мукъане, ма елха хьо хин йисте.

Номаче, 27. Тов (Ори) 2010 шу

Menina
29.10.2010, 08:26
ма хоза, дог-ц1ена язду 1а!

Sapral Mikail
31.10.2010, 14:37
Iуйрана Малха

Iаббалца наб е, со ца вуташ
Iуйрана малха, са бIаргаш Iувжа
Селханара, сай хоза гIанаш
Тахан, Iехадар мо, ва со ховш.

Iи дола, аз никъ хьалаьца
Вода со гаьнна, гаьнна дIавода.
Сай сатемa дакъа лаьца
Аз сай уйлаш, сабарца Iовд.

Iаьржал да сона йисте кхесташ
Из, са Iалам, дохаде гIерта.
Да са дог кхераме детталуш
Хоза сона, цун гIайгIане гарт.

Ва, са дай! Шо оарцахI довла!
Я сона сердал, шой сатем.
Малха, мичаб хьо, дега ала?
ХIанза-м гaц сона, наькъий кем.

Номаче, 30. Тов (Ори) 2010 шу

Sapral Mikail
07.11.2010, 21:05
Яьссаче Аре

Яьссаче аре, хий мала йишйоацаш
Валача, д1аволла саг йисте воацаш
Фу балa т1акхоача, лела хьо цигач
Д1акхесса, из бален хьалдизза хьай г1ач.

Хьайна улув сесаг йоацаш хьо лелаш
Кхоана хьона т1ехьа мала х1ожаргва.
Хургвац хьо къонгашта кхоана везаш
Наьха лаьтта т1а, хьо фу де лелаш ва.

Ма ираз дар хьа, хьай дай байтоаг1е,
Хьо вахаш хилча, царна юккъе.
Ма ираз дац хьа, ер герга дуне
Х1аьта а вайнав хьо, баьдеча бухье.

Да денош хоза, да вахар мерза
Хьо нагахь санна, хьай ц1аг1а вале.
Дац иллеш мерза, дац рузкьа сийрда
Хьай нах, хьона иззал гоама бале.

Номаче, 31. Тов (Ори) 2010 шу

Sapral Mikail
07.11.2010, 21:06
Са Йишилг - Фариза

Фариза, я хьо хоза б1аьсти хьазилг,
Я хьо хьай наьна дика, эзди йо1.
Хьаькъал долаш, оамал йолаш,
Г1алг1ай детталуш, да хьа дог.

Оамал я хьа, массавар хьога цох,
Хьа лелар, хьа йелар да ч1оаг1а хоза.
Малха санна къега хьо, ва са йишилг,
Я хьа оалар, лоамашкара санна оаз.

Са хоза Фариза, са дика Фариза,
Хьо бахьан долаш, къега ер дуне.
Я хьо хьай ноаной, к1аман йо1 йизза,
Хьо йоацаш да сира, зизай буне.

Номаче, 31. Тов (Ори) 2010 шу

Sapral Mikail
07.11.2010, 21:07
Вай Гуйрена Г1анаш

Хьона зизаш, лургда аз тахан
Ц1ена халарахь, хьа дог.
Гуйрена сагото, яра селхан
Вайца лувжаш, ший майра ког.

Цхьана юртачу пондар увзаеш,
Г1айг1ане илли оалаш дар.
Амма вай гаьннара хаьший санна,
Цу гаьнначе лелаш дар.

Дади вар, ший фаьлгаш дувцаш,
Бераш гунахь кхесташ бар.
1алам латтар, хаоттам хувцаш,
Нани къайла дане елхаш яр.

Дагадоаг1ий хьона уш ханаш
Малха санна лепаш яра хьо.
Дийцалургдац вайна мерза г1анаш,
Хьа бералий баьре ва со.

Г1атта йодаш латта вай гуйре,
Вай д1айха денош шийладеш.
Сомадаргда сатессале хьа 1уйре,
Латта иза тешаме б1аргашца, беш.

Номаче, 01. Лайчил (Чилла) 2010 шу

Sapral Mikail
07.11.2010, 21:08
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"


Айлам - Герга Дуне

Дай заьлгIа дайна, латта со айме,
Хьежа со цу сийначе лекхале.
ЗIы дIахаш латта сона, гаьннара Айлам
Кхеста сацалургдац, ер Герга Дуне.

Заман халонаш, кегийргаш санна,
Лоамий къахьца кхоачарлургда.
Лела со дуне тIа валанца-ванна,
Наьна-лаьттан цIа, сога хьежаш да.

Карматал довргдац, фуртангашта
Мичча хана, хов сона, накъадаргда.
Урхаз хули, цара оагIув лаьца,
Цo дика дар, царна Iомадергда.

Со Ердиге тахан-кхоана дIаволий,
ЕрданбIоагIа, кхесташ хургба.
ХIаьта а, хитIоара санна, догIий
Хий, лаьттан овлаш, чIоагIабергба.

Номаче, 05. Чайчил (Чилла) 2010 шу


Айлам - Солнечная Галактика
Герга Дуне - Земной Шар
заьлгIа - компас
айме - высокое место
лекхале - высота
зIы - повестка
кегийргаш - мелочи жизни
къахь - туман в ущельях гор
валанца-ванна - полумертвый
Наьна-лаьттан цIа - чрево матери-земли
карматал - способность
фуртангаш - потомки
урхаз - царь, наставник
оагIув - сторона
Ердиге - святилище
ЕрданбIоагIа - Земная Ось
хитIоара - младенец

Sapral Mikail
07.11.2010, 21:09
Хьа Къиза Дешаш

Хьа къиза дешаш, шийла Iалам санна,
Са Iаьржа денош, сагий Iаьржал санна.
Хьо селхана яр, малха санна къегаш,
Со тахан ва, хьа хозалага даггара хьегаш.

Наьха ираз дара, вай иззал лиха хиннар,
Къайла бIаргашца, yн-дакъа, лаьцар вай.
Мала вар иза, аз хьа сел чIоагIа вийнар
ХIанза ремо тобаш латта, вай къалдисса бай.

Дехад вай вахар, цIенош, рузкъa ворда.
Ушалча йодаш латт вай селханара безам.
Тапча дохьал пайдана-м дац ер къаьна довт,
Хиннадац вайца, сирда денош, къиза-м.

Вай хозале, вай дикале, вай оамал
Наьха хабаро, дог а доацаш, човхадира.
Латта вайна юккъе, хьармакхa морсал
Дайнад вай малха сирдагIа йолла лир.

Номаче, 07. Чайчил (Чилла) 2010 шу


Iалам - природа
yн-дакъа - cмертная yчасть
рема - табун лошадей
бай - луг
ушал - болото
къаьна довт - старинный меч
хьармакхa морсал - грубость роз
лир - свет

Sapral Mikail
09.11.2010, 22:42
Хьа дегa вар со - Уйлаяздархо

Ма тоха хьай морсал дешаш сона тIехьа,
Иза доацаш, лаза са дог, са кIаьдденна дегIа.
Вай бихача безама лувкхера хозаргдац.
Хьа доттагIа вац со, хьо а са доттагIа яц.

Сона хов, хьа дегa вар со - уйлаяздархо.
Дара денош хоза, барт болаш даьхад вай.
Ала сога, хIана да вайна тахан иззал во,
Маха ба хьона, укх сира къастара, шиъ шей.

Iалама хозал, дувца со гIерташ вара.
Амма, Iи мерза доацаш, да вай тахан вахар.
Ханнад вай уйла бIазем миска, къе,
ХIанза Iа са уйлаяздараш дохаде, е эттIаде.

Яц гуйре бехке, бехке да хьона вай,
Вай воаш хоададаьд, вай безаме диткъа тай.
ДогIаш да делхаш, я аре шо мо шийла,
Малха зIанараш да тахан тамашийна гIийла.

Номаче, 09. Чайчил (Чилла) 2010 шу

морсал дешаш - упреки
лувкхера - эхо
уйлаяздархо - поэт
уйла бIазем - воображение мысли
уйлаяздараш - стихи

Sapral Mikail
11.11.2010, 00:38
Са Дог Дoхадаьра Хьо Еци

Т1уракемаца г1оргва со, гаьнна-гаьнна,
Са безамах хьо в1алла яшаяц.
Т1урнана хургда сона да, е нана,
Цигач хьа безам, хьо а сона эшаргдац.

Са дог дoхадaь, хьо йода, согат йоацаш,
Хьа делара, тешам хиннабац.
Я хьо х1анза хьайна а, наха а йоацаш,
Са дегa хиннай хьо кхерама да1.

Аз хьона фа даьдара, 1а со сел ч1оаг1а,
Д1атеттара, сахувзара.
Латта хьо баьдеча, да хьа лир г1айг1а,
Да кхаьлла тахан денош хьа.

Иза кхерам деци, иза согато еци,
Хьа б1аргача арадаьнна хий.
Сай сал дуккхаг1а хьо езаш со ханнавеци,
Тохалда сона сигалера дIи.

Номаче, 10. Чайчил (Чилла) 2010 шу

т1уркема - космический корабль
т1урнана - космос
делар - смех
даI - язва
кхаьлла - пасмурный

Sapral Mikail
13.11.2010, 00:54
Вай Безамa Зе

Са уйлаязданче, баьддерзаш латта,
Дохк доалла денош хьаэттад.
Ун-оалхазараш баьдеча санна,
Шай ткъамашца малха, дIакъайлаб.

Са велакъажар, са бIубеннар,
Хувцаденнад са беркате цIа.
Iаьржа морхаш, са сигале къайла,
Вода со, сай тешаме зама йита.

Зе долаш хилар, да тамашийна,
Сона могац майрра лувза ког.
Вай безама догамаш тIа, шод баь
Ioаркъинга санна, духадира Iа са дог.

КIорахьа хьалдизза, латта са дуне,
Иза дара хьона, хьа безамa зе.
Амма, шекйоацаш, йодаш я хьо
Сайга хетт аз, безам ханнабий-те.

Дуккхавезара, сий деш ма хулар,
Хьа бIаргачу вар со къиза дер.
Хувцаденнад селханара къагар,
Сона хов, со селхан кхыкхе саг вар.

Номаче, 12. Чайчил (Чилла) 2010 шу

уйлаязданче - поэзия
ун-оалхазараш - птицы несчастья
велакъажар - улыбка
бIубеннар - устойчивость
Iоаркъинга - стекло
кIор - уголь
дер - убийца
къагар - блеск

Sapral Mikail
15.11.2010, 22:41
Дакъий санна латта вай Лаьтташ

Ва, сeнна латта шо дакъий санна,
Дуне да ера, яц ера 1ел.
Х1анна дитад шо, Г1алг1ай наха,
Фу да оаш царна даьра сел?

Вай наьче еций, йелхаш латтар,
Човнаш т1а г1олла, 1адода ц1ий.
Цу миска ноаной, дог датт1ар,
Алал сога, вай бехке хиннадий?

Ц1ий бесса доагашда ц1аьскар,
Баьдденна латта Терка хий.
Вай Буро т1а хьекажба михьар,
Вай даьш каш дехьа сий.

Саькх санна латт х1анз вай бий,
Бийса лораеш, амма ди,
Вайна кха гургдац, дехад вай ц1ай,
Кашачара юха баг1ац дай.

1емар санна улла хьо байтоаг1е,
Хьа г1ончо валар, ший ц1ен йисте.
Фу пайда ба, укх диссача дарий,
Г1аьро д1алаьцача ц1енош, аре.

Доаг1ашдy лоа е, делхашдy дог1а е,
Даькъазал, унзарo - соцалургдий.
Хьийша нах санна, леларгдий-те,
Ч1ож юкъе вай лечкъа даргдий.

Дац дуне т1а, доаккхаг1а йов,
Ердаш т1ехьа лаьцар вайца дов.
Вай лаьттa д1алаьцар, ираз дайна Тхьа,
Дала д1а ма эцалба, моастаг1ий са.

Номаче, 15. Чайчил (Чилла) 2010 шу

1ел - потусторонний мир
наьче - родина
ц1аьскар - заря
михьар - уроган
саькх - наблюдатель
бий - крепостная башня
1емар - кладбище
г1ончо - защитник, патриот
дарий - имущество
г1аьр - банда
хьийша нах - угнетенные люди
ч1ож - ущелье
йов - убыток, потеря
Ердаш - Святые
Тхьа - Божество Зла

Sapral Mikail
25.11.2010, 19:45
Хьа 1аьржа Ди

1аьржа цхарал батта ела,
Алал сога, хьо мича йодаш я.
Хьай корт, б1аргa хийца, къайла,
Хьо баьдеча санна тоабаш я.

Таханара ден, къахьа чам баьхка,
Хьо раьза йоацаш я.
Хьайна дуккха безачарна сардам даьхка,
Хьо ер дуне дита г1ерташ я.

Унзаро хьежа хьа б1аргаш,
Ара да согато, шийла.
Латта къиза 1а, ший цергаш етташ,
Михо д1абехар хьа уйла.

Ер деррига дуне, хьоха делаш санна,
Хетт хьона, хьо елхаш я.
Когаш шоаш долхаш да гаьнна,
Саг а вац аре, хьо цхьаь д1айодаш я.

Номаче, 25. Чайчил (Чилла) 2010 шу

Sapral Mikail
27.11.2010, 01:25
Хьо Маьре Йодаш Я

Ер вахар иззал баьде, къиза дале,
Аза сай гуйре сердало, хьона д1алургья.
Хьо йоацаш дезац ираз, рузкъа,
Кхоана кхычунга маьре хьо д1айодаш я.

Хьа хозал, дикал вIалла а дийцлургдац,
Амма, хьа вац со, хьо а са яц.
Наха оалаш тайпара, рузкъа хиннадац,
Кха цу х1ама, са ала х1ама a дац.

Берий г1анаш д1ахеца, ха хьат1аянний,
Дaьссалуш латта вай хоза дуне.
1а духъадаь фуъ, д1аг1оргда шийца хий,
Бос хувцаргда вай хана буне.

Ма елха, ма елха, ма бухабе хьай никъ,
Хьо са хиннаяц, хоза теник.
Со а ваха веза, сай ираз леха деза,
Амма, ховш халахь, сона хьо ч1оаг1а еза.

Номаче, 27. Чайчил (Чилла) 2010 шу

Sapral Mikail
07.12.2010, 21:41
Хьо Д1айода

Хьо д1айода, гаьнна д1айода,
Хинна безам, лочкъабаь.
Аькима хиннад вай безамa онда,
Йода хьо са дог духадаь.

Китабача яздаьр, фаьлгаш хиннад,
Муг1а юккъе, ма1ан хиннадац.
Вай щиъ то1ал в1ашаг1лийнад,
Кха дов де нидза биссабац.

Вайна фа эшар, вайна фа дезар,
Хоза денош, ц1е буне.
Дош ца хетташ, кхессара 1а вахар,
Готтаденнад хьона са дуне.

Из кхел хьа яцар, зама хьа яцар,
Дaьсса д1аухар шераш.
Х1аьта а аз лийхар, хьо ма яцар,
Харца кхетамадела дешаш.

Номаче, 07. Чантар (Ножганц1ей) 2010 шу

онда - сталь
китаб - книга
муг1 - строчка

Sapral Mikail
12.12.2010, 18:44
Са Безама Вампал

Вампала санна, цIий мела хьа сайре.
Унзаро санна, са Iовжаду хьа бийса.
ХIанз мерза хеттац сона хьа Iуйре,
Хьалдизар са фо, хьа унзара дIаъыс.

Таьзете санна, гулделар аькхи,
Шоай гIийла увзам, цара дуладира.
Iоажала Iайца, эккхайира Iа ахка,
У санна вай дахар, Iа духьадира.

Юрти седкъий, гуш да сона гаьнна,
Амма дакъ санна ва со шийла.
Кашачара ванна саг санна араваьнна
Гуш да сона хьа сурта, гIийла.

Масса шу даьннад, вай дIакъаьста,
Хетт сона, селхан хиннача мо.
ДогIаш делха, са дуне тIа листа,
Хьо йоацаш да сона, геттара во.

Са дега чу пхо, техар Iа дошца,
Везац сона, аьнна, кура яхар хьо.
Са хоарчадира Iа хьай мазашца,
Сел бIаргаш дайна сенна лилар со.

Номаче, 12. Чантар (НожганцIей) 2010 шу

вампал - вампир
дIаъыс - ток
увзам - напев
у - зараза
пхо - пуля

Sapral Mikail
24.12.2010, 18:03
Со Хьона Везаш Вале

Хьа беш, сай дог дIадогIаргда,
Со хьона иззал чIоагIа везаш вале.
Сигалера седкъа хьона бахьаргба,
Со воацаш бийсан хьона баьде яьле.

Хьона дези, хьа баьре хургва со,
КIай эмалкаца, хьо сайца югаргья.
Даиман, хьа бIазема уйла хургва со,
ХIаьта а хьо, са безама морзал хургья.

Малха санна къегаш хьо еци,
Укх къоарга Iай шийла деношка юккъе.
Хьармакх санна, лепаш хьо еци,
Хьай хозалца цeцавоаккхаш, хIаране.

Iимаьшк санна, хьа корах йисте,
Бийсан аз дагарденза гонаш боахаргба.
Сирда дийнах фаьрг хинна,
Хьона даха замана аз иллеш декада.

Iуйраннара ха, хьа безама фел,
СовгIат мо, гIончо хинна лорадергда.
Фуъ санна, хьа гIулакха дикал,
АьрдагIа аьрзe хинна, со къестаргва.

Номаче, 24. Чантар (НожганцIей) 2010 шу


Iимаьшк - летучая мышь
фаьрг - соловей
фел - чуткость

Sapral Mikail
25.12.2010, 16:38
Хьа кура рий

Вац хьона цхьаккха баьре,
Со ва хьона хьа кура рий.
Аз эцаргда хьона, дошо даьре,
Ма мотталахь, вац хьона со вIий.

Iай юккъе, хьона солсагIаьле,
Дуне гу баькха, аз лохаргда.
Дуккхаяхарг, сога йола хьо маьре,
Хьа гIиш аз кхоачадергда.

ХIара гIа, х1ара ри, хIара ди,
Хьо бахьан долаш, со вахаш ма ви.
Дог духьадаь, ма ве сох уни,
Са вахар, са безам, са са хьо ма ди.

Хьа гIайгIа, хьа сагото,
Сийрда деношца, къайладоакхаргда.
Хьа дега чу дисса дола пхо,
Лорий пхьар хинна, аз арадоакхаргда.

Дуне тIа леларгва со майрра,
Хьо юхе хулe, нагахь санна.
Цхьанецца нийслургдац хьа хайра,
Со ва хьа безамий тешаме гIа.

Хьа бозбуач хурва со,
Дийнахь хьона седкъий лотадергда.
Хьа бIазема яздархо хургва со,
Хьа уйлаш каьхата тIа дIаязъергья.

Хежа со хьа бIаргашка бIубенна,
Теша со, доадергдац Iа са сий.
Беркате даха хожаргда вай, цхьана,
Фуъ мо лорадеш вай безама бий.

Номаче, 25. Чантар (НожганцIей) 2010 шу


рий - рыцарь
вIий - изгнанник
солсагIаьле - тюльпан
гIиш - мечты; (гIий - мечта)
ри - метр
хайра - добро
бозбуач - фокусник
бIубенна - уверенно
бий - крепость

Sapral Mikail
06.01.2011, 21:49
Бац укхаз безам

Хьат1акхачар вайн шийла 1а,
Шоладенна латта вай дaьсса ц1а.
Бац укхаз безам, хиннабац,
Хьа безама баьре, со хиннавац.

Чантара денош, ма къиза хьежа,
Са овлаш, шелалца дохадеш.
1уйраннара михо б1аргаш 1увжа,
Сатийна улла селханара беш.

Аькхий дара санна, да са б1аса,
Баьдеча дайнад, хьо дуне.
Наьха б1аргашца хьежа са бийса,
Доадаьд 1а хинна екхане.

Хьо хьежа тахан миска, зовза
Со ва яьха 1а, хьа дега зуламхо.
Деддара даь, ялар хьо корзахь,
Са дегачу тeха, хьай ундара пхо.

Номачe, 06. Нажгамсхой (Агой) 2011 шу

чантар - декабрь
б1аса - мимика
екхан - солнечная погода

Sapral Mikail
08.01.2011, 03:51
Темза Г1иш

Маьрк1аже, хьай хабар дувцал,
Хьагойтал сона хьай хозале.
Хьо ловзал соца беркате мутхьол,
Б1аьсте ха хургья са мукъале.

Са тешаме бийса, са шийла ц1а,
Х1амма-м дезац сона хьогара дуне.
Дитар 1а сона хьай искар каъ,
Со латкъаш вац, са хьийша кхоане.

Ипаг1 латт, цхьаннега хьежаш,
Ма сира латт хьо, са г1айг1ане ди.
Х1аьта а ва со даггара тешаш,
Б1ехалургдац са вахара ц1ена хий.

Безам, ираз, рузкъа, кхел,
Дайнад шун сердал, морзал, фел.
Г1ийла, шира пондара увзам,
Из да шоан са дега чура мукъам.

Хаоттам, 1а т1адам оттадира,
Лаьг1аденнад са фордай талг1иш.
Таьмзо д1адахар ер къира,
Цхьаннена-м дийзанцар са г1иш.

Номаче, 08. Нажгамсхой (Агой) 2011 шу


темза - не спокойные
маьрк1аже - сумрак
мутхьол - март
мукъале - свобода
искар - история
каъ - представитель (в данном случае: старец, многознающий)
ипаг1 - носилки
шира - старая (не новая)
талг1иш - волны
таьмзо - неприятно

Sapral Mikail
09.01.2011, 21:09
Шийла Мосалкхе

Цо шийлача Мосалкхе,
Хаьший мо лела вай.
Вай да шоана бехке,
Къалдитар вай ц1ай.

Вай яц из сира г1ала,
Унзаро хьежа цун батт.
Низткъал йоага ала,
Михьо ший шод етта.

Цара г1улахк, эздел,
Байна наха санна.
Цара вахар, доккха 1ел,
Уйлаш я кегаденна.

Вешта мича я из наьче,
Бурув вайн моттиг яц.
Ма мерза яц хьо кхача,
Ер вахар, вахар дац.

У санна, унзара лазар,
Къалдитар вай мохк.
Адамий турпал веллар,
Х1анза латт цига дохк.

Вай эздий г1алаш,
Латт тахан меттаза.
Тамашийна пханаш,
Чам боацаш, дегаза.

Мосалкхе, 1и мерза,
Шийла да хьа дуне.
Со сай ц1аг1а чуверза,
Кхайка сога, нана-буне.

Номаче, 09. Нажгамсхой (Агой) 2011 шу

Мосалкхе - Москва
кхача - пища

Sapral Mikail
22.01.2011, 22:24
http://www.nkj.ru/upload/iblock/291/29146f0e0ba8ce95c952250cb55f9bd0.jpg

Тамашийна Наькъархо

Хьа тамашийна гIа, хьа готтадена дуне,
Со наькъархо мара хиннавац.
Ма хьежа хьо тамашийна сога буне,
Хьона турпалхой кха бIаргабайнабац.

Я чоалхане зама, да зовза денош хьа,
Каш дIавела уллa са ворхьий да.
Вампал санна лела дуне тIа Тхьа,
Вай сенош дохаде гIарта унзара даI.

Са дац хьо вахар, са дац шо лаьтташ,
Вена хаьша ва, вац со шин воI.
Сигале го сона тамашийна Iатташ,
ГIа боаккхаш вода со тахан аьсало.

Са темза Тийрк, Iодода хьа бехьа хий,
Из делхараш да лоамий бIаргаш.
Пайда баьланцар, хьоха дарза кий,
Йийкха цоаца латта таханара ханаш.

Дуне, хьа есар ва со, вац со турпалхо,
Ишта майра-м со хиннавацар.
Со вара хьа нана къиза зуламхо,
Хьа гIалаш дитар со-м хиннавацар.

Со лелаш вара хьа малха арабоалалца,
Со хьегаш вара хьа сердалага.
Йовзац морзал, къахьал йовзалца,
Сатийна хьежа со тахан безамaга.

Номаче, 22. Нажгамсхой (Агой) 2011 шу

наькъархо - путешественник
чоалхане - смутный
зовза - трусливый
аьсало - смиренно
дарза кий - грубая папаха
йийкха цоаца - пасмурный
есар - пленник


Странный Путешественник

Твой неспокойный сон, приевшийся твой мир,
А я всего лишь путешественником был.
Природа, на меня так странно не смотри,
След богатырей твоих давно простыл.

Смутное время, твои трусливые дни,
В могиле похоронены мои отцы.
Словно вампир по миру бродят тени,
Все наши души покорить, пытаются они.

Жизнь не моя, и земли эти не мои,
Я гость пришедший. Нет, не ваш я сын.
На небе пятна странные повисли,
А я все делаю те робкие шаги.

Мой неспокойный Терек, твоя вода мутна,
Ведь это плачут наши горы.
Папаха черствая, мне больше не нужна,
Да, времена укутались в суровые морозы.

Земля, не рыцарь твой я, а слуга,
Нет, не был никогда отважным.
Всего лишь матери твоей я был азартником,
Но этим башням не был я продажным.

Я сердцем верил, выйдет твое солнце,
И ждал с надеждою рассвета твоего.
Сладость мала, без вкуса тяжкой доли,
Смиренно жду теперь, любви ее.

Германия, 04. Февраль 2011

Sapral Mikail
26.01.2011, 23:46
ГIалгIай МIуталаш

ГIалгIай мехкара мIуталаш,
Вайн цIаккха а дийцалургдац.
Аьрзи хьакхаха дола хоамаш,
МоастагIашта хувца могаргдац.

Масса шера латта шо гIалаш,
Дай гIишло царна дохалургдац.
Во а дика а хувцалургда ханаш,
Цхьабакъда шо хувцалургдац.

Абаде санна латта хьа мохка,
Шийца хьадахаш сий, эздел.
Абазе санна латта хьа дохка,
Беркате овсаp, хаоттама кхел.

Делхашдy тийна лоамий хиш,
Тийркас дувцаш дола фаьлгаш.
Вай даьш дегалаьца хинна гIиш,
Укх сигалий делха тахан бIаргаш.

Хьа тамашийна Iаьржа морхаш,
Даьлегара совгIат, вaскeт мо.
Я мерза хьа дарба баьцовгIаш,
Укхаз хулац унзаро е баьдо.

Да хьа искар, бий санна чIоагIа,
ХIара дийнат, даьхе-эскар да.
Латта хьо тешаме гIалгIай бIоагIа,
Ший хозале бунес хьахьокхаргда.

Номаче, 26. Нажгамсхой (Агой) 2011 шу

мIутал (да) - миф
гIишло (да) - здание
абаде - безконечная вечность
абазе - безначальная вечность
овсаpе - прибыль
дийнат - живое существо

Sapral Mikail
30.01.2011, 22:14
Къонала ГIалат

Дошо ридагIа чу ма леха къайла хоамаш,
Хьа хаттарашка жопдалараш цига дац.
Сона хов, дукха лайнад вай халонаш,
Амма хьо яцар бехке, бехке со а хиннавац.

Хьо сенна гIиртай, са дега китаб йоагья,
Фу лехаш яр хьо цига, со кхетаргволаш ваца.
РаI шу цo меттиге са каьхаташ даьдадар,
Цара маIандар Iа вIалла а кхетадаьдац.

Хьай Iаьржа денош, тахан хьайца дIагIо Iа,
Хьо йоацаш вахалургва со эзар шу.
Сона тоIаргда, сирда малха е цIена догIа,
Амма ховш хилла, хьа хиннавац со Iу.

Хоза яха дикалца, лерамца хьона хайнадацар,
Дика да, аз Iадика ювца хьоца.
Сона иззал бIеха кхалнах байзабацар,
Согат ма де, кхоана къасталургья хьо соца.

Номаче, 30. Нажгамсхой (Агой) 2011 шу

ридагI (я) - шкаф
раI (да) - миллион (рaIнаш - миллионы)

Sapral Mikail
30.01.2011, 22:14
Къонала ГIалат

Дошо ридагIа чу ма леха къайла хоамаш,
Хьа хаттарашка жопдалараш цига дац.
Сона хов, дукха лайнад вай халонаш,
Амма хьо яцар бехке, бехке со а хиннавац.

Хьо сенна гIиртай, са дега китаб йоагья,
Фу лехаш яр хьо цига, со кхетаргволаш ваца.
РаI шу цo меттиге са каьхаташ даьдадар,
Цара маIандар Iа вIалла а кхетадаьдац.

Хьай Iаьржа денош, тахан хьайца дIагIо Iа,
Хьо йоацаш вахалургва со эзар шу.
Сона тоIаргда, сирда малха е цIена догIа,
Амма ховш хилла, хьа хиннавац со Iу.

Хоза яха дикалца, лерамца хьона хайнадацар,
Дика да, аз Iадика ювца хьоца.
Сона иззал бIеха кхалнах байзабацар,
Согат ма де, кхоана къасталургья хьо соца.

Номаче, 30. Нажгамсхой (Агой) 2011 шу

ридагI (я) - шкаф
раI (да) - миллион (рaIнаш - миллионы)

Sapral Mikail
01.02.2011, 21:49
http://farm4.static.flickr.com/3284/2707799476_4fcb4c7c54.jpg

Таьзетдахарг

Таьзетдахарг, дувцал керда хIамаш,
КIайдакха хий, сел чIоагIа Iа ма мела.
Мала денад Iа сона тахан хоамаш,
Мутхьолаца вай шинне дегаш дела.

Дуне тIа лела хьо бедарг санна,
Халонаш хьона кха бIаргадайнадац.
Дехарг ма дари аз ираз сайна,
Амма хьо йоацаш ер буне хоза дац.

Таьзетдахарг, сона дийцадар искар,
Хьоца халонаш мара йоагIац аьнна.
Цара Iаьржа хьагI, миска садеттар,
КIормац Iа наIалт ма халитала царна.

Овдала наха, да цара уйла зовзa,
Хала ма хетт, цар дешаш доккхий дац.
Цо ведолга тIа хьа хозала йоазув,
Сона цхьанна а хана дийцалургдац.

Номаче, 01. Саькур (Аьккхий) 2011 шу

таьзетдахарг (я) - траурница
кIайдакха (я) - береза
хьагI (я) - зависть
кIормац (да) - бабочка
йоазув (да) - запись

Sapral Mikail
01.02.2011, 21:49
http://farm4.static.flickr.com/3284/2707799476_4fcb4c7c54.jpg

Таьзетдахарг

Таьзетдахарг, дувцал керда хIамаш,
КIайдакха хий, сел чIоагIа Iа ма мела.
Мала денад Iа сона тахан хоамаш,
Мутхьолаца вай шинне дегаш дела.

Дуне тIа лела хьо бедарг санна,
Халонаш хьона кха бIаргадайнадац.
Дехарг ма дари аз ираз сайна,
Амма хьо йоацаш ер буне хоза дац.

Таьзетдахарг, сона дийцадар искар,
Хьоца халонаш мара йоагIац аьнна.
Цара Iаьржа хьагI, миска садеттар,
КIормац Iа наIалт ма халитала царна.

Овдала наха, да цара уйла зовзa,
Хала ма хетт, цар дешаш доккхий дац.
Цо ведолга тIа хьа хозала йоазув,
Сона цхьанна а хана дийцалургдац.

Номаче, 01. Саькур (Аьккхий) 2011 шу

таьзетдахарг (я) - траурница
кIайдакха (я) - береза
хьагI (я) - зависть
кIормац (да) - бабочка
йоазув (да) - запись

Sapral Mikail
04.02.2011, 22:23
Берий Китабанче

Китабанче, ма сатийна латта хьо,
Китабаш да хьа тахан меттаза.
Цара язданче дара селхан деза,
Амма, тахан тишаденна улла шо.

Хьа хоза искараш е мерза фаьлгаш,
ГIозадоахар берий дегаш Iа.
Кхиннав хьа воI, тишаденнад ханаш,
Вешта даьсса латта китабий цIа.

Хувцаденнад ков, наха хувцабеннаб,
Хьа даькъаза мотт a тIехьа бехаб.
Вай деррига дуне хувцаденнад,
Тешамий бераш, хьо тесса бахаб.

Латта миска миха, хьа дега ала,
Мотта сона, кха лоталургьяц.
Тхьо кхетаргдац хьона хьа бала,
Тхьо хьа тешаме бераш хиннадац.

Номаче, 04. Саькур (Аьккхий) 2011 шу


китабанче (я) - библиотека
язданче (да) - проза
миха (я) - тополь

Sapral Mikail
04.02.2011, 22:23
Берий Китабанче

Китабанче, ма сатийна латта хьо,
Китабаш да хьа тахан меттаза.
Цара язданче дара селхан деза,
Амма, тахан тишаденна улла шо.

Хьа хоза искараш е мерза фаьлгаш,
ГIозадоахар берий дегаш Iа.
Кхиннав хьа воI, тишаденнад ханаш,
Вешта даьсса латта китабий цIа.

Хувцаденнад ков, наха хувцабеннаб,
Хьа даькъаза мотт a тIехьа бехаб.
Вай деррига дуне хувцаденнад,
Тешамий бераш, хьо тесса бахаб.

Латта миска миха, хьа дега ала,
Мотта сона, кха лоталургьяц.
Тхьо кхетаргдац хьона хьа бала,
Тхьо хьа тешаме бераш хиннадац.

Номаче, 04. Саькур (Аьккхий) 2011 шу


китабанче (я) - библиотека
язданче (да) - проза
миха (я) - тополь

Магомедовна
04.02.2011, 23:04
Столько знаний дает мне Ваша поэзия. Спасибо!

Магомедовна
04.02.2011, 23:04
Столько знаний дает мне Ваша поэзия. Спасибо!

Sapral Mikail
08.02.2011, 16:16
Со Хьа Баьре Ва

Мухлувцакемаца, гаьнна дIаводаш ва со,
Ма сатийна латта са фордай хиш.
Са дега чу массаза а яхаш хургья хьо,
Амма хьона дута аз, вай безама гIиш.

РувгIанаш санна дIаихад вай денош,
Хьа безаме бIаргаш, сона дийцалургдац.
Сай мел дола, укхаз дута аз, сенош,
Вай къиза къастара, хов сона, бехке яц.

ЛоIам бара са миска, хьийша бIаргаса,
Совди-кIормацо хьаденнад зовза хаттар са.
Хоама маIандар, безам ба сона ха,
Ишта водаш ва-кх со тахан гаьнна дIа.

Увза кIаьнна пондар, со дIаваха кийча ва,
Гаьнна-гаьнна никъ, сийна-сийна хий.
Малхо керда наькъаш, сона хьабеларгба,
КорзагIаваьнналг дий-те, цхьа тамашийна да.

Цхьайолча моттигашка, михьар Iехаргда,
ТIеххьара зама, барзкъаш хувцалургда.
Амма тешаш ва со, хьона тешаме хургва,
ФуннагI укха наха дувци, со хьа баьре ва.

Номаче, 08. Саькур (Аьккхий) 2011 шу


мухлувцакем (да) - парусник
pувгIа (я) - иллюзия, (рувгIанаш - иллюзии)
лоIам (ба) - желание
cовди-кIормац (да) - репейница, чертополоховка
xаттар (да) - вопрос

Sapral Mikail
08.02.2011, 16:16
Со Хьа Баьре Ва

Мухлувцакемаца, гаьнна дIаводаш ва со,
Ма сатийна латта са фордай хиш.
Са дега чу массаза а яхаш хургья хьо,
Амма хьона дута аз, вай безама гIиш.

РувгIанаш санна дIаихад вай денош,
Хьа безаме бIаргаш, сона дийцалургдац.
Сай мел дола, укхаз дута аз, сенош,
Вай къиза къастара, хов сона, бехке яц.

ЛоIам бара са миска, хьийша бIаргаса,
Совди-кIормацо хьаденнад зовза хаттар са.
Хоама маIандар, безам ба сона ха,
Ишта водаш ва-кх со тахан гаьнна дIа.

Увза кIаьнна пондар, со дIаваха кийча ва,
Гаьнна-гаьнна никъ, сийна-сийна хий.
Малхо керда наькъаш, сона хьабеларгба,
КорзагIаваьнналг дий-те, цхьа тамашийна да.

Цхьайолча моттигашка, михьар Iехаргда,
ТIеххьара зама, барзкъаш хувцалургда.
Амма тешаш ва со, хьона тешаме хургва,
ФуннагI укха наха дувци, со хьа баьре ва.

Номаче, 08. Саькур (Аьккхий) 2011 шу


мухлувцакем (да) - парусник
pувгIа (я) - иллюзия, (рувгIанаш - иллюзии)
лоIам (ба) - желание
cовди-кIормац (да) - репейница, чертополоховка
xаттар (да) - вопрос

Sapral Mikail
10.02.2011, 22:03
Фаьрисий Маьш

Хьаста са денош, хьаста са бийсаш,
Кхерамза урамаш, хьа фаьрисий маьш.
Бедарг санна, лела шо гIанаш,
Iуйренца дуташ, диткъа мазалгий таьш.

Ристала тIа улла са, язденза каьхат,
Са кора чу детталу, дена аламац.
Сатийна латта, саьн чу къаьнна сахьат,
Цунна гургала тоха, са диссадац.

Ма дорза я-кх вайн тахан ханаш,
Ба тамашийна хIанзара бIаргаш, нах.
Баьддерзаш латта хьа сийна фордаш,
Ба хьа сатемий тахан деза мах.

Фаьрис, ма сира я хьа сайре,
Хьа цIеношка кхийтанзар сона наб.
Амма, сона хозахийтай хьа гуйре,
Цох лаьца, яздергда мичча хана китаб.

Хов сона, тамашийна Iехаргья хьа човка,
Бийсан дакъса санна леларгья.
Сона а кхачанзар хьа миска рузкъа,
Хьа урамаш дита, со цIагIа чуверзаргва.

ЦIагIа хоза да, са тешаме гIалаш,
Царел йIайхха, цIенош сона дайнадац.
Сигале хоза аьрзий ткъамаш,
ШоалагIа сен, сай мохк аз бохкаргбац.

Фаьрисий гIанаш, дезац сона шун аре,
ГIалгIай лаьтта сона тоIаргда.
РaIнаш дехалда шуна мехкарий даьре,
Сона са даьй палчакх дезагIа да.

Номаче, 10. Саькур (Аьккхий) 2011 шу

фаьрисий - парижскиe
маьш (да) - грезы
кхерамза - нестрашный
таьш (да) - нити
ристал (да) - стол
аламац (да) - мотылек
гургал (ба) - звонок
дорза - дерзкий
Фаьрис - Париж
човка (я) - грач
дакъса (да) - дух

Sapral Mikail
10.02.2011, 22:03
Фаьрисий Маьш

Хьаста са денош, хьаста са бийсаш,
Кхерамза урамаш, хьа фаьрисий маьш.
Бедарг санна, лела шо гIанаш,
Iуйренца дуташ, диткъа мазалгий таьш.

Ристала тIа улла са, язденза каьхат,
Са кора чу детталу, дена аламац.
Сатийна латта, саьн чу къаьнна сахьат,
Цунна гургала тоха, са диссадац.

Ма дорза я-кх вайн тахан ханаш,
Ба тамашийна хIанзара бIаргаш, нах.
Баьддерзаш латта хьа сийна фордаш,
Ба хьа сатемий тахан деза мах.

Фаьрис, ма сира я хьа сайре,
Хьа цIеношка кхийтанзар сона наб.
Амма, сона хозахийтай хьа гуйре,
Цох лаьца, яздергда мичча хана китаб.

Хов сона, тамашийна Iехаргья хьа човка,
Бийсан дакъса санна леларгья.
Сона а кхачанзар хьа миска рузкъа,
Хьа урамаш дита, со цIагIа чуверзаргва.

ЦIагIа хоза да, са тешаме гIалаш,
Царел йIайхха, цIенош сона дайнадац.
Сигале хоза аьрзий ткъамаш,
ШоалагIа сен, сай мохк аз бохкаргбац.

Фаьрисий гIанаш, дезац сона шун аре,
ГIалгIай лаьтта сона тоIаргда.
РaIнаш дехалда шуна мехкарий даьре,
Сона са даьй палчакх дезагIа да.

Номаче, 10. Саькур (Аьккхий) 2011 шу

фаьрисий - парижскиe
маьш (да) - грезы
кхерамза - нестрашный
таьш (да) - нити
ристал (да) - стол
аламац (да) - мотылек
гургал (ба) - звонок
дорза - дерзкий
Фаьрис - Париж
човка (я) - грач
дакъса (да) - дух

Sapral Mikail
15.02.2011, 22:39
Тxьайса Латта Са ТIетарк

Хьа тIетарко, бос хийцар селхан,
Безама фаьсаш, цига кха ловзаш дац.
ТIетаркий цIа да латташ дехьа,
Керда фесакаьхаташ Iа кха яздергдац.

Хьай аьрда уйлаш, мерза гIанаш дита,
Шело дувца ший бокъо тахан Iаьржа.
Дакаш тxьайса латта сатийна хита,
Гаьна даьлар, мерза бIаьстий хьаж а.

Дайра мукъамий, хинна сирда къагар,
Бийсан гаца хьона седкъий никъ.
Хьона а хеттац мерза, хьийша вахар,
Сихалуш да дуне хьа, дошо лийг.

Iалам, хицар Iа хьай хоза барцкъаш,
Тxьайса улла хьа оакхарий буне.
Ма зовза хьежа шо тахан седкъаш,
Довзац сона хьа урамаш дуне.

Номаче, 15. Саькур (Аьккхий) 2011 шу

тIетарк (я) - театр
феса (я) - пьеса; (фаьсаш - пьесы)
фесакаьхаташ (да) - произведения

Sapral Mikail
15.02.2011, 22:39
Тxьайса Латта Са ТIетарк

Хьа тIетарко, бос хийцар селхан,
Безама фаьсаш, цига кха ловзаш дац.
ТIетаркий цIа да латташ дехьа,
Керда фесакаьхаташ Iа кха яздергдац.

Хьай аьрда уйлаш, мерза гIанаш дита,
Шело дувца ший бокъо тахан Iаьржа.
Дакаш тxьайса латта сатийна хита,
Гаьна даьлар, мерза бIаьстий хьаж а.

Дайра мукъамий, хинна сирда къагар,
Бийсан гаца хьона седкъий никъ.
Хьона а хеттац мерза, хьийша вахар,
Сихалуш да дуне хьа, дошо лийг.

Iалам, хицар Iа хьай хоза барцкъаш,
Тxьайса улла хьа оакхарий буне.
Ма зовза хьежа шо тахан седкъаш,
Довзац сона хьа урамаш дуне.

Номаче, 15. Саькур (Аьккхий) 2011 шу

тIетарк (я) - театр
феса (я) - пьеса; (фаьсаш - пьесы)
фесакаьхаташ (да) - произведения

Sapral Mikail
16.02.2011, 21:39
БIаьстий РувгIанаш

Даста хьа, кулгаш са,
Деха аз хьога, са тешаме гIа.
Къовла дIа, бийсаш са,
Кхайка со хьога, морхий тIоа.

Вига дIа, рувгIа са,
Гойтал сона, хьай бешамаш.
Эцал дIа, Iанаш са,
Дита Iа сона, хьай бIаьстенаш.

Теша со, хоза маьш,
Вутаргвац со наькъа тIа да.
Вугаргва со, дошо таьш,
Вай безаме моттиге дIа.

Бай тIа тадамаш,
Седкъашца Iадик дувца.
Малхаца зизалгаш,
Шоай къайла дагар дувца.

Латта хьо зама са,
Сиха ца луш, дукха шераш.
Дека са безама ха,
Хьай йийцайенна ашараш.

Хоза кIормац са,
Хьадувцал тхона искараш.
Бийсан фаьлгашца,
Дувзаргда тхо аламацаш.

Номаче, 16. Саькур (Аьккхий) 2011 шу

Sapral Mikail
16.02.2011, 21:39
БIаьстий РувгIанаш

Даста хьа, кулгаш са,
Деха аз хьога, са тешаме гIа.
Къовла дIа, бийсаш са,
Кхайка со хьога, морхий тIоа.

Вига дIа, рувгIа са,
Гойтал сона, хьай бешамаш.
Эцал дIа, Iанаш са,
Дита Iа сона, хьай бIаьстенаш.

Теша со, хоза маьш,
Вутаргвац со наькъа тIа да.
Вугаргва со, дошо таьш,
Вай безаме моттиге дIа.

Бай тIа тадамаш,
Седкъашца Iадик дувца.
Малхаца зизалгаш,
Шоай къайла дагар дувца.

Латта хьо зама са,
Сиха ца луш, дукха шераш.
Дека са безама ха,
Хьай йийцайенна ашараш.

Хоза кIормац са,
Хьадувцал тхона искараш.
Бийсан фаьлгашца,
Дувзаргда тхо аламацаш.

Номаче, 16. Саькур (Аьккхий) 2011 шу

Sapral Mikail
17.02.2011, 22:17
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Хьа каша чу, дута аз сай безам

Аз дитар каш, хьа къахьа безам,
Хьа Iаьржа хьармакхаш,
Хьа сатемза дуне.

Хьона дитар аз, сай боахам,
Сай миска рувгIанаш,
Сай дега чура буне.

Дезац сона, хьа деха наькъаш,
Хьа унзара денош,
Е дорза иллеш.

Дезац хьа ираз дайна гIанаш,
Хьа меттаза пхаьнаш,
Е гIайгIане беш.

Ма хьежа сога, юха верзаргвац,
Хьа цхьогала бIаргаш,
Дайзар сона дика.

Теша ма теша, юха хьожаргвац,
Сона кха эшац дешаш,
Аз дийцар Iадика.

Каш дитар аз хьа, морзала хьаж,
Сона дезац хьа сибат,
Хьа дика мел дар.

Са кугашка кIал, шоршашду гIаш,
Хьона дута аз сай бат,
Сай велакъажар.

Номаче, 17. Саькур (Аьккхий) 2011 шу

Sapral Mikail
17.02.2011, 22:17
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Хьа каша чу, дута аз сай безам

Аз дитар каш, хьа къахьа безам,
Хьа Iаьржа хьармакхаш,
Хьа сатемза дуне.

Хьона дитар аз, сай боахам,
Сай миска рувгIанаш,
Сай дега чура буне.

Дезац сона, хьа деха наькъаш,
Хьа унзара денош,
Е дорза иллеш.

Дезац хьа ираз дайна гIанаш,
Хьа меттаза пхаьнаш,
Е гIайгIане беш.

Ма хьежа сога, юха верзаргвац,
Хьа цхьогала бIаргаш,
Дайзар сона дика.

Теша ма теша, юха хьожаргвац,
Сона кха эшац дешаш,
Аз дийцар Iадика.

Каш дитар аз хьа, морзала хьаж,
Сона дезац хьа сибат,
Хьа дика мел дар.

Са кугашка кIал, шоршашду гIаш,
Хьона дута аз сай бат,
Сай велакъажар.

Номаче, 17. Саькур (Аьккхий) 2011 шу

Sapral Mikail
19.02.2011, 17:12
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Безама Йилбаз

Безам ма бари, аз лиха хиннар,
Яцар хьа ираз дайна яппараш.
Хьоца-м сона ираз дайнадацар,
Хьона дута аз наьха хабараш.

ФуннагIа дича, хьо раьза яцар,
Из дезац-кх, из сога товшдац.
Цхьабакъда, со къарлуш вацар,
Са фусуманана, хьо хиннаяц.

Кхело ший ший язду бокъонаш,
Лазаш ийна далара са маьженаш.
Хьона дута аз, хьа сира денош,
Амма сайца дагIо маьркIаженаш.

Мекъа сайренаш, хьона дута аз,
Дарий шамдаш дута аз хьона.
Со-м вацар вай безама йилбаз,
Дитар аз безама денош хьона.

Аречкъорда хьайнa арахь хазача,
Со дагавуха ма гIерталахь.
Со морга хьайнa юха бIаргавайча,
Садакъа, вIалла а ма юхалахь.

Номаче, 19. Саькур (Аьккхий) 2011 шу

йилбаз - черт
яппараш (я) - брань
шамдаш (я) - чемоданы
аречкъорд (да) - полевой жаворонок

Sapral Mikail
19.02.2011, 17:12
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Безама Йилбаз

Безам ма бари, аз лиха хиннар,
Яцар хьа ираз дайна яппараш.
Хьоца-м сона ираз дайнадацар,
Хьона дута аз наьха хабараш.

ФуннагIа дича, хьо раьза яцар,
Из дезац-кх, из сога товшдац.
Цхьабакъда, со къарлуш вацар,
Са фусуманана, хьо хиннаяц.

Кхело ший ший язду бокъонаш,
Лазаш ийна далара са маьженаш.
Хьона дута аз, хьа сира денош,
Амма сайца дагIо маьркIаженаш.

Мекъа сайренаш, хьона дута аз,
Дарий шамдаш дута аз хьона.
Со-м вацар вай безама йилбаз,
Дитар аз безама денош хьона.

Аречкъорда хьайнa арахь хазача,
Со дагавуха ма гIерталахь.
Со морга хьайнa юха бIаргавайча,
Садакъа, вIалла а ма юхалахь.

Номаче, 19. Саькур (Аьккхий) 2011 шу

йилбаз - черт
яппараш (я) - брань
шамдаш (я) - чемоданы
аречкъорд (да) - полевой жаворонок

Galgastag
21.02.2011, 20:24
ЕЩЕ!!!
СТИХИ В СТУДИЮ!!!!
ВОСХИЩЕН!!

Sapral Mikail
21.02.2011, 22:47
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Къиза Саькура Бyтт

ГIалгIай къама, дилха дола бIаргаш,
Теша со, къунгашта дийцалургдац.
Къиза саькура беттa, цо Iаьржа дийнахь,
ТIаэтта Iоажал, наха дийцалургдац.

ГIалгIай валара никъ, саькура беттa,
Берий, лаьтта тIа, деха улла теник,
Миска наьна дога, цу мел хала садетт,
Эрсий, мехка дас, техар дега чу диг.

ГIалгIай мохка, оагIа Iадик ювцац,
Хьо дита, болхаш бац хьа наха.
Дохка латтаргда, тхо юхадерзалца,
Хургда тIехъа, Терка хий чам, къахьа.

Салтий топ, тIахьежа, букъа чу са,
Хьийша наха мо, дуга тхо доаде къиза.
Цхьаккха дацар даь во, амма хано,
Хеттац вайга, мала дика е во хиннав.

Наха-м байра дукха арахь, таьзет доацаш,
Уш дIаболла, ха ма хиннаяц.
Дигар тхо, цхьаккха бехка доацаш,
Дай лаьтташ, хIанзза хьаденнадац.

Ма къиза хиннай, хьо тхоца дахар,
Мичча хана, дай искара, бокъо лургда.
Вай лаьтта тIа Iехаш бола михьар,
Халкьа бала йица, теша со, дIагIоргба.

Номаче, 21. Саькур (Аьккхий) 2011 шу

саькур - февраль

Sapral Mikail
22.02.2011, 23:16
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

ГIайгIане Фодам

Яьсса латта хьа фодам,
Латта сатийна бийса.
Цуна деший къиза тIадам,
Даьссаделар хьа киса.

Хьа безама паьринг,
Доадийра ший дикале.
ГIатта йода чоапилг,
Шийца йица хьа хозале.

Пенах сурт хьалъулл,
Хьа гIайгIане хий.
Вешта, сатийна улла,
Вай сира мукъама гIий.

Зийболгий бос,
Ма хувцаденнад юха.
Амма, хьо я-кх хоза,
Фордай коачалац бухь.

Седкъашка, ма дувцла,
Вай къайла хIамаш.
Хьай дега ниъ, ма къовла,
Ма оаде хийтIадамаш.

Номаче, 22. Саькур (Аьккхий) 2011 шу


фодам (я) - подиум
паьринг (да) - фея
чоапилг (я) – жук
зийболг (да) - фиалка
хийтIадам - капелька

Sapral Mikail
26.02.2011, 01:36
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Хьо Кхайкхайер - ГIайгIанега

Хьа наькъа тIа кхера хила, са безам бацар,
Безамий денош цхьаненна-м дезац, дегаза.
Рийкъонахий дуне тIа вIалла хиннабацар,
ДIахийта хьай сайренош Iа тахан, даькъаза.

Хийтадамаш ма гуладе, са миска дега тIа,
Сиралца ма боабе, деха аз, седкий хоза бос.
Са дега чура бIаргагургдац хьона къиза Iа,
Ма миска йоага хьа ала тахан, докъадаь дос.

Ма кхайкха, гIайгIанега кхайкхаш хувлац,
Хьа дилха бIаргаш, шоаш деррига хьааргда.
ДIакъастаргаволаш, дукха хIамма-м дезац,
Гой хьона, со тахан хьоха дIакъастлуш ва.

Хала а дале, сатоха, теша со, мичча хана,
Со морга хьа Iаьржа наькъа тIа нийсалургва.
Со дагавухаш хила мега хьо бийсан, гIанахь а,
Ма елха сел къиза, ираз дуне тIа дукха-м да.

Номаче, 26. Саькур (Аьккхий) 2011 шу


рийкъонах - кавалер
сирал - серость
дос - древесина

Sapral Mikail
27.02.2011, 00:25
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Гуйре я са безама ха

Хов сона, Iай юкъе, шийла Iай юкъе,
ЦIе хьармакхаш лергдолг, сона хов.
Хацар сона, бехке ма ве со Iуйкъе,
Бала ма бе сона, була ма бе юха дов.

Ма хьежа сел къиза, са агой денош,
Шийла мух, ма бетт хьай диткъа шод.
Шоай къизалца доамаде са гIанаш,
Из доацаш, Iувжаш да са човний нIод.

ХIара саг, безам боацаш, дехке воал,
Амма ваьланцар со дехке вIалла а.
Мерза хиттай сона шийла, кхаьча боал,
ХIаьта-м дайзтар Iа сога чам хьай бала.

Аз лиха хиннар, хьа рузкъа дацар,
Хьа никъ са бацар, са дацар хьа дуне.
Iа санна шийла, хьо са хиннаяцар,
Гуйре хиннай са ха, са тешаме буне.

Номаче, 26, Саькур (Аьккхий) 2011 шу

Sapral Mikail
01.03.2011, 22:45
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"

Мутхьолий Денош

Я бIаьсти ха, чIоагIа хоза ха,
Мутхьолий денош, хьастаду дуне.
Ва оалхазараш, шо сенна Iеха,
ЦIагIа да шо, дац шо ялсамале.

МархгIургIалг го сона арадоалаш,
Цу дегIалг малхага гIертабу.
Дa даькъастий буне хоза тоалуш,
Лоамашка халхавоалаш го сона Iу.

Миска йода Iа вай, нидз боацаш,
КIай ювргIа шийн тIехьа лестабеш.
Керда бос хувцаш латта баьцаш,
Гаьнаш латта ший чIонкаш ювстаеш.

Шовда а хийцар ший илли гарт,
Iадода цунна хий сихалена чехка.
ХIара дийнат лаьцар шейца барт,
Ло ший сердал бийсан сирда седкъа.

Я мерза ханаш, мутхьолий ханаш,
Са дог, ма дала сел къорзагIа хьо.
Керда даха сона бIаьсте ший гIанаш,
Ший хозалаца, гIадавyгаш со.

Номаче, 01. Мутхьол (Мархий) 2011 шу


мархгIургIалг (да) - нарцисc
даькъастий - кавказская
чIонкаш (я) - почки


Хьай Сердал Да Сона, Наьсаре

Са дега гIала, хьа бIаргаш хувцаденнад,
Хьа баьде урамаш сона тахан довзашдац.
Укх тамашийна михо, мала хоамаш деннад,
Согат ма де, дика доацар, вIалла а дац.

Хиннай хьо хоза, сона дагадоагIа из дика,
Хиннаяц хьа денош, соца-м къиза.
ХIаьта а безам боацаш дийцар Iадика,
Дийцар Iадик, зIамига беро, къиза.

Шераш ловзац, хьестац шийла денош,
Малха арабаьлача, дагаюхар хьо.
Шерашца хувцаденнад хьа цIенош,
Амма вIалла а хувцавеннавац хьона со.

Сай берале, аз хьона дитадар,
Сай гаргал наха, битабар гIала хьона.
Сай дог, сай са, Наьсаре - аз хьона дитадар,
ХIанз сердал хьа, кха хIама-м дезац сона.

Номаче, 08. Мутхьол (Мархий) 2011 шу

Sapral Mikail
06.03.2011, 00:54
II. УЙЛАЯЗДАРИЙ ГУЛАМ: "ЙОIИ БЕЗАМАХЬ ЛАЬЦА ИЛЛЕШ"

ЙоIи гIайгIане илли

Тайса улла шо, са гаьннара гIанаш,
Да ловзаш сенца са, къиза тхьар.
ЦаI дика да-кх, гаьнадаьлар Iанаш,
Юха яйзар сона, миккхала гIар.

Да, диша дадаш, са тешаме гIиш,
Цара а дайзтар, шоай хало.
БIаьстенца IадоагIа керда хиш,
Амма Iатта дIахецац бало.

КIудал йица, йода cо хий да,
Амма да цуна баьде бос.
Eлхаш латта cо, дога а даьтта,
Ба, бе боалаш, везачунна гIоз.

Вайна дIаваьллар, вайна дIаваьллар,
ВоагIаргвий-те, хетт аз хийга.
БIаьсте хьоца-м, дика дар доагIар,
Ле сона жоп, са дошо лийг.

Везаш ва сона, везаш ва сона,
Могаргдац, из воацаш яха.
Даьла, деха аз, лораве из вочоа,
Мала деза хьона согара саха.

Тайса улла са, безама гIанаш,
ВоагIаш вара цаI баьре сихха.
Савар вий-те, хеттар аз пхьанаш,
Унзара бIаргашца аре сога лийра.

ХийтIадамаш, шоаш дуладелар,
Дего хьахьехар, дац дика хоам.
ХIаьта а нидз гIортабаь, со тешар,
Укх вахара, дайра тахан, чам.

ДIатовса дега гIанаш, са хоза буне,
ХIанз дезац шун морзал, шун гIий.
ДIатовса дега бIаьсте, къиза дуне,
Сона эшац шун аре, шун сатемза хий.

Номаче, 05. Мутхьол (Мархий) 2011 шу


тхьар - дремота
миккхал (да) - филин
гIоз (ба) кольцо

Sapral Mikail
07.03.2011, 21:24
II. УЙЛАЯЗДАРИЙ ГУЛАМ: "ЙОIИ БЕЗАМАХЬ ЛАЬЦА ИЛЛЕШ"

Къиза гуйреца, ханна йитар Iа со

Са бIаргаш лечкъаца хьона, хиннадоацар,
Доацар ма леха, хьона хIаьта а корадергдац.
Дехке варгва хьо, ма дувца бакъадоацар,
Ма леха, со морга хьона наькъа тIа нийсалургьяц.

Ма миска хьежа тахан сигалена дог са,
Зовза гIа боккхаш, йода со урамаш тIа дIа.
Ма баьде хетт сона хьа сибат, бийса са,
Йеха-йеха йода со тахан, хьо уллув воацаш, цхьа.

Со яц хьона елхаш, хьо ма тешалахь,
Хьа бIаргахь тешар со, тешар со хьох.
Хьо вар сох велаш, са миска балахь,
ЛадугIа а, хьайга, гаьний гIаш, фа йох.

Дукха ха я, аз гIайгIане дIахийца,
Къиза гуйреца, хала дале а, аз хьо дIахецаргва.
Мел дика хиннав, яргьяц со вIалла а йица,
Мичча хана, со дагаюхаш, теша со, хьо хургва.

Са Мосалкхе, сона довзац хIанз хьа сибат,
Вешта, кизга чу, довзац соне сай тишабенна бос.
Iайца арахь товса, массадола дийнат,
Ма тишабеннаб, кулга тIа доала хьа гIоз.

Да, къиза дуне, да Iаьржа вахар хьа,
Со яц хьона бехке, бехке яц хьона со.
Шийла денош да, да шийла бIаргаш хьа,
Амма хьона наIалт аьнар яцар со.

Номаче, 07. Мутхьол (Мархий) 2011 шу

Sapral Mikail
17.03.2011, 01:33
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Ма дувца

цIе паьламинг, хьа хайра оалхазар,
хьа зене хилар, сира паьринг.
миска батаца, хьежа арегойтар са,
со Iехавира Iа, са тхьайса алинг.

ма дувца, сона дезаш дац дешаш,
хьа миска ловцаш a эшац.
цхьа овдалчу гIаьро дехар Iанаш са,
хьа гIанаш сона а тахан дезац.

ма леткъа, дахар, юха доагIаргдац.
бац хьо са седкъа, вIалла а хиннаяц.
малха лепаш бац, цунна сердал,
дац гуш, гац вешта-м са хинна денал.

Номаче, 16. Мутхьол (Мархий) 2011 шу


паьламинг (да) - фламинго
паьринг (я) - фея
арегойтар (да) - ярмарка
тхьайса алинг (я) - мак опийный
гIаьро - разбойник, вор

Sapral Mikail
17.03.2011, 21:20
II. УЙЛАЯЗДАРИЙ ГУЛАМ: "ЙОIИ БЕЗАМАХЬ ЛАЬЦА ИЛЛЕШ"

Мерза-къахьа бешкомар санна

КIай лоа тIа улаш мо бешкомар,
Со яцар мерза, яцар со къахьа.
Малхаца къегаш санна жIовхьар,
Ма сийрда лепар совди-кIормац са.

Амма хьона из тоIаш дацар,
Со овдал яр, ховш яцар со.
Аз гешта дергда хьона, са везар,
Мичча хана, со дагаюхаш хила мег хьо.

Хьай миска, IажагIа солсагIаьлеш,
Ма ле сона, дезац, дита Iа хьайна.
Безамий сира, сатемза таьлгIиш,
Кха дувцаргдац хоза хабар вайна.

Бекарга бутт, ма хьежа сел къиза,
Со бехке яц, со бехке яц.
Цунна безам кач делар сона низзагIа,
Сона вийзар, сайре, из хиннавац.

Вай безам шелалца шоладелар,
Лоа тIа улашду бешкомар мо.
ДIахеца со тахан, деха аз, везар,
Са са ма даа, ма йоае со.

Номаче, 17. Мутхьол (Мархий) 2011 шу

бешкомар (я) - малина
жIовхьар - жемчуг
совди-кIормац (да) - чертополоховка
бекарг (ба) - май

Noucost
26.03.2011, 13:20
Очень нравятся..Читаются как сонеты.

Sapral Mikail
28.03.2011, 20:15
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

ГIургIажа Iам

Укх Iамий сийна хиш,
Са дега чура арайикха гIиш.
ГIургIажаш лела сатийна,
КIай бедаргаш, хий тIа, сийна.

Хоза я шо, шоай дагахь,
Шуна хозале я кхийна.
Мохк бита, шо а дIауха наггахь,
Амма хувцалац, шун хий, сийна.

БIасте шоан, ший никъ хьабел,
Оаш-м дуъа, безама гIанаш.
Тхьачоа тара-м дац шун кхел,
Шоана довзац къиза Iанаш.

Са гуйре, деха аз, дIамагIо,
Сона дита са гIайгIане денош.
Амма чиллаца дIадахар шо,
Шей даьсса дита, Iамий цIенош.

Номаче, 28. Мутхьол (Мархий) 2011 шу


чилла (ба) - ноябрь

Sapral Mikail
05.04.2011, 21:44
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

СигалбIаргаш

Ма хоза хьежа шо согахь сигалбIаргаш,
Шо мо зизаш, дуне тIа кха дац.
Баьцашта юкъе, сийна-сийна бIаргаш,
Шунна хозале сона дийцалургдац.

Тушолий бетта, зIамига бераш мо,
Ведолге тIа да шо михоца ловзаш.
Шоай хабарца Iехаве, ма гIерталаш со,
Дукха ха я сона, шо зизалгаш довзаш.

Даьлий етталгаш, чуэца оаш, бийсан,
Нокхармозашца Iуйран барта хьалоаца.
Раьза хула шо деначоа йоачан,
ДогIа-м хетта сона мерза, шоаца.

Шохь лаьца дукха дийцад сона фаьлгаш,
Дахкалергаш, да шуна аре сийна.
Са бIаьстий зизалгаш, безамий къонгаш,
Сигалега хьежаш, дагIа шо сатийна.

Номаче, 05. Тушоле 2011 шу

сигалбIарг (ба, да) - незабудка
даьлий етт (ба) - божья коровка
нокхармоз (ба) - пчела
йоачан - пасмурная погода
дахкалерг (да) - незабудка

Sapral Mikail
27.04.2011, 01:03
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Ма елха, ва Нана

Хьа миска рувгIанаш, хьа зовза гIиш,
Хьа мехкана бала, хьа дегачура ала.
Хьа наной чIовнаш, хьа темза хиш,
Хьа кхаьлла ди, хьа еха гIала.

Ва миска нана, хьо сенна елха,
Дуне-м дац къиза, къегаш ба малх.
Дукха яха, ма хетта, хьаний ба бехка,
Довргдац хьа денош, теш со, шолха.

Хьа миска гIа, хьа доага пхьанаш,
Хьа шийла сайре, хьа баьде бийса.
Хьа деха уйла, хьа дегачура Iанаш,
Хьа йоаца гуйре, хьа тишабенна гIирса.

Ва миска нана, ма елха сел къиза,
Ма елха, кхело деррига нийсадергда.
Да бIаргаш хьа, цIийхь тахан дизза,
Хьо теша, дуне, кхоана хувцалургда.

Номаче, 26. Тушолe 2011 шу

шолха - черемyxовые

Sapral Mikail
08.05.2011, 22:44
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

ГIалгIайче - цаI мара яц

Со витац сай мехкe хоза ваха,
Вода-кх Аьприке ваха дIа.
Ва нана, Iа са, сел хала ма даха,
Хьона эгIаз ваха, водац дIа.

Со витац сай лоамашкахь лела,
Кемаца ва водаш со Аьмрике.
Дуне хьай дола наькъаш дела,
Йицалургьяц сона са ГIалгIайче.

Дай гIалаш, са бIаргашкахь латта,
Даим, вочоа хIама лоравеш.
Укх наьха мехкашкахь лелац атта,
Да дог детталуш, согатдеш.

Эрсий Мехко, тоIаю хьа кIамарг,
ХIирий ба, хьа мерза мелаш цIий.
МоастагIа, ва хьо хьалмавизарг,
Кха мала дара деза хьона хий.

Дай лаьтташ дита, со вахар дIа,
ГIермана Мехкe, лийлар со цхьа.
Ca Moxк хьол мерзагIа дац дуне тIа цIа,
Дунета-м хулац нана мара цаI.

Номаче, 08. Бекарг 2011 шу

Аьприк (я) - Африка
Аьмрик (я) - Америка
ГIермана Мохк (ба) - Германия

Sapral Mikail
16.05.2011, 23:58
...

Sapral Mikail
27.05.2011, 20:20
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Миска Буне

Урамаш латта тхьайса пхаьнаш мо,
Бийсанега тешаме искараш дувцаш.
Дар гуш дац, амма доацар вайн гу,
Хоза-м дац дуне тIа бIаргаш доацаш.

Баьде бийса, баьде ди, баьде зама,
Тхьайса улла, дац йийстахулаш дуне.
Къаьна пхаьн латта гIаьнашца таьда,
ДогIаца делхаш да вай миска буне.

Да дог детталуш, са сира наькъаш,
Седкъаш дац гуш цу баьдеча сигале.
Улла сатийна кашамашкахь дакъаш,
Цара сенош дIалаьцар кхело есарале.

Шира файтон я урама тIа йодаш,
Дакъса санна къайладаълар цун сурт.
Ва дуне, хьа цIийхь дизза човнаш,
Дувзаргдий-те цIий тадамшца чурт.

Миска нана, елхаш я, пондар увзаш,
Цу дунега бувцаргба дега чура бала.
Хувцалуш латта, хаоттамий бIаргаш,
Денал долаш, латта Анте дай гIала.

Номаче, 27. Бекарг 2011 шу

пхаьнаш (я) - грабы (гаьнаш)
пхаьн (я) - граб
файтон (я) - карета
чурт (да) - надмогильная стела
Анты - коплекс башен в горах Ингушетии

Sapral Mikail
07.06.2011, 22:22
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Са Совди

Бисни санна, цIена йолаш,
Хьармакх санна, хоза йолаш,
Дог гIозадоакхаш,
Са мукъадоакхаш,
Хинна ялар хьо, Совди са.

Баьде бийсал, Iаьржа йолаш,
Iаьржа дегал, къиза йолаш,
Са дог духадеш,
Са са човхадеш,
Хинна хиннай хьо, Совди са.

Алинг санна, фаьра йолаш,
ЦIелорг санна, яьIаьхий йолаш,
БIарг тIалоацаш,
Уйла дIалоацаш,
Хинна ялар хьо, Совди са.

Шийла агойл, даькъаза йолаш,
Даькъаза батал, аьрда йолаш,
Са цIий шеладеш,
Пхаьнаш ювстаеш,
Хинна хиннай хьо, Совди са.

Номаче, 07. КIимарс 2011 шу

бисни - лотос
хьармакх - роза
алинг - мак
цIелорг - пион
агой (ба) - январь

Menina
08.06.2011, 08:08
Мне очень любопытно - ты по словарю смотришь слова или знаешь их все сам?

Колой Кодзоев
08.06.2011, 11:22
В любом случаи Микаьил очень талантливая личность!!!(И ты Я у нас не отстаешь!!! )

Menina
08.06.2011, 12:11
В любом случаи Микаьил очень талантливая личность!!!(И ты Я у нас не отстаешь!!! )
Я стихи не пишу)) Мои таланты глубоко скрыты как от публики, так и от самой меня))

Колой Кодзоев
08.06.2011, 12:28
Твой неоценимый труд на сайте заслуживает доблести!!!Скромность тоже красит красивую Вейнахскую девушку!!!

Sapral Mikail
08.06.2011, 19:30
Я_!: - Мне очень любопытно - ты по словарю смотришь слова или знаешь их все сам?

Sapral Mikail: - слова ищу по всяким сайтам, некоторые родственники подсказывают

Menina
09.06.2011, 11:36
"Са стих - боацачарна - къовсам, бувца наьна мотт...". Хашагульгов вспомнился)
Здорово!

Sapral Mikail
21.06.2011, 00:17
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Са Дошо Сув

Поацолг санна, кIаьда,
Зийболг санна, мерза,
Малхац ловзаш,
Дагардувцаш беттац,
Дошо сув са,
ГIаддагийта дуне.

Iанжал санна, цIена,
Диваж санна, хоза,
Безам буаш,
Къамаьл дувцаш седкъашц,
Дошо сув са,
Сомадаккха буне.

Тухцилг санна, тийна,
БIаьстинг санна, кхийна,
Фаьлгаш дувцаш,
Сирда лепаш догIац,
Дошо сув са,
Гойт хьай дикане.

Номаче, 20. КIимарс 2011 шу

поацолг (да) - pомашка
зийболг (да) - фиалка
Iанжал (да) - алтей
диваж (я) - рододендрон
тухцилг (да) - колокольчик
бIаьстинг (да) - первоцветник

Sapral Mikail
21.06.2011, 23:21
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Безамий Йокъ

Хьа бIаргахиш, цIий сийгаргаш хинна,
Са кIай цIока доагадеш, шоаш Iолега.
Безам баьгар, Iаьржа, дегаза йокъ хинна,
Вай мерза гIанаш, догIашца делха.

Хьай иллеш дита, маьлхара да уш,
Са мерза денош, ма доаде гIайгIанеца.
Цхьанна хана, дукха хIамаш вар со ховш,
Iа дехьар деррига, хьай тийша кхоанеца.

КхойттлагIа ди, деза пIаьраска,
Амма, цхьа шийла, лаьттадар баьде ди.
Сатийна, михоца елхаш латтар, дака,
Кхераме бIаргашца тIахьежар магIалди.

Йоархо, зизай хий, дIамелаш мо,
Са рувгIанаш, са уйлаш Iувдаш яр хьо.
Ма къиза чутехар Iа са миска дегчу пхо,
Ма бирса кицаш дувца сона, хьа китабо.

Номаче, 21. КIимарс 2011 шу

сийгаргаш - искорки
магIалди (да) - сорняк
йоарх (я) - бурьян

Колой Кодзоев
22.06.2011, 19:42
Без всякого сомнения,с уверенностью, могу констатировать:у ингушей появился второй Джамалд Яндиев!Пусть у тебя будет светлое будущее Мийкаьил!Ираз-аьттув ма эшаболба хьона!

Sapral Mikail
23.06.2011, 14:45
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Банати

Хьа гIайгIана ди, хьа сен жантати,
Со ва хьа миска уйлаяздархо.
Са хоза йоI, лоа мо, кIай Банати,
Со вац хьа безамий жайхо.

Гаьнара хьoнa файтон гIар хазача,
Дог детталур, сапаргIатанза.
Амма хьо зовза, корахь арахьажача,
Цун сурт къайладаьлар, терканза.

Iехар Iаьржа къайгаш, дегаза,
БIаргаш дувзар дез хийтIадамаш.
Хьо-м яцар хьай кхела раьза,
Сел къиза ханна да вай, адамаш.

Когашца ма тоба вай хоза баппаш,
Са уйлаяздараш ма доагаде.
Вай къастара, бехке яц кхахьпаш,
Дац бехке-м дена кIиранди.

Банати, я хьо маьре йодаш, я.
Амма со вац хьа тешаме баьре.
Сона хов, хьо наькъа тIа соцаргья,
Хьай, гойташ сона, кIай даьре.

Номаче, 23. КIимарс 2011 шу

жантати - марь
жайхо - талисманщик
тоба - топтать
кхахьпа (я) - подсолнух

Sapral Mikail
23.06.2011, 20:30
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Са йоаца - Фади

МархгIургIалгаш яхаш, воагIаргва со дохьал.
Бирса бIарахьежаш, саьнч ма латтала.
Шамдаш кийчъе, кийчъе хьай мел йола поартал,
Тахан-кхоана аз хьо дIаюгаргья.

Са дошо файтон латта хьога хьежаш,
Фади, дехке ца йоалаш, деха аз, араяла.
Сома тай тасса, латта хьежаш, бераш,
Хьабаькхачан, раьза я со, аьле яла.

Наггахь санна, яц со раьза, Iа оали,
Шортиг дIавийрза, гаьнара наькъа тIа варгва.
Дохьал латташ санна аьли,
Xьа дега чура сурт доацалг, co кхетаргва.

Mичча хана, варгва co къантера хьона Фади,
Xьо теш ма теш, иштта къиза-м вац.
Беркате, ираз долаш хилда хьа хIара ди,
Дийцалугрда деррига, амма хьо йийцалургьяц.

Номаче, 23. КIимарс 2011 шу

аьли - пропасть

Sapral Mikail
29.06.2011, 22:14
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Ноаной БIаргахиш

Хьа гIертам къе, хих дизза бIаргаш.
Ма къиза хиннад хьоца, хьа сира дуне.
Кашамашкахь, Iехаш, ягIа къайгаш,
Боабаьб бос, ма дегаза да-кх буне.

Урамаш латта, цийхь тахан дизза,
Дакъасурташ лела, шоай цIенош дита.
Iаьржа, докъаденна уллаш да зиза,
Унзаре михо детта, ший шод бата.

Ма елха ва нана, аз деха, ма елха,
Сел къиза тIаетталуш, хьай воIа.
Хьоца-м деррига наьна-дуне делха,
Ма хьежа сел бирса хьо бIара йоIа.

Сардам ма бахка, саг бехке-м вац,
Кхело мичча хана шийдар деха хьона.
Из улларгва, сатийна, ший даьца,
Хьай бисса безам, ба Iа тхона.

Дукха ноаной лела, дегаьш даьсса,
Шоай, велакIажарца лечкъадеш.
Амма цара гIайгIане бIаса,
МоастагIий зовзал хула хIалакдеш.

Номаче, 29. КIимарс 2011 шу

гIертам (ба) - настойчивость
дакъасурт (да) - привидениe
зовзал (да) - трусливость

Sapral Mikail
03.07.2011, 23:32
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Са Безама ЗIыфайтон

ЗIыфайтон я, наькъа тIа гIолла йодаш,
Аз яздаь каьхат, цо, шийца дIахьожа латта.
Да бирса денош, къиза шераш додаш,
Укх дуне тIа лела а, даца-м ваха а атта.

КIимарс хьаэттар, вIалла дагадоацаш,
Ший фаьлгаш дувцар, лакха малхаца.
Шийла догIаш кхохар, гаьннара морхаш,
Цара тадамаш ловзар, ховха баьцашца.

Хьандарга кIотаргаш ший хоза зизаш,
Наьна-Iалама дог мо хьайийлай.
Са кора тIа лепаш йола догIий гIизгIаш,
Сона хьа бIаргхиш юха дагаехийтай.

Шортиг я йодаш са алача тахан,
Iулла хинна моттигаш, латташ я яьсса.
Лаха еттача, корадоагIац бахьан,
Ва беркате кхача, ва со хьона раьза.

ЗIыфайтано дехьар, са безама денош,
Аз дута хьона сай уйлаш, са миска буне.
ЭгIаза ма гIо сона, са дийната сенош,
Iалаьматсаг вац со-м, вешта ваца-м уне.

Номаче, 03. Аьтинг 2011 шу

зIыфайтон (я) - дилижанс
кIимарс (ба) - июнь
ховха - нежный/ая/ое
хьандарг (я) - шиповник
гIизгIаш (я) - бусы
алача (я) - мерин
Iалаьматсаг - великан

Sapral Mikail
08.07.2011, 23:17
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Са дайнад

Са дайнад, дайнад са.
Дуне а хувцаденнад,
Хувцаденнад вай дуне.

Са дайнад, дайнад са.
Буне хийцад барцкаш,
Ший сибат хийцад буне.

Са дайнад, дайнад са.
Дайнад малха къагар,
Малха сердал дайнад.

Са дайнад, дайнад са.
Дайнад догIий цIенал,
ДогIий цIенал дайнад.

Са дайнад, дайнад са.
Наха хувцабеннаб,
Хувцаденнад вай.

Са дайнад, дайнад са.
Наькъаш туладеннад,
Тулаеннай вай ха.

Са дайнад, дайнад са.
Вай Iамат бIехьаденнад,
Iаьржаденнад вай са.

Номаче, 08. Аьтинг 2011 шу

Sapral Mikail
28.07.2011, 00:37
II. УЙЛАЯЗДАРИЙ ГУЛАМ: "ЙОIИ БЕЗАМАХЬ ЛАЬЦА ИЛЛЕШ"

НАЬХА, ВЕЗАР СА

Ма детт сона къиза, хьа гуйрес шод.
Iаьржа сигалено техар дегаь гIод.
Да пхаьнаш Iувжаш, кIаьнар нIод.
Хацар сона-м хьо тахан мича вода.

Сай бIаргаш къайла, елха со миска.
Тамашийна Iехаш да тахан хьа циска.
Бийсано хийцар ший тешаме гIирса.
Седкъаш хьежаш да унзаро, бирса.

Хьа багар дешаш, мерза ундар мо,
Ма писаме хийлар, са везар, хьо.
Сен дохь ийдаьд Iа сона ер даьреш.
Кхыераш хьона езаш хилач ареш.

Сона-м локха Iа, кIаьнар иллеш,
Халла садетташ, ва хьо, везар, леш.
Дехьа оагIува-м хьармакхах дизза да.
Цигаьхь латтара-м доккха ловзар да.

Номаче, 27. Аьтинг 2011 шу

Sapral Mikail
01.08.2011, 01:57
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Хьа БIаьсти Лаха Bода Со ДIа

Хьа бIаьсти лаха, дIавода со гаьна,
Миска бIарахьежаш, тIехьа ма хьежа.
Iайх аддар, хьо тахан яьлар аьнна,
ДIавода со, сай дог дуташ, хьа беша.

КовнаIар тIа хьежаш, файтон латта,
Хьох къаста-м дац сона, езар, атта.
Ма сира хет хьа гуйре, тешаме лаьтта,
Хьо аьрда гIо, гIоргва-кх со аьтта.

Кизга духаш оал, балаг сатувсар.
ХIаьта къайгаш-м сигале кхувсар.
Дунена наIалт ца оалар, безам,
Амма дувс дегач дена халахетам.

ЛоагIургIалгаш сайна наькъат гайча,
Аз бIаьстеца уж хьона яйтаргья.
Хьона дукха деза, даьгIестай шолча,
Гаьнара зIыфайтонца яйтаргья.

Аз Iадик дувцаргда наьха Iуйреца,
Iаьржа бийсаца Iадик дувцаргда.
Амма сай тешаме, дошо гуйреца,
Ер дуне харцалц, безам буаргба.

Номаче, 01. Мангал (Селий) 2011 шу


халахетам (да) - ненастье
лоагIургIалгаш (я) - подснежники
даьгIестай шолча - шалфей дагестанский

Sapral Mikail
06.08.2011, 18:07
III. УЙЛАЯЗДАРИЙ ГУЛАМ: "СА МИСКА РУВГIАНАШ, СА ЗОВЗА ГIИШ"

Гаьнара Уйлаш

МIатабо, хьона локхаргда,
КIаьнара иллеш,
КIаьнара ашараш.
Китабо, хьона дувцаргда,
Гаьнара фаьлгаш,
Гаьнара искараш.

Къайла фордаш,
Къайла гIанаш,
Тешаме лаьттас деларгда.
Тийна шовдаш,
Тийна аренаш,
Безаме уйлаш хьокхаргда.

Безамо, хьона гойтаргба,
Кхийна дикане
Кхийна хозале.
Iаламо, хьона хьалургда,
Сийна ахане
Сийна сигале.

Дицденна рувгIа,
Дицденна гIа,
Ховха Iуйрес дIахьаргда.
КIаьдденна дегIа,
КIаьдденна догIа,
Дошо гуйрес тоадергда.

Номаче, 06. Мангал (Селий) 2011 шу

мIатаб (да) - пластинка