Сапрал Микаьил - Са Уйлаяздараш, Са Безами Сатем...
I. УЙЛАЯЗДАРИЙ ГУЛАМ: "СА УЙЛАЯЗДАРАШ - СА БЕЗАМА САТЕМ"
Са ГIалгIайче
Са ГIалгIайче!
Са дай баьха моттиг,
Фуртоуг хий, са байна сатем.
Са ГIалгIайче!
Са даьш аьха лаьтта
Кура аьрзий, са дегa чура кем.
Я са ГIалгIайче,
Денал долаш, майра дог.
Гаьннара, хьога сатувса аз.
Еза сона ГIалгIайче!
Са наьна морзал санна,
Лоамашкара, хаза сона хьа оаз.
Номаче, 29. Моажол (Миха) 2010 шу
Ответ: Сапрал Микаьил - Са Уйлаяздараш, Са Безами Сатем...
Вай вIашагIкхетаргдац
Сийна фордаш, Iаьржалуш латтар
Вай безаме денош, тайнаш санна хадар
Сигалара малх, кха бIаргургбац вайна
Корадергдац вайна, хоза гIанаш дайна.
Бехке мaлa вар, Iа сoга хьаоалe
Со теша мег хьoнa, амма бакъ да
Цy гаьнарча, лакхача Iaьлe -
Ма мотталда хьона, вай вIашагIкхетаргда...
Номаче, 30. Моажол (Миха) 2010 шу
Ответ: Сапрал Микаьил - Са Уйлаяздараш, Са Безами Сатем...
Дика йоI Заира
Заира, хьо хоза йоI еци
Еp дуне, хьона дохьа, кхесташ деци
Ори бутт, ший Iалам хийца, латта
Хов сона, дац ера вахар атта.
Заира, укх дуне тIа хаьша санна
Лоралуш, Iа мел боахка ког
Шерашца дa хьа уйлаш, хувцаенна
ХIаьта а, хиннача бесca, дисад хьа дог.
Номаче, 11. Тов (Ори) 2010 шу
Ответ: Сапрал Микаьил - Са Уйлаяздараш, Са Безами Сатем...
http://jigoku.blogas.lt/files/2009/10/autumn-sad.jpg
IажагIа беca - хьа дуне
Гуйре хоза къамаьл дувцаш,
IажагIа беса, да хьа дуне.
Оалхазараш, хьо даггара къовсаш,
ХозагIа дола илли, ала гIерта.
Хьа дега тIара бала, ховш санна
Морхаш, шийла догIашца, елха.
Гаьнара зама, сатем байна
IажагIа гаьний ха, сигале елха.
Хьа дега тIа, мерза илли дижа
Iа, Iаьржа денош, дIахийцад.
Я хIанза сигале сирда, сийна
Хьа балена денош, михо дIадехьад.
Номаче, 13. Тов (Ори) 2010 шу
Ответ: Сапрал Микаьил - Са Уйлаяздараш, Са Безами Сатем...
* * *
Хьо ГIалгIа вале,
Ховда хьона, эздий гIулакх, хьа сатем.
Бусулба саг вале,
Ховда хьона, ялсамале да, хьа тешаме кем.
Номаче, 14. Тов (Ори) 2010 шу
Ответ: Сапрал Микаьил - Са Уйлаяздараш, Са Безами Сатем...
:rolleyes: Ай ва Дала дукха хьо воахаварг, "Культура" яхач разделе бакъахь яздора 1а ер,амма "Ингушский язык" яхач разделе яздоре кха а бакъахь хоргдар хьа ер.
А так очень приятно читать:)
Малаг1а "земля" ваха хьо Германе?
Ответ: Сапрал Микаьил - Са Уйлаяздараш, Са Безами Сатем...
Цитата:
Сообщение от
Темаркъ
"Культура" яхач разделе бакъахь яздора 1а ер,амма "Ингушский язык" яхач разделе яздоре кха а бакъахь хоргдар хьа ер.
Темаркъ, аз ингушский язык яхач разделе хьаер е тем. Микаьил, баркал хилда хьон, хоз назмаж я.
Ответ: Сапрал Микаьил - Са Уйлаяздараш, Са Безами Сатем...
Цитата:
Сообщение от
Sapral Mikail
* * *
Хьо Г1алг1а вале,
Ховда хьона, эздий г1улакх, хьа сатем.
Бусулба саг вале,
Ховда хьона, ялсамале да, хьа тешаме кем.
Германи, 14. Ори Бутт 2010
Баркал! Читается легко, понимается свободно! Еще,пожалуйста!
Ответ: Сапрал Микаьил - Са Уйлаяздараш, Са Безами Сатем...
Цитата:
Сообщение от
SCSI
Темаркъ, аз ингушский язык яхач разделе хьаер е тем. Микаьил, баркал хилда хьон, хоз назмаж я.
:)Баркал SCSI,ну и конечно же Sapral Mikail тоже
Ответ: Сапрал Микаьил - Са Уйлаяздараш, Са Безами Сатем...
Хоза Iаламий бесаш
Хоза бIаьстинг лоа кIал,
Ший корталг айбаь,
Малхага гIерта,
ЗIамига бера мо.
Хазальгаш кхесташ,
Хоза иллеш декаш,
Шийца йIовхал яьхаш,
ЙоагIа б1аьсте.
Дека ма дека
Е лакха ма лакха
Зизай бос ханна
Латта хьо дуне
Малхо ший зIанараш,
Аьрзий мо ткъамаш,
Дуне тIа гIолла,
Арахийцай.
Ведолге баппа,
Ший кIайданна баталг,
Баскалга, цIаьпцалга
Арахекхай.
Дувца ма дувца
Е цIувза ма цIувза
Баьца бос ханна
Латта хьо дуне
Гуйре, хоза зама,
Вайна фаьлгаш дувцаш.
Сигале малха,
Вайца ловзаш ба.
Гаьнаш шоай гIаьнаш,
Михоца а дIакхохьаш,
Дошо ханна, латта
Вай сигале...
Лепа ма лепа
Е лета ма лета
IажагIа бос ханна
Латт хьо дуне
КIай боамби санна,
Атта бедарг ханна,
Арахь да кхесташ,
Вай кIаьда лоа.
КIай ханна, дIаэтта,
Дог гIозадоакхаш,
Лоамашкара ена,
Я Даьрдза-Нана.
Iеха ма Iеха
Е делха ма делха
Лоа кIай бос ханна
Латта хьо дуне
Номаче, 16. Тов (Ори) 2010 шу
бIаьстинг - первоцветник
корталг - головка
йIовхал - тепло
зIанараш - лучи
ткъамаш - крылья
ведолг - поляна
баппа - одуванчик
баталг - личико
баскалг - кузнечик
цIаьпцалг - сверчок
атта бедарг - легкая пушинка
Даьрдза-Нана - Мать-Вьюги