Тамбиев Мага

Уврам наькъа тlа доала каппаков чу а ваха дlайха ши каппа а ийца lохайра ер кора юхе.
Ийс сахьат даьнна ха яр из укхан доттагl вар хьатlа ва везаш.Барт баьбар укх шинне нийса ийс даьлача хьа а вена каппа а ийца цу каппи lи дlаяллалца цигач хила везаш вар из.Нагахь санна lи дlаяначула тlехьагlа ер гуч ца воале цигачара дlаваха везаш вар.
Из хьавар са тувсар цо , цунцара къаста безам болаш вацар Мохьмад,из хьацавар цlе чара лаьцав е кхы а вогlа дийна вац яхалг дар.Ший lаьржа цlоках бола тlормиг ший шин кога юкъе оттабаьбар цо, хаьн йоалаш тапч яр.Болх дика вlаштаьбаьннабар акхар цхьацдола хlамаш юкъера даьхача.
Гонахьа укх хана кlеззиг мара нах бацар,наг-наггахьа юхе увраме тlехьбувлаш нах бар, шой балха е деша болхаш е согатал арабайна гlала юкъе гlолла го баккха.Бlаьсти хоза ха яр, еррига буне дийна лора,амма гlала бахача наха иштта дика хоа лацар из.
Хlанз тушол бетта хьалхара денош дар цlеркlаьга дар ара.Салмано ший уйлаяздоргач ма алар:

“гlори малхи lалаьмате хоза ди да
са хьамсара доттагl
хьо кхы а тар кхийта уллаш ва”

Иштта цу тайпара хlама-м дар из, дешале хинна хlамаш кхы lа яха дика дагадагlацар укхан.Амма хаоттам укхан безача беса бар.
Каппакови болхо, цхьа йоl хьатlаера укхан, укхан фу эша хьажа.Баркал, сона хlама эшац аьнна из дlаяхийтар Мохьмадо,цкъахьалха ахч дlа а денна,ший хьаийцача каппа доагlаш дола,мича хой вадда везаш хуле а е масса хул.

*******************************

Дlа-м кхы а хьалха доладеннадар из, ши кхо шу хьалха Мохьамада доттагl вар лаккхерча дешарле вагlаш ахчаков болхло хила безам болаш.
Цхьан сайрана дешарлера чу вена ший доттагlашца вагlаш,Мохьмадо хаьттар кхы дуккха деша дезарий хьа?
Кхы а бlарча шин шера-м деза.Хlана яхар lа?
Иштта ха воалар со,малагlча ахчаков болх бе лаьрхlа ва хьо? -хаьттар юха а Мохьмадо.
Султано кlезиг-дукха уйла еш а ваьгlа, сона-м хац аьнна жоп делар,ахч дукхагl долча бе хьожаргва-кх.
Ахч дукхагl долча дика да юкъеийкхар Джабраил а, вай саг волча вайна йlовхо тlа йоагlаргъя.
Чlич ба шоана, велавелар Султан.
Тlаккха Мохьмадо ший каппа къург а баь, Джабраилага аьлар бегаш беш вай къоал дергда,вай саг хургва ахчаков,ер цигач дlаотталца сабар дергда вай,амма цкъа хьалха ахчаков лохаргда вай укхан, дукха ахч долаш.
Хьо махболакаьхаташца болх бе воалаш вий?
Воалаш ва аьнна корт лостабир Султано.Бокъолеладара ралсдар
Из фу я? хаьттар Мохьмадо.Из lа дувца каьхаташ дола моттиг я-кх из жоп делар.
Хlаьта хьона цу кхаьхата дай бовзаргба,цара цlераш а уж баха моттиг а,цхьа кlеззиг уйла а я lотlатехар, уж чура бовле, цар цlагlар бараш а лоацаргба вай, воашца бегаш бе йиш йоцилга дlахьокхаргда вай царга.
Уж хьа гlиш да е бегаш беш ва хьо хlанз ? - шин бlарга чу а хьежа хаьттар Султано
Ай бегаш бора аз-м, амма хьай дlа уйла ела хьайна, хlара дийнахьа цу балх ухаргва хьо, сайре хиллалца цига болх беш а ваьла,цlавеча хьайна а хьай доттагlашта а воацаш кlаьдвенна хургва хьо, аз ювцара-м бlагал ма йий хьона, хьо кхетарий.
Дутта вай из аьнна белабелар берригаш.
Амма Султан-м уйланга вахар.
Берригаш дlай-хьа къаьста чула тlехьагlа цу уйла тlера валалацар из.Са хиллалца наб ца кхеташ илар.
Цул тlехьагlа шин кlирал совгlа ха яларераш бlарга ца го,балха вар балха волаш деша вар деша волаш,амма Султана уйлаш дешарац яцар, фу де аьлар lа из сога, фу де бира lа уж бегаш йоахар цо ший дагахь.
Цхьан сайрана ший дешарлера воалашехь зlылерг техар Мохьмадага.
Ассаламу алайкум.
Ва алайкум ассалам юха дерзадира Мохьмадо салам.
Фу деш ва хьо? Цlагlа вий хьо? Цхьа хlама дар са хьоца дувца.
Со волча хьавола , со хlаьта укхаз цаl ма вий , со хьежаш ва хьога аьнна зlылергаш lойоайира цар.
Султан цхьа ах сахьат даьлач Мохьмад волча вар,ниlарах хlама техача Мохьмадо хьайийлар,хьачувийхар цlагlа.
Маьчеш lояхал зlамсаг, со ва укхаз цlено еш вар, хьо вац.
Шу долча иштта дацар яхаш аьнна велавелар , амма бокъал лувш вар Мохьмад.
Хlама дуа шамаз чу байлач шуна тlа латташ каппа чу йолаш чами яр, заьзга чу харца-бакъахь кхерза фуаш дар.
Ва зlамсаг, аьлар Султано, массахана из къахьдарг мелаш ма вий хьо,къордадаьдеций из хьона? Дика дац хьона из иштта дуккха мела.
Къордадича соцаргва со ца мелаш, дика дале а во дале а сайна дезандаь мел-кх.Ер-м дикагl дар да хьона.
Маькх ийцаяр цхьа кlира хьалха из ширъяннай,вагlаш ва-кх со укхаз маькх йоацаш тика тlа а ваха из эца мекъало витац.
Саг йоалае хьайна.Цо даа хlам кийчадергда хьона.
Саг йоалае яхаш ба-кх берригаш,цхьккха вац новкъостал дергдолаш.
Хьай лаха еза, хьо веце цунца ваха везар, из оаха лахачул тlехьага хьо цох ца ваше фу де деза.
Из-м дитал хьайн,фу бал бахьаш веннав хьо со волча дувцал, кодабе хьай бал, аз хьога хьа нанас мо ладувгlаргда-кх.

lа сога цу хана баь хиннабола бегаш барий, цар бийсан наб ца ейташ, дийнахьа деша ца дешийташ лелаш ва-кх со. волавелар Султан дувца.
Сабарделахь хlанз,юкъе иккхар Мохьмад, фу бегаш ба lа бувцар, аз-м каст-каста ма бой уж?
Ахчаков чура ахч лочкъде яхаш дола хlама дарий? аьлар Султано
Из-м дага доагlа сона, амма хlанз фу де дага дехад хьона из, бег ба аьнна дlамадаьккхадарий вай из, цецваьлар Мохьмад,хlаьта а безам бар цунна ший кисаш даьса ца халийта.
Мегаьд тlаккха lа из яхий , уйла ергъя вай цу хlама.Уйла я йоацаш даьча хlамах нах бийлаб йоах,кхы а цу ден тlа хьо деша вагlаш ва.
Таро яц вайга ахчаков чу довла, цу чура хьал миштад ца хайча.Дийша валалца сатохалургдий хьона?
Хьо бакъ лув аьнна корт лостабира Султано,амма цо уйлано ца вуташ венавар со укхаз,хlанз-м аттагl хургдар сона,дийша даллалца сатохалургда сона.
Вешта вокха шера цхьан шин кlира цу чу болхе безаш хургда тхо, новкъостал деш цигачара поалхам болаш бола болхлошца.Мала Ахчаков хургда хlанз а хац сона.
Из-м хlанзехь эшаш дац вайна ,дерригаш цхьантара да уж.
Мегаьд тlаккха со чу гlоргва кхоана дешарле ваха веза са. хьалъайвалар Султан.
Укхаз дlаяккха бийса,со волча моттиг йолаш ма йий.
Цlагlа да са тептараши китабаши,цигача юхех а да сона дешарле ваха.
Мегаьд хlаьта , дика дешалахь, акхар балх дика дийшара мара дlа эцац хьона.
Вешта кхы а хьоаергъя вай из бlагал. Бийса даькъала хийла.Ассаламу алайкум аьнна уж дlай-хьа къастар.

Ха дlайодаш латтар,деррига хlама ший гартаца додаш дар,хувцам хиннабацар.
Султан lай хила еза хьожарашка кечлуш вар,кхычара санна цунагl дала ахч дацар укханг,даларе а ле лаьрхlа вацар.Фу пайда баргбар ахча а денна деша ваьгlав аьнна каьхат ийцача, нагахь санна кертача хlама ца хилач, цецвоалар Султан цу моргач нахагl,иштта бараш Гlалгlай мехкара кагийнах,мехкарий-м деша хьожар.
Мохьмад цlа вахавар, вахаш-м укхаз Мосалкхе вар из,хlаьта а да-нана долча а гаргала нах болча а ваха везаш вар.
Джабраил а гуш вацар Султана, из ший моаташкашца лелаш вар бус-кlормаций бlу чу ухаш,цхьацца корайогlар цунна.Фу де воала хьо царна йита уж аьлач раьза а хилацар, Мохьмадо дуккхац яхадар из цунга, кулг лостадай дlаводар.
Иштта а lа дlадаьлар ,цул тlехьа йоагlа бlаьсти а.
Султани цхьан хьехархочунца дов даьннадар,lаьржбараши кхыч къаман нахи безаш вацар из.Дешалера дlавоаккхаргволаш вар ер,укхан бехка цигач хинна беце а.Из хабар дар гlалгlашта юкъе маза чу гlола додаш,тайп-тайпара дашхамаш дар, кегийнах гадоахаш бар, мехкарий бар “акха хlамаш,лелахац акхарна наха санна ,ший бехке ва из” яхаш цу тайпара къамаьл яздеш.
Из хабар кхийтар Мохьмада а, сиха ший даь-вошага Москалхе вола зlылерг а теха из хlама цо дlакъоастадергдолаш,дlадий ар ше дара.
Тlаккха Султан волча а вахар.
Ассаламу алайкум, фу хиннад цигач фу йоах хьога цо?
Даь сона-м хац цо фу дувца, вайбараш гоамаболаш вакх из,аз-м аьнна хlама дацар цунга, жоп делар Султано.
Иштта хlама а даь тlаккха вай бараш бехке а баь дешалера дlабаха воала из, хlанз аз сай даь-вошага дlакхаьчийтад из хабар, цо къоастадергда из,амма хьона шорттигагl хила эшар,дийша вала воалаш ва хьо,тlаккха вай де доалаш дола хlама тlара юха довла йиш яц вай, иштта а вешта а хьоргда вай ахч-м, цогl шеко яц,цхьа бакъда вай саг цу чу хилач дикагl хургда вайна.
Кхы а цу ахчков чура латташ саг вий хьа вовзаш,кхалсаг хилач дикагl хургдар,lехаерг йолаш? - хаьттар Мохьмадо
Тхо долча деша баьгlа ба-м ба цигач, амма из гlулакх Джабраила дикагl могаргдолаш санна хета сона,аьрхlа ма вий из, цунна кора ма боагlий царца бувца мотт, сона-м ши дош вlашкадола мичахов уж бlаргбайча.
Мегаьд цунца дувцаргда вай из къамаьл тахан сайрана со волча гуллургда вай,цунга двахайталахь, хlанзехь из цаl йолча вахалехь.
Мегаргда,зlы йохlийта аз цунга хlанз.
Таккха мала ахчков да хьо балха оттавоалаш дар?
“райффайзен” чу хургва со,дикагl хета сона из.Со дийша воале.
Царегl лаьца хlама хьона дикагl хов,хьайна ловра де lа.Дийша варгва хьо,цогl согат ма де.Со хlанз ваха везаш ва сай гlулакха,гургда вай сайрана аьнна вахар Мохьмад.
Шийна бовзаш бола нах болча, гердза гlулакхагl,мах фуб малагl яраш дикагl я а,иштта кхы дола хlамаш дувца а.

Цу сайрана Мохьмад волча вlашкакхийтар ераш.Укхаз вай фу де гуладеннад ховш ма дий шо,дlаволавелар Мохьмад,ахч яха хlама наха чlоагlа эшаш я, дуккхагlи аттагlи мел хула дика хета наха.Тlаккха вайна еза моттиг я,Султана дlабlарахьежар..
“райффайзен” йистахилар Султан.
Из я, тlаккха уж багlаш бац вайга хьежаш, хьадола ахч дlахьо яхаш,кхы а цу чу массахана ахч хуле а,дуккха хилац.
Амма цхьан заман чохь “пхорччакхацадувларгаш” хула цигач йоагlаш шортта ахч а дахьаш,кхетий шо аз дувцачогl?
Кхета хьоваси са васи ,велар даьлар Джабраилага.
Из да, вай царна тlехьа леларгдац гlала юкъе гlолла,вай сабар дергда уж цу чу бахалца,тlаккха царна тlехьа вай чу гlоргда.
Из хургдар да, вай хlанза а кечам бе безаш да цу тlа кхачалехь.
Царга-м гердз хург ма дий, тlаккха вай цар lодохкарг да,тlаккха вайга е ахч хургдац е вай дийна дусе а набахте салаlа гlоргда аьлар Султано.
lа яхар хургда вай царна тlехьа даьса кулгаш ийца долхе,дlахо дувца волавелар Мохьмад,со тахан сайна бовзачарца хиннавар уж тlаьргхой ба,кlала гlола гердз дохкаш ба уж,маьха чухь бовла раьза а ба, со вовзаш хиларах. Аз аьннадац царга сайна из фу де деза, а]из-м царга ала а эшаш дац,цхьаккха а вац из ха йиш йолаш, кхийтарий шо?
Кхийтар тхо, кортаоагабира,амма кхо саг кlеззиг хургвеций?
Кlеззиг хилар дац во дар, барт ца хилар да хьалхаваьначо деш дола оаламаг ладувгlа дезарг да,хьалха мала варгва вайх ховргда вайна, со вала а тарлу,амма из дац хlанзардар.
Тlаккха фу ала воалае со.
Гердз дувцаш вар хьо.
Вар , тайп-тайпара дар цигачар гердз,аз вайна Стечкин яха тапчаш, хиртопаш,тlахецара хиртопаш : АК74- йи,47-йи , кхы а СВД яха нийсакхетарг а.
lалашонхо вий вайна юкъе?
Вац, укхаз-м гердз бе дела саг вий хьогl аьнна хета сона.
Вайга кхы а ха я,хlаьта ха сиха йода,эра йоайи йиш йолаш яц из,вай гердз детта lомалургда.Моттиг лаха езаргъя.Гердз шин кlира вайга хургдолаш да.
Ахч дуккха дала дезий царегl?- хаьттар Джабраило
Ахч вай вlашкатоха дезаргда,lийи ази,Султан юкъера воала из дешаш ва, цунга ха яц болх бе.Болх лохаргба аз,аьнна юкъеиккхавар из, амма из соцавир сиха.
Вешт-м хьай дкхар ахчаковцара гlулакх даьлач хьадала йиш я хьа,иштта чlоагlа безам бале.Велавелар Мохьмад.
Молагlча хана кийча хиладезаш да вай Султан балха эттачула тlехьагlа,кхы а,хьона доагlаш да хьона Султан, цу хьехархочунца довга ма вувлахъ, воацаш санна вутаргва lа из,жlали соцаргда хьона шийна lеха къордадича.
Хlанз хьога аргда аз Джабраил,уж хьай кхалнах lотlабутаргба lа, вай бlагал чакхаялалца.хlара вар кхийтарий?
Кхийтар.
Дика да иштта дале.Оаш мутт мол е чей е туркой малар?
Тайп-тайпара ма йоахий lа цу маларий цlи? - йоахар Султано
Сай безам болача бес йиш ма йий са цох, са малар ма дий из, маlан цаl хилач фу бе дар из-м , кхы а цу ден тlа аз фу ях кхийта ма хийтарий хьо.
Сона мутт йотталахь аьлар Джабраило.
Со-м валац шоана из йотташ латта, мала кораваьв шоана,шоашта эшар укха шамаз чу корадергда шоана, дале из нагахь санна.
Хьа мутт хьало шелаллоатторг чу я хьона. lажийи кхорийи мара яц вайга.
Тоаргъяр из-м, баркал.
Тlаккха хьона фу еза Султан? хаьттар Мохьмадо.
Цlалх яларе аз-м чей маргдар жоп делар Султано.
Из а цу чу латт,Джабраил хьай цу тlа дlатlакхаьчаволаш хьаара яккхалахь из цунна. Мегаьд, lа яхар да хьона па.

Tlаккха йист ца хулаш хlара вар ший гlулакхаг хьожаш воалар, йиза багеца къамаьл дувцаш хилацар.

2.

Шоллагlача дийнахь Мохьмад вахар Мосалкхе кхоачалуча моттигашка хьажа,ердз детта lомалургволаш моттигаш лаха,наха гургвоацаш а,хlана аьлча наха из дlагой цlе бараш бехаргбар,гердз бе доалаш кхы а цу ден тlа lаьржа бараш хилча геттар корзагl бовлар уж.
Сарралца лийна а лийна корайира цунна цхьа цlерпошта никъ бола моттиг,никъ кхы лелабеш бацар, гонахь йоалаш хьулг яр,из дика моттиг я аьнна хийтар укхан,амма укхаз кхачалца хьава гаьнна дар-кх.Хlаьта наха гаьнагl мел хула дикагl дар.
Цхьан каьхата тlа сурт а дилла шийна никъ дагабоагlаргболаш,сурташ дехка хоза хеташ вар ер.Иштта-м зlылергач никъ-хьокхар яр укхан,из эшаш хlанзехь хlама дацар.
Итт шу дар Мохьмад Мосалкхе ваха, амма укх моттигашка хиннавацар ер,кхы ваха эшаш хlама а хиннадацар,эшаш хилач сиха lомалорацунна цу тайпара хlамаш.
Моттиг кораяй сона, хlанз зlы ярга хьежа веза гердз долаш да аьнна, чlоагlа уйла еш водаш вар ер юха.Маьшен лаха еза хlанз гlала чу юхайодаш.

Сахьаташ доалаш денош доалаш иштта ши кlира дlадаьлар.Гердз дохкачар шоай ма аллара хаам бир укханг зlыца.
Тlаккха ший доттагlий а ийца шоай гулдаь ахчаца бахар ераш барт баьча моттиге,ахбийса аьнна ха яр из,гердз наха бlаргагургдоацаш акхарна цlечара бlарг кхетаргбоацаш.
Ер со волча дlадуларгда аз тахан,йист хилар Мохьмад, тlаккха вай гердз детта lомалургдолча моттиге дlадоладезаргда,текхадерг мичад вай ер вайца,иштта вай текхадой вай гаьнадовргдац.
Со волча моттиг яларе аз со волча lодуларгдар из аьлар Султано.
Джабраил йист хулаш вацар.
Мохьмад волча бахар уж,цигач са хиллалца баьгlар цхьац хlама дувцаш,фу дича дикагl хургда мишта дергда а.
Пхорч долаш да вайга, амма сона болх корабаьб,бийсана ухаргва со цигач,тlаккха ахч хургда вайга эшар эца,дукха деци а.Вешта-м, Джабраил хьа а дезаргда кисаш доасде.
Къамаьл дац,долача хана долаш да.
Кlира шозза ухаргда вай цигач,малхбуза ха йолача хана цигач хургдолаш, цхьа сахьат тоаргда вайна,кхы дукхагlа эшаш дац, вешта маза чу дийнасурташ а хьажа мегаргда.
Са хиннад вайна-м вай укхаз дагlашехь, хьо деша ваха везаш веций Султан?
Везаш ва жоп делар цо.Итт сахьат даьлач мара вац со цигач хила везаш.
Кхы хlама йоахий хьога цу хьехархочо хаьттар Джабраило, вешта сона бовзаш кагий нах ба,дlатlабохийтаргба хьона аз уж цунна.
Сацалахь, юкъеиккхар Мохьмад,цу тайпара хlама эшаш дац вайна.Са даь-воашаш дlакъоастадаьд из ший тайпара хьаькъалаца.
Сабари хаькъали хилач деррига а хургда.Из волча хьожараш хургдий хьа кхы?
Хила езаш я цаl из волча, амма из-м хала яцар,цо сона кегар ца боре.
Кхыча дешарле дlаяла йиш йий хьа из, е кхыча хьехархочунга? хаьттар Мохмадо
Из сона хац, хоттаргда аз.Сабардел цигач деша ваьгlа цаl ва сона вовзаш хlанз цунга зlылерг тоха аз вижа улли-м хац сона ер.
Дlадехьаваьнна къамаьл даь юхавера Султан. Йиш яц йоах цо, ший а хьаьжавар из хlама де,амма вlаштаь даланзар.Дош дацар из-м,йист хилар Мохьмад,гlулакх хургда хьа, кхера ма кхера.
Тlаккха, кхоана сайран долхаш хилари вай гердз кхасса? - хаьттар Джабраило
Долхаш да,цхьо кхо сахьат даьлач цигач хургдолаш,мегаргдий?
Мегаргда.Тlаккха тахан гургда вай.