Страница 1 из 4 123 ... ПоследняяПоследняя
Показано с 1 по 10 из 31

Тема: НАЬКЪА ТlА

  1. #1
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).

    НАЬКЪА ТlА

    ДАГАДОАГlИЙ ХЬОНА
    уйламугlар САПРАЛ МИКАЬИЛ

    Хьона кlай зизаш, лургда аз тахан
    Цlена халарахь, хьа дог.
    Гуйрена сагото кхийстайер селхан
    Вайца лувжаш майра ког.

    Цхьана юртахочу пандар локхаш,
    Гlайгlане илли оалаш дар.
    Амма вай гаьннара хьаьший санна,
    Седкъашта чуlийна бlарахьежаш дар.

    Дади а вар, ший фаьлгаш дувцаш,
    Бераш а гунахь ма кхесташ бар.
    lалам а латтар, хаоттам хувцаш,
    Нани а къайла данне бат лечкъаш яр.

    Дагадоагlий хьона вай хоза ханаш
    Малха санна лепаш, йар - Совди мо.
    Дицалургдац вайна а вай гlанаш,
    Хьа берален баьри вар со.

    Гlатта дlайодаш, латта вай гуйре,
    Вай дlайха денош човхадеш.
    Сома йаргйа сатессале lуйре,
    Тешаме бlаргашца латтаргйa беш.

    Гlермане, 01. Лайчил 2010
    Хlара дийнат ший меттал лувш, мискинг гlалгlа ший мотт боацаш кхувш...

  2. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  3. #2
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    ВАЙ БЕЗАМА ЗЕ
    уйламугlар САПРАЛ МИКАЬИЛ

    Са уйлаяздар, баьддерзаш латта,
    Дохк доалла денош хьаэттад.
    Ун-оалхазараш баьдеча санна,
    Шoай ткъамашца малх а, дlакъайлаб.

    Са велакъажар, са бlубеннар,
    Хувцаденнад са беркате цlа.
    lаьржа морхаш, са сигале къайла,
    Вода со тешаме зама йита.

    Зе долаш хилар, да тамашийна,
    Сона могац майрра lолувза ког.
    Вай безама догамаш тlа шод баь
    Oакъинга тарра духадира lа са дог.

    Кlурахь хьалбизза, латта са дуне,
    Иза дара хьона, хьа безамa зе.
    Амма шек йоацаш, йодаш я хьо
    Сайга хетт аз, безам хиннабий-те.

    Дукха везара, сий деш ма хулар,
    Хьа бlаргашка со моастагla вар.
    Хувцаденнад селханара къагар,
    Сох кхывола саг-м хургвар.

    Гlермане, 12. Лайчил 2010 шу

    уйлаяздар (да) - поэзия
    ун-оалхазараш (да) - птицы несчастья
    велакъажар (да) - улыбка
    бlубеннар (да) - устойчивость
    оакъинг (да) - стекло
    Хlара дийнат ший меттал лувш, мискинг гlалгlа ший мотт боацаш кхувш...

  4. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  5. #3
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    СО ВИТАЦ
    уйламугlар САПРАЛ МИКАЬИЛ

    Со витац сай мехка хоза ваха,
    Вода со Аьприке, ваха дlа.
    Ва нана, lа селлара хала са ма даха,
    Хьона эгlазваха, водац co дlа.

    Со витац сай лоаме а тlехьа лела,
    Кемаца ва водаш со Аьмрике дlа.
    Дуне - хьай доаца наькъаш хьадела,
    Гlалгlайче - lадика со ваьлар йийца.

    Дай гIалаш, са бlаргашка шо латта,
    Оаша лораву, оаша хьеставу.
    Укх наьха мехка, лелац co атта,
    Дог детталу, дего саготду.

    Дай лаьтташ дитад, юстардаьха,
    Гlермане, са таханара цlа.
    Варгвоацилга ховш да укхаза ваьха,
    Дунен тlа хул е аре е цlа.

    Гlермане, 08. Бекарг 2011 шу

    Аьприк (йa) - Африка
    Аьмрик (йа) - Америка
    Гlермане (йа) - Германия
    Хlара дийнат ший меттал лувш, мискинг гlалгlа ший мотт боацаш кхувш...

  6. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  7. #4
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    ГlАЛГlАЙ МОТТ
    уйламугlар САПРАЛ МИКАЬИЛ

    Аьрзена тlехьа кхе гlийрта
    Бовнах хиннар, вайна дикa хов.
    Наьха кулгашца баьккха нитт а,
    Боала геттара моарзалах сов.

    Эрсий мотт бувц дукхагlачара,
    Кlезига хеташ, цара даьра.
    Ховр, шорттига дицлуш латта,
    Жожагlате вага а дац атта.

    Эздел, гlулакх, яхь, вай сий,
    Хоарцаш латта, лоама чура бий.
    Хlара саго, шийна атто леха,
    Ва дарта, хьо сел чlоагlа ма lеха.

    Мохк ма битабац вайна - йов,
    Барт боацаш вахар а - дов.
    Дешаш довш латта - йайна фос,
    Гlалгlайчун куц а цун бос а.

    Лелаш ва меттаза, дукхa ховр,
    Баьречун кlалйиса тамашийна говр.
    Гlалгlай мотт ба, мерза модз,
    Вайна эшац наьха меттай цlодз.

    Бувцийтa эрсой - эрсий мотт,
    Хlирaшта бувцийта - хlирий мотт.
    Ингалса мотт - чаме a ба,
    Амма гlалгlай мотт - дукха мерзагlа ба.

    Гlермане, 14. Мангал 2011 шу

    дарта (да) - гриф
    фос (йa) - трофей
    дос (да) - дрова
    Хlара дийнат ший меттал лувш, мискинг гlалгlа ший мотт боацаш кхувш...

  8. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  9. #5
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    НАЬСАРЕРА БИЙСАШ
    уйламугlар САПРАЛ МИКАЬИЛ

    Бала боацаш санна, арабаьлар сигалбутт,
    Юххера а бийса тlакхача, йaр мелаш комарий мутт.
    Баьде урамашта тlагlолла, йодар наьса файтон,
    Къаьна воккхсаго, ондапхьар, йеттар ший гон.

    Юртий леторгаш йар, седкъаш мо, лепаш хоза.
    Болхбе йисте ца баьнна, кхестар геттара моза.
    Жlалеш lехар шоай мукъам, дlаболабаь,
    Наькъе баьнна нах болхар, шоай илли эйдаь.

    Дено lадика йийцай, ала-цlе цlаьскарца.
    Бовнаш бедаргаш шоай, чарахье кийча a йаь,
    Гlатта лелар уж, боадонца доттагlал лаьца,
    Етта а бар боагlаш миска, туллaбенна, эгlабаь.

    Гаьнаш латтар сатийна, дlатхьовса дагайолаш,
    Бос шоай lаьржача ювргlа кlал, дlалочкъабаь.
    Къонах вар, кхелах веха, къаракъ дика молаш,
    Нахах a балex а, ший хатар, во кlайладехьа.

    Бийсо ма дарра хьахьокха, ший говза кицаш.
    Наг-нагахьa, ураоттийташ, духьалйаьнна мосаш.
    Дара из хьалха, йора наха а, шоай бlеха куташ,
    Каст-каста, хaзар а, саго сага ший топ духье тохаш.

    Гlермане, 26. Мангал 2011 шу

    сигалбутт (ба, да) - луна
    мутт (йа) - сок
    ондапхьар (ва) - кузнец
    леторг (йа) - фонарь
    цlаьскар (дa) - заря
    Хlара дийнат ший меттал лувш, мискинг гlалгlа ший мотт боацаш кхувш...

  10. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  11. #6
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    ТАРСИЙ БЕШ
    уйламугlар САПРАЛ МИКАЬИЛ

    Цхьан хана ахдаьккха дог,
    дlакхаьлар, къа а ца хеташ.
    Цунах хlанз дукхачара хьог,
    ба багlаш, хала садетташ.

    Совдалац лаьтта цхьаненна,
    цо кхеву саг дунен тlа.
    Хьа сибат, да хувцаденна,
    ба тешаш къонгаш хlаьта а.

    Мичча хана, хьадала a мега,
    мерза дакъа, гlалгlай овла.
    Белаб хьона хlирий чlега,
    шо моастагlий дlа ма довла.

    Вешта нийслургва, со теш,
    солткъонах, майра волаш.
    Пlелг хьокаш, Tарсий тlа беш,
    цига даха вай ховшаргдолаш.

    Сога бахьанаш ма дувца,
    дагадоагlа шун Сибарена шело.
    Мерза хабар, дукхачара дувца,
    бакъда дувца шийдар, кхело.

    Гlермане, 28. Чантар 2011 шу
    Хlара дийнат ший меттал лувш, мискинг гlалгlа ший мотт боацаш кхувш...

  12. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  13. #7
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    ЯНДА МУГlАРАШ
    уйламугlар САПРАЛ МИКАЬИЛ

    Янда мугlараш хьо деша велча,
    Цара кlоарга маIан, хозале.
    Цун уйлаш - гlетта дода лаьча,
    Дlалоаца синош - мухале.

    Хьа мугlараш, хьа халкъа ганз,
    Йейзай сона дикка тахан.
    Хьа уйлах кхеташвоаца хlанз,
    Из йоацаш ваьхав селхан.

    Уйлакаьхаташ хьа, мерза модз,
    Цул мерзагlа хий мийнадац аз.
    Ший майрал хьокха гlерта бордз,
    Цун зовзал, зийнайац аз.

    Ва Джамлада, хьа дега оаз,
    Зама мел йода, йа хозаш.
    Бехка баккхац тахан вlалла аз,
    Вай меттай чама ва озаш.

    Гlермане, 25. Мутхьол 2012 шу
    Хlара дийнат ший меттал лувш, мискинг гlалгlа ший мотт боацаш кхувш...

  14. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  15. #8
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    ЛОАМАН РАЬГlЕ
    уйламугlар САПРАЛ МИКАЬИЛ

    Лоаман раьгlе, лоаман раьгlе
    Сона ма йовзза, йа са даьхе.
    Башлоамкорт а, Наьсаре а,
    Ма мерза хет сона шун буне.

    Даймехка фу, сигала малха,
    Сийрда уйла - са дега чу ма талха.
    Кхайкаде эгадеш лоамаш,
    Той отташ цlай дола хоамаш.

    Лоаман раьгlе, лоаман раьгlе
    Сона ма йовзза, йа са даьхе.
    Маьтлоам а, Яндаре а,
    Ма мерза хет сона шун дуне.

    Гlермане, 05. Аьтинг 2012 шу

    раьгlе (йa) - равнина
    Хlара дийнат ший меттал лувш, мискинг гlалгlа ший мотт боацаш кхувш...

  16. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  17. #9
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    ШИl ДУНЕ
    уйламугlар САПРАЛ МИКАЬИЛ

    Шиl дуне вlаший цхьан кхетаргдац,
    Цигара говзалаш йовзаш хургвац.
    Седкъаш лепаш хьа карa дадаргдац.
    Хийра дунен тlа, саг ваьха а вац.

    Наьха вахар тlалацa хьо ма гlерт,
    Сердалон лорабе ховха барт.
    Из хургбац леташ дуне мел латта,
    Безам отте, цу лепаташка хатта.

    Лочкъадергда хьуламаш lаламо,
    Сигалбетто ший сердало мо.
    Лаьттан хlайкал ма доаде, ва саг,
    Хургвац доагlаш хьо бера гlа даг.

    Даьржа седкъаш, сигален бай тlа,
    lехаваь, lовдал, хlалак ма дайтa.
    Ший дар вахаро цlаьхха дlадех,
    Дунеш, caтесса, lовдалаш лех.

    Гlермане, 09. Саькур 2013 шу
    Хlара дийнат ший меттал лувш, мискинг гlалгlа ший мотт боацаш кхувш...

  18. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

  19. #10
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    СA СИНА САТЕМ
    уйламугlар САПРАЛ МИКАЬИЛ

    Са сина сатем, са дега паргlато,
    Мичча йоайаьй аз, ха безам бар са.
    Дуне тlа даим оатто лехаш мо,
    Ма сиха дlадахар хьа хаоттама хаттар.

    Кхалхаш латта, хоза мелла дар,
    Гуйренца кхалхаш мо бунен лаьтта.
    Талхаш латта, дика мелла дар,
    Доаца ткъамашца хала-м да гlатта.

    Хьежаш, сабар деш, даиман,
    Мичча да уж сох лачкъа наькъаш.
    Тешаш хилар, хьa хоза иман a,
    Дика а во а хьa дегlа тlаlаткъаш.

    Амма хlаьта а, ха безам ба,
    Безам ба са сийрда ала a лаца.
    Миска нах, уж мелла дукха а ба,
    Дика саг, диканех, хьо ма харца.

    Гlермане, 20. Тушоли 2013 шу
    Хlара дийнат ший меттал лувш, мискинг гlалгlа ший мотт боацаш кхувш...

  20. 2 пользователей сказали cпасибо Sapral Mikail за это полезное сообщение:

    dt52 (22.06.2017),Фатима (01.07.2017)

Страница 1 из 4 123 ... ПоследняяПоследняя

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •