Обращение Чумакова Хамзата к автомобилистам
http://www.ingislam.ru
2012-03-17 12:32:08
Йоккхача саготтоно, г1айг1ано шуга ер кхайкарал дайт сога тахан. Вай доккха къам а ма дацар, xlapa caг эзарнена нийса а ма вар. Из иштта доллаше а, вай кегий нах лора луц. Зулам хьахинна даьлча "Даьла кхел я из!" аьле д1адерзаду вай. Бакъда: лелаш Даьла кхел йа-амма вай дицлуш цхьа лоарх1аме х1ама да: вайга, вай кхеллача Дала лорале йоах. Лора а ца луш, воашта хьахиннача зуламах укх дунен чухь 1азап а хулл вайна, т1аккха, Къиемата дийнахь, жоп дала а дезаргда, Доккха совг1ат да маьже ца эшаш дала денна дег1, цу чу дела са. Уйла елаш. Укх т1ехьарча ханашка машенашца авареш еш дукха нах байнаб вай. Машен ца йоаг1ача тайпара масса д1аалаьлла, хатар хьадаь, з1амсаг- шофер, Далла хьалхашка кхераме ва, зуламхо ва из. 1аьдало оттаяь наькъа бокъо йохаяь, хьовзам баь, зулам даь саг, шар1ано визза бехке ву. Къаьстта кхераме ва малар менна, е наркотик теха машена т1а а хайна, авари яьр. Дала лорадолда вай! Цу саго деш дола зулам з1анарах д1адода - дуккханешка кхоач. Иштта машен хаьхка саг вийнар, маьрша саг вийнарех ва.
Дала йоах вайга: Лаьттан т1ехь бохам баь воацаш мярша цхьа саг вийна саг деррига халкъ дийнача сага тара ва.
- Авари я ше валарал совг 1а, жожаг1атта вахар кхерам ба;
-Ший машенат1а ховша баьраш лозабу цо;
- Маьрша ший новкьа духьалвоаг1ар е вув цо,е лоза ву;
- Ший гаргарча наха: даьна, нанна, йижарашта, вежарашта бала бу;
Эздий саг сабаре водаш хул машенаца, шийх наха бехк баккхар кхераш.
Эздий воацачоа эхь мича хетт.
Аллах1о йоах вайга, Ший сийдола къуръана чохь: Даьлах кхералаш сабаре болачарца хнллалаш.
-Ва кегийнах! Машена ко хьабе деллача, Даьла ц1и а яьккха, сабарах ца дохаш д1алалла. Т1аккха Дала а лорадергда шо!
Дала иманаца сабар лолда шоана!
Дала зуламах лорадолда шо!