Страница 2 из 2 ПерваяПервая 12
Показано с 11 по 14 из 14

Тема: IV. ЙоIи Безамах Лаьца Иллеш

  1. #11
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    Хийра поацолг

    Еза со яхаш, Iа ма лейе,
    Поацолгаш ма кхахьа хьа.
    Са дог хьестадеш, ма тейе,
    Хабараш даьсса эшаш дац хьа.

    Хьайех баьри дото хеташ,
    Куро хьежаш тIа, ма лел.
    Овдала яц, я со дика кхеташ,
    Хийра волаш, со йолач ма вел.

    Сай дог долаш, я со зIамсаг,
    Со Iехае ма гIерта хьо.
    Я со эздий тайпан кхалсаг,
    ХIаьта мискачарах ва хьона хьо.

    Хьожаргьяц со корах ара,
    ГIоттаргьяц тайжа набарах яьнн.
    Сона хургвац хьох майра мара,
    Леларгва хьо даим гаьна.

    Дезац поацалгаш хьа ховха,
    Хьо а везац сона, дIагIо.
    Iехаш я юха дега довха,
    Де сона дац хьа а цхьаккха гIо.

    Номаче, 26. Нажгамсхой 2013 шу


    хийра - чуждая
    поацолг (да) - ромашка
    леде - обмануть
    теде - успокоить
    тайжа - спокойный
    довха (я) - улар
    Хlара дийнат ший меттал лувш, мискинг гlалгlа ший мотт боацаш кхувш...

  2. 1 пользователь сказал cпасибо Sapral Mikail за это полезное сообщение:

    dt52 (17.03.2013)

  3. #12
    Осваиваюсь
    Регистрация
    24.01.2011
    Сообщений
    237
    Поблагодарил(а)
    172
    Получено благодарностей: 53 (сообщений: 43).
    это как же хорошо надо знать ингушский язык....спасибо!

  4. 1 пользователь сказал cпасибо Фатима за это полезное сообщение:

    dt52 (17.03.2013)

  5. #13
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    Йода кхычунга маьре

    Йода, йода маьре кхычунга,
    Дог диссад са беша хьа.
    Хала елаш хьежа со цунга,
    Са бIаргашк латтар да сибат хьа.

    Везаш хиннар хьо ма вара,
    Хьона ма декар аз ховха иллеш.
    Вай дог-уйла цхьа тара,
    ХIанз сох хиннар я наьха неш.

    БIаьсти къиза дог са човхадеш,
    Кeрар ваккха хьо гIерташ дIа.
    Къайла дане бIаргахиш Iоадеш,
    Шорттига хеца веза хьо дIа.

    Йода, йода маьре кхычунга,
    Ма хала да из кхела ла.
    Безама дош ца оалаш сайчунг,
    Наьха везараца езаргья та.

    Зизаш матардоалаш, денош
    Ухаргда дог лаьгIадеш са.
    Коа са ловзаш дукха бераш,
    БIаргаш гуш хургда сона хьа.

    Номаче, 16. Мутхьол 2013 шу
    Хlара дийнат ший меттал лувш, мискинг гlалгlа ший мотт боацаш кхувш...

  6. 1 пользователь сказал cпасибо Sapral Mikail за это полезное сообщение:

    dt52 (17.03.2013)

  7. #14
    Осваиваюсь
    Регистрация
    10.10.2010
    Сообщений
    415
    Поблагодарил(а)
    32
    Получено благодарностей: 207 (сообщений: 156).
    Гуйрен фиан

    Фиан тIа бIаргатIадамаш легадеш,
    Ма къиза мукъам лерга кхета.
    Шортта бIаьстеш тешамац оаеш,
    ЦIен хозале тахан Iаьржа хета.

    Цун кхы йола теник еза хIанз,
    Безаман хьармакхаш сира йокъ.
    Укх вахараца хьо даиман Iаманз,
    Ма тешаме хиланзар мерза шокъ.

    Ва дог, ма хила сел кура, сонта,
    Ва дуне, ма хьежа сел унзаре.
    ДIахо яха нидз лохаргба аз,
    Дагаюхаргья цун юха а Наьсаре.

    Аз бутаргбац терканза бала,
    КIезига-дукха лаьгIалургба ала.
    Теник а хулац тикачар санна,
    Хинна бераш да вай, къаданна.

    Фиан тIа бIаргатIадамаш легадеш,
    Моажа чокхий сайна тIадийха.
    Дагах гуйрен сурташ юха а деш,
    Хьо цIаьхха безаме дагавийха.

    Номаче, 02. Аьтинг 2013 шу


    фиан (я) - фортепиано
    Хlара дийнат ший меттал лувш, мискинг гlалгlа ший мотт боацаш кхувш...

  8. 1 пользователь сказал cпасибо Sapral Mikail за это полезное сообщение:

    Ovod (02.06.2013)

Страница 2 из 2 ПерваяПервая 12

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •