Страница 4 из 4 ПерваяПервая ... 234
Показано с 31 по 38 из 38

Тема: СаIид Чахкиев

  1. #31
    Ветеран
    Регистрация
    06.04.2007
    Адрес
    столица Алании Магас
    Сообщений
    4,843
    Поблагодарил(а)
    0
    Получено благодарностей: 0 (сообщений: 0).

    Ответ: СаIид Чахкиев

    Вполне может быть.
    “Всевышний сотворил смерть и жизнь для того, чтобы испытать вас, кто будет лучшим в деяниях и поступках” (см. Св. Коран, 67:2)

  2. #32
    Завсегдатай форума
    Регистрация
    26.05.2005
    Адрес
    Владикавказ, Республика Ингушетия
    Сообщений
    4,209
    Поблагодарил(а)
    0
    Получено благодарностей: 1 (сообщений: 1).

    Ответ: СаIид Чахкиев

    Цитата Сообщение от Я_! Посмотреть сообщение
    Туржа1*

    Россе т1емлой
    Хьалха болаш,
    Х1ирий къот1аш
    Т1ехьа йолаш,
    Вай юрташка
    Чухьийлхар.
    Йоккхий топаш
    Корех етташ,
    Пулеметаш
    Коа чуетташ,
    Водар, воаг1ар
    Х1алаквир.

    Кхалнах, бераш
    Ц1ерал къувсаш,
    Наьха йиса
    Х1амаш къувсаш,
    Доккха туржа1
    Оттадир.
    Шовзткъа итт шу
    Доаккхаш, лелаш
    Даь ц1еношка
    Кхачар дезаш,
    Вай даьха дог
    Дохадир.

    Мух ба хьекхаш.
    1а т1адоаг1а.
    Ц1енош – даьга,
    Пенаш – хаьрца,
    Массанахьа –
    1аьржа к1урз*.
    Бувша, г1овта
    Фусам йоацаш,
    Кер хьалбиззал
    Даар доацаш,
    Миска г1алг1ай
    Г1ийла хьувз.

    Тахан моастаг1
    Ваьннав котта.
    Х1амма а дац,
    Айбе корта:
    Дала цунна
    Кхел ергья,
    Тешаш хила:
    Вай дегашта
    Молхаш хинна,
    Лаьтта бакъдар
    Оттаргда.

    • туржа1 – погром
    • к1урз – сажа, копоть
    выделил слова которые я раза с 5 тока понял, из-за их написания
    Мы не знаем страха
    Не боимся пули
    Нас ведет в атаку
    Храбрый Мерчуле!

    Пушки мы отбили
    Зарядом от души
    Ведь вся Россия знает
    Джигиты Ингуши!


    Гимн Дикой дивизии

  3. #33
    Уважаемый форумчанин Аватар для Menina
    Регистрация
    08.02.2012
    Сообщений
    1,838
    Поблагодарил(а)
    38
    Получено благодарностей: 93 (сообщений: 81).

    Ответ: СаIид Чахкиев

    В1ашаг1кхетар

    Садайнад, сигала к1ай седкъий къег,
    Лоаманче хьалйизза доагаш уж да.
    Сона хьо тховсара б1аргаго мег,
    Хьо ярга сатувсаш латташ со ва.

    Йоаг1аш я, йоаг1аш я, - зиза бе доалл, -
    Сона цох босхоза оалхазар хет.
    "Хьо маьрша йоаг1ийла", - цунга аз оал.
    "Со дукха гайрий-те?" - сога цо хетт.

    Ва, илли, декалахь!
    Цхьанна тхо латт,
    Тхо санна самукъа лувкхера бел.
    Вай безам, - из беций ираза хьаст, -
    Шедолча х1аманна й1овхал цо тел.

    "Ма хоза да седкъий", - сога цо йоах...
    Баьца т1а зизаш мо гуча уж дувл.
    Даима бахалба сийлахь вай мохк.
    Дог санна лоамашта юкъе из улл.

  4. #34
    Уважаемый форумчанин Аватар для Menina
    Регистрация
    08.02.2012
    Сообщений
    1,838
    Поблагодарил(а)
    38
    Получено благодарностей: 93 (сообщений: 81).

    Ответ: СаIид Чахкиев

    Нана

    Бера тара хет вай лаьтта,
    Ага илли ала.
    Бер мо делхаш гу вай лаьтта:
    - Нана, оарцаг1ъяла!

    Ч1оаг1а дац са ага, нана,
    Доал из деха дала.
    Ч1оаг1а дац са ага нана,
    Нана, оарцаг1ъяла!

    Сона ловзо седкъий дезар,
    Безар маьлха ала.
    Т1ема ала безац сона,
    Нана, оарцаг1ъяла!

    Бомбаш яда са ага т1а,
    Эхкаяц уж маьла.
    Бомбаш яда са ага т1а,
    Нана, оарцаг1ъяла!

    Кулгаш кхачац уж д1аяха,
    Низ бац юстардала.
    Г1овтта, ва нах, г1овтта, г1овтта,
    Шевар оарцаг1вала!

  5. #35
    Уважаемый форумчанин Аватар для Menina
    Регистрация
    08.02.2012
    Сообщений
    1,838
    Поблагодарил(а)
    38
    Получено благодарностей: 93 (сообщений: 81).

    Ответ: СаIид Чахкиев

    Дарц

    Б1оаг1а т1ехьа буташ б1оаг1а,
    Кхыча юртар тхо ц1адоаг1а.
    Мух ба хьекхаш,
    1аьржа,
    бирса.
    Кхерам бахьаш йоаг1а бийса.
    Оарц дац дала -
    шаьра аре -
    Сои, хьои, дарци мара.
    Цхьаькха новкъост вувца веза:
    Вайца цхьана ба са безам.
    Цо низ лургба вайна.
    Нагахь
    К1ал вай дусе, цхьанна сага
    Дулургдоацар дерг ма да аз,
    Ца1 бакъдале бакъ ма да из.
    Сога йоаг1аргья 1а оале,
    Г1ертаргва со, ца йовш г1ойле.
    Даргдац 1алам соца къийса.
    Укх кулгашца 1аьржа бийса
    Айергья аз ферта* санна.
    Оттаргва со т1о карт хинна
    Ара,
    кхехкача цу лайла,
    Сай дег1аца дарц д1акъайла.
    Дего йошаергья шелал.
    "Баркал.
    Сона довз хьа денал.
    Кхычоа деннад аз сай дог".
    Йо1о майрра,
    ела а енна,
    Лайзар дарцийла ший ког.

  6. #36
    Уважаемый форумчанин Аватар для Menina
    Регистрация
    08.02.2012
    Сообщений
    1,838
    Поблагодарил(а)
    38
    Получено благодарностей: 93 (сообщений: 81).

    Ответ: СаIид Чахкиев

    Г1адвахар

    - Моаршал хьога, са лоалахо!
    Хьо мичара воаг1а?
    - Вам-м городер ма воаг1ар со,
    К1аьдвеннав-кха ч1оаг1а.

    - Воаг1а ях 1а, о, ма дика
    Болх ба в1ашаг1кхийтта.
    Дувцал даьллахь, фу дар цига,
    Город йолча йий-те?

    Къамаьл дар-кх цкъа арадаьнна
    Ц1а чухаьрцад, яхаш.
    Цхьа автобус яьгай йоахар,
    Дукха нах чубаг1аш.

    Ц1ермашино, новкъар яьнна,
    Доадаьд, йоахар доахан.
    Городера доккхаг1дола
    Т1ий а хаьрцад йоахар.

    Бакъдий-хьог1 из? Дувцал даьллахь,
    Фу дар цига керда?
    - Город яр-кх ма ярра къегаш,
    Яьнна ч1оаг1а эрга.

    Хьона а гургба-кх цун из хувцам,
    Хьо городе кхоаче.
    - Ай, кхы х1ама дац хьа дувца?
    - Беций хьона кхоачам?

    Х1а-х1а, да даьр: базар юххе
    Тика йий цхьа йоккха?
    Цу чу балха хинна Ахьмад
    Д1аваьккхав-м, йоах, соахке.

    - Ваьккхав ях 1а?!
    О, ма боккха
    Кхаа ба 1а бенар!
    Воше, маьл ба-кх хьона согар.
    Х1ан са меттадера.

    - Сона-м из... во ва оалаш
    Хеза ма дац ц1аккха...
    - Во ва?
    Да валла хьакхийца из вовзачун,
    Дика хетт-кх д1аваьккха!

  7. #37
    Уважаемый форумчанин Аватар для Menina
    Регистрация
    08.02.2012
    Сообщений
    1,838
    Поблагодарил(а)
    38
    Получено благодарностей: 93 (сообщений: 81).

    Ответ: СаIид Чахкиев

    Седкъий дог1а

    Г1анахь дайра,
    Делхаш ч1оаг1а,
    Делхаш дайра
    Седкъий дог1а.
    Бутт хьакъердар
    К1ай циск санна,
    Когаш берзан
    Лаьтта ваьнна,
    Удаш вар со,
    Бер мо велаш.
    Дошо марса
    Таралесташ,
    Села1ад дар
    Сигла доагаш.
    Делхаш латтар
    Седкъий дог1а.
    Седкъий дог1а,
    Седкъий дог1а!
    Дагадоацаш
    Ваьлар сома,
    Цхьанне оалаш
    Хезар сона:
    «Делла кораш!
    Тахан кхы а
    Бенаб Москвер
    Керда кхаа».
    Даьхен тешам
    Дег чу болаш,
    Кхоъ ва цхьана
    Кема лоаллаш.
    Кхы а массаг1
    Бада г1ерташ,
    Аьшкан ды ба
    Баргаш детташ.
    Сийгаш д1аух
    Масса оаг1ор,
    Делхаш мо хет
    Седкъий дог1а.
    Седкъий дог1а,
    Седкъий дог1а!

  8. #38
    Уважаемый форумчанин Аватар для Menina
    Регистрация
    08.02.2012
    Сообщений
    1,838
    Поблагодарил(а)
    38
    Получено благодарностей: 93 (сообщений: 81).

    Ответ: СаIид Чахкиев

    1уйранара сурт

    Цхьанне ц1и сог лоама дехьа,
    Бийса бийца яьннай фаьлг.
    Цхьанне, ваха, анаюхе
    Кхессаб ц1ийбаь аьшка саьрг.

    Цхьанне, малх, ший меттар боахаш,
    Пишка чура аратетт.
    Наб д1айовнза латта лоамаш,
    Нажарг йолаш санна хет.

    Сийна фо латт боалий беша,
    Балха арабаьннаб нах.
    Нажарга т1ар 1о а бежа,
    Сигла бахар ахкан малх.

    Из яр са во1 когаш ваха 1уйре.

Страница 4 из 4 ПерваяПервая ... 234

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •