Х1АНАД ВА ТЕ Г1АЛГ1АЧОА ШИЙ МОТТ ЦА БЕЗАЛГА?Цхьаккха а тейпа цул доккха х1ама адамашца гаргалол лелаеча доацалга;
Цхьаккха а тейпа шийх деча доккхалах вашаш волча сага шийх доккхал дейта доккаг1а х1ама доацалга хайча;
Цхьаккха а тайпа цул доккха х1ама сина кхача эшача оарцг1дала доацалга хейча;
Цхьаккха а тейпа шийл дукхаг1а кхы доацаш масса а х1ама цунца мара доацалга хайча;
Цхаккха а тейпа шийца нийсде йиш йоаца х1анззалца хир ца хадаш хьадена ший фу дебара юхьиг цунца йолга хайча;
Цхьаккха а тейпа къаьдъялар фуд ховш йоаца моастаг1ашта мехкаяьча эг1азала са а, онк, а низ а цунца ханналга хайча;
Цхьаккха а тейпа доаццача беса цун х1ара дош г1омара хоанах тайша таш хьахулаш санна ц1аккъа дагар а йулалугйоацча й1аьххача ха-замах хьувш, тувсаш, лутташ хьаханна долга хайча;
Цхьаккха а тейпа ханнайоацача шийна езача йи1ий курача дегага бода никъ къовла-боаста цун бочача лерга са хьаста цунга мел торо я хейча;
Цхьаккха а тейпа хала йиш йоаца ябакха зурма укх дуненах хуле а, шийчул мерза 1имад хулаш йоацалга цун хайча;
Цхьаккха а тейпа са а чот йоацаш ме болча кхы д1axa бараш дувцар m1уpuлг хета тарлой а, ший мул а оахаш д1aвaxa цун хейча (ваха а лейча!), 1ергвацар хьона из цох ца вашаш.
ЯНДНАЬКЪАН Мувса