Малха илли
Малх хьалкхета г1озабьнна*
Ц1ена уйлаш сома йоахаш.
Лоамаш латта г1озадаьнна,
Нускалаш мо, хозал гойташ.
Баркал хьона хилда,
Лир* доага дошо малх.
Хьа низ в1алла г1ел ма лолба,
Массанега кхоача малх.
Хьожаш, г1отташ хьо бецаре
Дуне баьде латтаргдара.
Вахар дийнаде хьо бецаре
Лаьтта даькъаза* хургдара.
Баркал хьона хилда,
Лир доага дошо малх.
Хьа низ в1алла г1ел ма лолба,
Массанега кхоача малх.
Хьа 1уйрено сома ца доаккхаш
Зунгат*, баскилг*, к1ормац* дий-те.
Хьа й1овхалга са ца тосаш
Лаьтта адам лелаш дий-те.
Баркал хьона хилда,
Лир доага дошо малх.
Хьа низ в1алла г1ел ма лолба,
Массанега кхоача малх.
• Г1оздала – обрадоваться
• Лир- сияние, луч
• Даькъаза – несчастный, жалкий, несчастливый, обездоленный
• Зунгат – муравей
• Баскилг – кузнечик
• К1ормац - бабочка