Показано с 1 по 5 из 5

Тема: Горчханов Бадрудин

  1. #1
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Горчханов Бадрудин

    Горчханов Бадрудин
    Г1АЛГ1АЙ МОТТИ ЭРСИЙ МОТТИ

    Тхьайсача сага гуш дола г1анаш тайп-тайпара хул. Унзара, тамашне, мерза. Х1анз укхаза дувцаргдар малаг1чарех да со ховш вац...
    Цхьа йоккха зал я. Цу чу хьачубовл, мичара боаг1а ца ховш, ц1аьхха гучабайна Беканаькъан Дордаг1а Темботи Малсаганаькъан Кураза Зоврбики.
    — 1уйра дика хийла шун! — оал царна духьалвенача цхьан з1амсага. — Аз шо дийхад цхьа тамашне сурт шоана б1аргадайта. 1оховшал укх креслашка.
    Зоврбики Темботи 1ОХОВШ. Царна юххе IOXOB з1амига саг. Лоталу духьала йоалла йоккха экран. Цу т1а гуш да сурт:
    Цхьаннахьа коридора чу ши къонах латт. Ца1 йиза, йийхьа(1) юхьмараж а йолаш, карчано, хьоаналах къегаш, бордаш долаш ва. Лакхера шеро белаж а, лохера, ондо(2) 1одезденна латта т1ангар(3) а, чукъовлаш, ц1енна, х1атта маьха(4) к1алхара иккха, т1аг1олла сийг удаш йола пиджак ювх цунна. Хьоара хьокхам(5) санна сайса йола кхакхак1ийле йийхка даьре галстук йоалл. Дерстача п1елгашта юкъе йоаллача г1аьленах, ч1ораках(6) хьувзаш, к1ур хьалъух тховнагахьа.
    Экрана б1арахьежаш а ваьг1е, экххийта оал Зоврбика з1амсагага:
    — Из малав?
    — Из т1авена хьаьша ва. Вайцига вола дукха ха а я, — жоп лу з1амсага.
    — Ц1и фуй цун?
    — Эрсий Мотт яхаш ва из.
    — 1а боккъала ях? — цецвоал Зоврбик. — Хьажал мел верстав, бедара мел шаьрвеннав. Ма г1ийла а биркъе(7) а вар из вай мехка тхьоврача хана, — йоах цо Темботага.
    Шоллаг1вола экрана т1а гойта къонах ва г1ийла, вокъавенна, баламах фоарт а лета. Г1оз чкъорамбаьнна элтара(8) кий тулл цунна. Когаш т1а турсаш(9) техкаш нахьара(10) маьчеш ювх, чкъорамъяьнна ларбакъаш(11) йолча пезгаш т1аг1олла. Чулийга б1аргаш, моцалах санна, къегаш да. Юкъах т1ехкар хьерч, шалта улл. Шалта ботт(12) бохарах, бетта бухье хьажк1а тум йоалл.
    — Биркъе вар фу баьри ва-те? — юха а з1амсагагахьа д1аверз Зоврбик.
    — Из шоана дагаваг1аций? — жоп лу з1амсаго. Шун къаьна доттаг1а ма вий из.
    — Сона хьагур гla деце, из чкъормаяьнна кий туллаш вар Г1алг1ай Мотт ва, — оал Тембота.
    — Ай, даьра, хургвац-кх!
    — Ва, — жоп лу з1амсага.
    — Цхьа кховзткъа шу хьалхаг1а-м петара маьша(13) чокхи а дувхаш, гошта юкъера д1алелхача дын т1а а ваг1аш, дег1ах-кепах тоавенна «т1ах» аьнна, з1амсаг ма варий из. Бакъдий ер вайна гушдар, Тембот?
    — Бакъдеце тамаш а я, бакъдале боккха тийшаболх а ба, — оал Тембота ч1оаг1а раьза воацаш.
    — Аи фу даьд вайна, ва Тембот? — хетт Зоврбика ший новкьостага. — Фу даьд цу Г1алг1ай Метта?
    — Со эг1аваьвеце, сона хьагур гla деце, цу д1арча т1ангар долчо вай доттаг1чун багара сискал яьккхай.
    — Сискал яьккха а витавац из-м! Из-м вайхав, ваьцав, аьчав!
    Д1ахо экрана т1арча сурташка хьожаш ба Темботи Зовр¬бики. Коридора чу лаьтта верста къонах д1ат1авода г1ийлачунна.
    — XIa-a-а! Марша воаг1алва, марша! — йоах Эрсий Метто, еррига чухьара махьараш а т1ехь екача г1араца ч1оагг1а.
    Кулг кховдаду цо Г1алг1ай Меттага. Вокхо халла, увзалуш, лоарх1а ца веш юхакховдаду кулг.
    — Миштад хьа вахар-Iep? Лелалой? — хетт верстачо.
    — Вахар в1алла да а дац, — йоах вокхо. — Сона хьат1ахьежача гуш да шедар.
    — Фу даьд?
    — Сога хьалуш цхьаккха болх бац. Ишколе со везац, редакцешка со везац, телевидене со везац. Х1аьта кхыйола учрежденеш, предприятеш ювца а мича эш. Цига со аьттехьа а витац. Фос(14) ежай согара. Фос ежай. Хьа г1улакхаш-м во дац, х1аьта хьагучох.
    — Согара хьал хилда вай везачунна. Са массанеца хьоашал да. Тоалуш мара талхаш х1ама а дац.
    — Са хьакъ(15) да-кх 1а дуар, — оал г1ийлачо верстачунга.
    — Э-э-э, воше, — г1ийлачун баламах т1оамар(16) тох верстачо. — Хьо моргаш х1анз сага эшаш бац. Когашкахьа юхадаьннад хьа г1улакх. Со массанена эш. Х1аьта хьо фуй? Тиша хулчи(17). Зама яха яла йоалл хьа...
    Юхег1олла т1ехвоалаш Хьаким соц Эрсий Метта юххе. Цунга кулг деле, хаттар-т1екъар дий д1авода Хьаким. Студент воаг1а т1аккха. Из а верстачунна марх1аэккх. Судахо воаг1а. Цо а верстачун зерат ду. Хьехархо воаг1а. Из а ги эккхал верстачунна т1аветталуш ва. Г1алг1ай Мотт цхьанна саго теркалвац. Apгla йоацача хьоалчаг1 т1а нийсвенна цхьаь хьашьа санна г1ийла латт Г1алг1ай Мотт. Догийша, ший т1ехкарах улла шалта беттара увзаш, мочхалаш хьеду цо.
    Ц1аьхха гучаэккх диъ шу даьнна хургвола к1аьнк. Шерра кулгаш доаржадий, велакъеже к1аьнка духьалволалу Г1алг1ай Мотт.
    — Воти, ва воти! Фаьлг бувца сона! — аьле Г1алг1ай Метта марх1аэккх к!аьнк.
    - Вотена воахаве хьо, са к1аьнк! — айвий марх1аволл из Г1алг1ай Метто.
    Верстачо батах п1елг 1отт к1аьнка.
    — Сабарде 1а, школе ваха везаций хьа. Т1аккха-м са карадоаг1аргда хьо, хьазилг, — хьест к1аьнк Эрсий Метто.
    К1аьнко бат хьувзаю.
    Лаккха кхыдола сурт отт экрана т1а. Цу т1а гуш да арахьа д1адийна кха. Къамаьл деш ба совхоза директори тележурналисти.
    — Ер фуд? — хетт Зоврбика шоай з1амсагага.
    — Ер телевидене кхаш тlapa репортажеш я, — жоп лу вокхо.
    Кхоккхе а ладувг1а ховш.
    Совхоза директор ва къамаьл деш: «Соахка шера урожай плохо убрать дир оаха, семенаш во яр. Х1анз озимый ялат засеять даь даьннад тхо. Йисача пахота т1а бароновани еш да тхо».
    — Фу мотт ба цо бувцар? — эккх Зоврбикага.
    — Г1уртаг1алг1ай мотт ба-кх, — йоах Тембота.
    — Х1анз вайнаьха меттел даккхал цо дийцар, хьай в1ашт1ехьдоале, — оал Зоврбика з1амсагага.
    — Соахка д1адийнача ялата фу во дар, цудухьа из эсала хьийкъар. Х1анз 1ан к1ал дув ялат д1адийна даьнна, дисача оахам т1а макхаш доахаш да тхо, — йоах цо, — оал з1амсага.
    — Даьра дац къамаьл цхьа талмач воацаш кхетадергдолаш, — йистхул Тембот.
    — Дика кхетаду. Массане х1анз бувцар из тайпа мотт ба, — оал з1амсага.
    — Воте, волел хьадал укх шера арадаьнна г1алг1ай книжкаш, газеташ, журналаш, — оал Тембота з1амсагага.
    — Г1алг1ай меттала книжка ара ца доала пхи шу да. Журналаш сеца пхи шу да. Шоана дезе эрсий меттала арадувла «Сердало» дахьаргда аз шоана.
    Зоврбики Темботи шоайла в1аши б1арахьож.
    — Фу хет хьона укх положенех, Зоврбик? — хетт Тембота.
    — «Сердалонна» боад кхийттай. «Лоаман 1уйренах» бийса хиннай. Вай са мел тийсачох г1аж теха вирнахча яьй акхар. Фу ду вай, Тембот?
    — Укх мехка мел бола боаккхий нахи кагий бераши хьав1ашаг1 а теха, лоам хьалдолх вай, вайца из Г1алг1ай Мотт ваьккха. Укх шаьрача сов б1ехденнад ер.
    — Сов бакъда, волле!
    Зоврбики Темботи г1овтт.

    1 Йийхьа – рахлый, плодородный
    2 Онда – упитанный, крепкий, рослый
    3 Т1ангар – пузо, брюхо
    4 Маьха - ценный
    5Хьокхам – показатель, пример, образец
    6 Ч1орак – баранка, бублик, сушка, крендель
    7 Биркъа - неопрятный
    8 Элтара - каракулевый
    9 Турс – 1.щит; 2.обшивка кожаная (обуви); 3.род небольшого дерева крепкой породы
    10 Нахьара – кожаный, кожевенный
    11 Ларбакх - голенище
    12 Ботт – футляр, чехол, конверт, ножны, переплет
    13 Маьша - суконный
    14 Фос – трофей, добыча
    15 Хьакъ – долг, обязанность, труд
    16 Т1оамар – лапа медвежья
    17 Хулчи – горная обувь (ременные лапти), чувяки с плетеной подошвой

    P.S. По-настоящему сноски делать не получается).

  2. #2
    Уважаемый форумчанин
    Регистрация
    14.11.2007
    Сообщений
    2,288
    Поблагодарил(а)
    42
    Получено благодарностей: 72 (сообщений: 45).

    Ответ: Ер дувцара хоза хет сона)

    Онда – упитанный, крепкий, рослый
    Т1ангар – пузо, брюхо

    Е щи дош г1алг1аж в1алла олаш хозац сун. Нохчеж ол Онда стаг хила из. Т1ингар ол.
    Вей ТЕННА саг ва из аьн хьову из му вола саг. Е ВЕРСТА ва из ол...
    Т1АНГАР меттал вей е ЧИ ол е ГЯГ ол...

    Уж дошаж вей да?
    Жоп лел суг са йиш (Воша)

  3. #3
    Новичок
    Регистрация
    05.01.2007
    Сообщений
    3
    Поблагодарил(а)
    0
    Получено благодарностей: 0 (сообщений: 0).

    Ответ: Ер дувцара хоза хет сона)

    Цитата Сообщение от Я_! Посмотреть сообщение
    Горчханов Бадрудин
    Г1АЛГ1АЙ МОТТИ ЭРСИЙ МОТТИ

    Тхьайсача сага гуш дола г1анаш тайп-тайпара хул. Унзара, тамашне, мерза. Х1анз укхаза дувцаргдар малаг1чарех да со ховш вац...
    Цхьа йоккха зал я. Цу чу хьачубовл, мичара боаг1а ца ховш, ц1аьхха гучабайна Беканаькъан Дордаг1а Темботи Малсаганаькъан Кураза Зоврбики.
    — 1уйра дика хийла шун! — оал царна духьалвенача цхьан з1амсага. — Аз шо дийхад цхьа тамашне сурт шоана б1аргадайта. 1оховшал укх креслашка.
    Зоврбики Темботи 1ОХОВШ. Царна юххе IOXOB з1амига саг. Лоталу духьала йоалла йоккха экран. Цу т1а гуш да сурт:
    Цхьаннахьа коридора чу ши къонах латт. Ца1 йиза, йийхьа(1) юхьмараж а йолаш, карчано, хьоаналах къегаш, бордаш долаш ва. Лакхера шеро белаж а, лохера, ондо(2) 1одезденна латта т1ангар(3) а, чукъовлаш, ц1енна, х1атта маьха(4) к1алхара иккха, т1аг1олла сийг удаш йола пиджак ювх цунна. Хьоара хьокхам(5) санна сайса йола кхакхак1ийле йийхка даьре галстук йоалл. Дерстача п1елгашта юкъе йоаллача г1аьленах, ч1ораках(6) хьувзаш, к1ур хьалъух тховнагахьа.
    Экрана б1арахьежаш а ваьг1е, экххийта оал Зоврбика з1амсагага:
    — Из малав?
    — Из т1авена хьаьша ва. Вайцига вола дукха ха а я, — жоп лу з1амсага.
    — Ц1и фуй цун?
    — Эрсий Мотт яхаш ва из.
    — 1а боккъала ях? — цецвоал Зоврбик. — Хьажал мел верстав, бедара мел шаьрвеннав. Ма г1ийла а биркъе(7) а вар из вай мехка тхьоврача хана, — йоах цо Темботага.
    Шоллаг1вола экрана т1а гойта къонах ва г1ийла, вокъавенна, баламах фоарт а лета. Г1оз чкъорамбаьнна элтара(8) кий тулл цунна. Когаш т1а турсаш(9) техкаш нахьара(10) маьчеш ювх, чкъорамъяьнна ларбакъаш(11) йолча пезгаш т1аг1олла. Чулийга б1аргаш, моцалах санна, къегаш да. Юкъах т1ехкар хьерч, шалта улл. Шалта ботт(12) бохарах, бетта бухье хьажк1а тум йоалл.
    — Биркъе вар фу баьри ва-те? — юха а з1амсагагахьа д1аверз Зоврбик.
    — Из шоана дагаваг1аций? — жоп лу з1амсаго. Шун къаьна доттаг1а ма вий из.
    — Сона хьагур гla деце, из чкъормаяьнна кий туллаш вар Г1алг1ай Мотт ва, — оал Тембота.
    — Ай, даьра, хургвац-кх!
    — Ва, — жоп лу з1амсага.
    — Цхьа кховзткъа шу хьалхаг1а-м петара маьша(13) чокхи а дувхаш, гошта юкъера д1алелхача дын т1а а ваг1аш, дег1ах-кепах тоавенна «т1ах» аьнна, з1амсаг ма варий из. Бакъдий ер вайна гушдар, Тембот?
    — Бакъдеце тамаш а я, бакъдале боккха тийшаболх а ба, — оал Тембота ч1оаг1а раьза воацаш.
    — Аи фу даьд вайна, ва Тембот? — хетт Зоврбика ший новкьостага. — Фу даьд цу Г1алг1ай Метта?
    — Со эг1аваьвеце, сона хьагур гla деце, цу д1арча т1ангар долчо вай доттаг1чун багара сискал яьккхай.
    — Сискал яьккха а витавац из-м! Из-м вайхав, ваьцав, аьчав!
    Д1ахо экрана т1арча сурташка хьожаш ба Темботи Зовр¬бики. Коридора чу лаьтта верста къонах д1ат1авода г1ийлачунна.
    — XIa-a-а! Марша воаг1алва, марша! — йоах Эрсий Метто, еррига чухьара махьараш а т1ехь екача г1араца ч1оагг1а.
    Кулг кховдаду цо Г1алг1ай Меттага. Вокхо халла, увзалуш, лоарх1а ца веш юхакховдаду кулг.
    — Миштад хьа вахар-Iep? Лелалой? — хетт верстачо.
    — Вахар в1алла да а дац, — йоах вокхо. — Сона хьат1ахьежача гуш да шедар.
    — Фу даьд?
    — Сога хьалуш цхьаккха болх бац. Ишколе со везац, редакцешка со везац, телевидене со везац. Х1аьта кхыйола учрежденеш, предприятеш ювца а мича эш. Цига со аьттехьа а витац. Фос(14) ежай согара. Фос ежай. Хьа г1улакхаш-м во дац, х1аьта хьагучох.
    — Согара хьал хилда вай везачунна. Са массанеца хьоашал да. Тоалуш мара талхаш х1ама а дац.
    — Са хьакъ(15) да-кх 1а дуар, — оал г1ийлачо верстачунга.
    — Э-э-э, воше, — г1ийлачун баламах т1оамар(16) тох верстачо. — Хьо моргаш х1анз сага эшаш бац. Когашкахьа юхадаьннад хьа г1улакх. Со массанена эш. Х1аьта хьо фуй? Тиша хулчи(17). Зама яха яла йоалл хьа...
    Юхег1олла т1ехвоалаш Хьаким соц Эрсий Метта юххе. Цунга кулг деле, хаттар-т1екъар дий д1авода Хьаким. Студент воаг1а т1аккха. Из а верстачунна марх1аэккх. Судахо воаг1а. Цо а верстачун зерат ду. Хьехархо воаг1а. Из а ги эккхал верстачунна т1аветталуш ва. Г1алг1ай Мотт цхьанна саго теркалвац. Apгla йоацача хьоалчаг1 т1а нийсвенна цхьаь хьашьа санна г1ийла латт Г1алг1ай Мотт. Догийша, ший т1ехкарах улла шалта беттара увзаш, мочхалаш хьеду цо.
    Ц1аьхха гучаэккх диъ шу даьнна хургвола к1аьнк. Шерра кулгаш доаржадий, велакъеже к1аьнка духьалволалу Г1алг1ай Мотт.
    — Воти, ва воти! Фаьлг бувца сона! — аьле Г1алг1ай Метта марх1аэккх к!аьнк.
    - Вотена воахаве хьо, са к1аьнк! — айвий марх1аволл из Г1алг1ай Метто.
    Верстачо батах п1елг 1отт к1аьнка.
    — Сабарде 1а, школе ваха везаций хьа. Т1аккха-м са карадоаг1аргда хьо, хьазилг, — хьест к1аьнк Эрсий Метто.
    К1аьнко бат хьувзаю.
    Лаккха кхыдола сурт отт экрана т1а. Цу т1а гуш да арахьа д1адийна кха. Къамаьл деш ба совхоза директори тележурналисти.
    — Ер фуд? — хетт Зоврбика шоай з1амсагага.
    — Ер телевидене кхаш тlapa репортажеш я, — жоп лу вокхо.
    Кхоккхе а ладувг1а ховш.
    Совхоза директор ва къамаьл деш: «Соахка шера урожай плохо убрать дир оаха, семенаш во яр. Х1анз озимый ялат засеять даь даьннад тхо. Йисача пахота т1а бароновани еш да тхо».
    — Фу мотт ба цо бувцар? — эккх Зоврбикага.
    — Г1уртаг1алг1ай мотт ба-кх, — йоах Тембота.
    — Х1анз вайнаьха меттел даккхал цо дийцар, хьай в1ашт1ехьдоале, — оал Зоврбика з1амсагага.
    — Соахка д1адийнача ялата фу во дар, цудухьа из эсала хьийкъар. Х1анз 1ан к1ал дув ялат д1адийна даьнна, дисача оахам т1а макхаш доахаш да тхо, — йоах цо, — оал з1амсага.
    — Даьра дац къамаьл цхьа талмач воацаш кхетадергдолаш, — йистхул Тембот.
    — Дика кхетаду. Массане х1анз бувцар из тайпа мотт ба, — оал з1амсага.
    — Воте, волел хьадал укх шера арадаьнна г1алг1ай книжкаш, газеташ, журналаш, — оал Тембота з1амсагага.
    — Г1алг1ай меттала книжка ара ца доала пхи шу да. Журналаш сеца пхи шу да. Шоана дезе эрсий меттала арадувла «Сердало» дахьаргда аз шоана.
    Зоврбики Темботи шоайла в1аши б1арахьож.
    — Фу хет хьона укх положенех, Зоврбик? — хетт Тембота.
    — «Сердалонна» боад кхийттай. «Лоаман 1уйренах» бийса хиннай. Вай са мел тийсачох г1аж теха вирнахча яьй акхар. Фу ду вай, Тембот?
    — Укх мехка мел бола боаккхий нахи кагий бераши хьав1ашаг1 а теха, лоам хьалдолх вай, вайца из Г1алг1ай Мотт ваьккха. Укх шаьрача сов б1ехденнад ер.
    — Сов бакъда, волле!
    Зоврбики Темботи г1овтт.

    1 Йийхьа – рахлый, плодородный
    2 Онда – упитанный, крепкий, рослый
    3 Т1ангар – пузо, брюхо
    4 Маьха - ценный
    5Хьокхам – показатель, пример, образец
    6 Ч1орак – баранка, бублик, сушка, крендель
    7 Биркъа - неопрятный
    8 Элтара - каракулевый
    9 Турс – 1.щит; 2.обшивка кожаная (обуви); 3.род небольшого дерева крепкой породы
    10 Нахьара – кожаный, кожевенный
    11 Ларбакх - голенище
    12 Ботт – футляр, чехол, конверт, ножны, переплет
    13 Маьша - суконный
    14 Фос – трофей, добыча
    15 Хьакъ – долг, обязанность, труд
    16 Т1оамар – лапа медвежья
    17 Хулчи – горная обувь (ременные лапти), чувяки с плетеной подошвой

    P.S. По-настоящему сноски делать не получается).

    Ма чам болаш дийшар аз ер))

  4. #4
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Ер дувцара хоза хет сона)

    Цитата Сообщение от 06RUS Посмотреть сообщение
    Онда – упитанный, крепкий, рослый
    Т1ангар – пузо, брюхо

    Е щи дош г1алг1аж в1алла олаш хозац сун. Нохчеж ол Онда стаг хила из. Т1ингар ол.
    Вей ТЕННА саг ва из аьн хьову из му вола саг. Е ВЕРСТА ва из ол...
    Т1АНГАР меттал вей е ЧИ ол е ГЯГ ол...

    Уж дошаж вей да?
    Жоп лел суг са йиш (Воша)
    Уж вей дешаж да а аьнна хет сона. Дувцара автор а г1алг1а ва, г1алг1а-эрсий дошлорга чу а долаш да уж дешаж.
    Ммм.. со йиша я)

  5. #5
    Осваиваюсь
    Регистрация
    26.08.2007
    Адрес
    redant
    Сообщений
    454
    Поблагодарил(а)
    0
    Получено благодарностей: 1 (сообщений: 1).

    Ответ: Ер дувцара хоза хет сона)

    Цитата Сообщение от 06RUS Посмотреть сообщение
    Т1АНГАР меттал вей е ЧИ ол е ГЯГ ол...
    Насколько я поняла,"Я_!" писала слово "т1ангар" в пренебрежительном смысле этого слова - брюхо,пузо ,мякина и т.д. А "че"-это по -ингушски -живот. " Гийг" - желудок. Думаю,что "Я_!" права... Интересно,а что скажет по этому поводу Темаркъ ?
    Темаркъ-сан ,Вы, где ?:)
    П.С. Кстати,прочитав слово "ботт"-футляр,чехол и т.д ,сразу вспомнила,как в детстве бабушка называла "б1арсянботт" - футляр для очков.Сегодня все говорят просто "футляр".Пару лет назад ещё читала,кажется в детском иллюстрированном журнале для детей на инг.яз,что "ромашка" по- ингушски будет "боарбыльг".Мою прапрабабушку по матери именно так и звали,а тогда ,в детстве,когда нам бабушка перечисляла имена своих предков ,мы хохотали ,особенно я ,именно над этим именем и говорила:"Ну и имена !" Правда,тогда никто и не объяснял,что это цветок. А может и не знали...:)

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •