Сона лов
Хье Г1алг1а халарна догг1оза веце,
Валар хьа валар хьа эзделца деце,
Барт беча наькъашца хьа оаг1ув беце,
Дер-дутар фуд, яхаж, хьо къердаш веце,
доаг1адда мычара,алал 1а, доацар,
Сийрда ц1и кхаба 1а лоаттадеш доацар.
Къонахчун са дале детталуш дег чу,
Дег1 кхаба ц1ий дале, ц1е долаш пхаьнчу,
Эзделах баь бале, г1а боаха корта,
Эшшача халкъана хьо вале г1орта,
Лелхарах уж лоамаш, ди кхейкаш дарах,
Вохагвац хьо ц1аккха. Ховш ваха халахь.
Торинаткъан Бахьауддин