Страница 7 из 7 ПерваяПервая ... 567
Показано с 61 по 67 из 67

Тема: Яндиев Джамалдин (Янднаькъан Хамарзий Джамалда)

  1. #61
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)

    Б1аьсти

    Яда лепаш
    Й1аьха ареш,
    Латт гаьнаш
    Техка даьреш.
    Хьувз уж колхозий
    Г1оза готаш,
    Хоз оалхазарий
    Хоза оазаш.
    Тха хоза б1аьсти,
    Йоаг1а хьо тхо хьаьсте.

  2. #62
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)

    1уйре

    Кхайкора иллача мо бос байна,
    Лакхбенна, шорта бода бутт,
    Г1анаш духьал хьувкхаш илла,
    Лоамашта юкъе г1отташ йоалл са юрт.

    Малх латт, пишка юхе баьг1ача мо,
    Ц1ийбенна, хозбенна айлуш,
    Колхозий кхаш латт, теркош михо,
    Денгара-денга хозлуш.

    Лийча, ц1енденна латт наьна-лоамаш,
    Лепаш да арен т1а дото тхир,
    Шерчий вордаш санна йолх морхаш,
    Цу сигленна даьккха сийна лир.

  3. #63
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)

    Гуйра

    Лаьтта улл, пахашка мо бос байна,
    Фо да - шийла, ц1ена, хоза.
    Малх лел шорто хьежаш, дог дайна,
    Арешка зелац зиза.

    Сигален, лаьттан хозача юкъах
    Хьаьрчад 1ажаг1а бессар т1ехкар,
    1аьржа морхаш хьувз дукхаг1а,
    Оалхазараш дахад мехкара.

    Сигален доккхача б1аргех
    Доладеннад лега т1адамаш,
    Г1айг1ане, этта муг1арех,
    Лаьтт аьргадаьнна лоамаш.

    Ди т1ехьа лоацлу гуйран денош,
    Гаргаг1ерт шийла, бирса ди,
    Йистебовла боахк колхозникаш
    Чуийца шоай хьийкъа хьи.

  4. #64
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)

    Лоам чу яьхача кхалсагага

    Ма тамаш я,
    Уж лакха лоамаш,
    Уж наьна лоамаш,
    Хьа къина ца делхар.
    Уж шийла шовдаш,
    Уж шурий шовдаш,
    Хьа балех ца лакъар,
    Ва лоаман кхалсаг!

    Ма тамаш я,
    1аьржа лаьтта,
    Из шера лаьтта
    Хьа саготанах ца этт1ар,
    Гаьнара седкъий,
    Хьох къахийтта,
    Хьа къина ца делхар,
    Ва лоаман кхалсаг!

    Кхувш йоаг1ача хана
    Наьха лоарх1ар хьо,
    Маьрел дича,
    Хьайба лоарх1ар хьох,
    Ва лоаман кхалсаг!

    Яхар дар хьа
    Каша санна,
    Лелар дар хьа
    Г1елденна,
    Ва лоаман кхалсаг!

    Г1ирс бар хьа
    Берташа бохабича санна,
    Сибат дар хьа
    Кашара г1аттача санна,
    Ва лоаман кхалсаг!

    Ханал хьалха йис кхийтта
    Дар хьа г1ийла, миска дог.
    Из дагадехача, хала хийтта,
    Мишта делхаргдац сага дог?
    Ва лоам чу яьха, миска саг!

  5. #65
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)



    Ч1оаг1ача набарах денна,
    К1ай ювраг1а т1акхелла улл лаьтта.
    Т1а мел дола барзкъа зарзденна,
    Г1айг1ан т1а хьу латт.

    Уйлаш йича мо, кортош к1айденна,
    Сатийна латт лакха лоамаш.
    Саготон т1аэтта истий санна,
    Моашош техка латт корсамаш.

    Мух ба дорхбенна ц1увзаш,
    Лаьттан т1а талг1еш увттаеш.
    Цкъаза, меца борз санна, увг1аш,
    Цкъаза дарза ц1ог хьувзадеш.

    Дог дайна, бос байна, лохбенна,
    Лелаш ба лир даьга моажа малх.
    Колхозий коашка арабаьнна,
    Сашорта лелаш ба нах.

  6. #66
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)

    Шалтага

    Дотув дилла е совра даккхийта
    Хьан юкъах кура иллай хьо?
    Мискача наьна дог делхадеш,
    Массаза хьайна сардам баккхийта
    Д1айхача ц1ийца лийчай хьо,
    Къизача замана къора теш?

    Массаг1а хоза бер ший даьх
    даьккха,
    Яха енар жералла яьккха,
    Лоам чу яьхьай хьо, доаккхал деш,
    Къизача замана маьттаза теш?

    Баьдеча бус е маьлха дийнахьа
    Аьттига кулго чехка айеш,
    Хьан коа таьзет увттадаьд 1а?
    Массаг1а саг тийшача балхах
    Шийлача лаьтта вужаваьв 1а,
    Къизача замана бирса теш?

    Тахан улл хьо пенах хьалъэлла,
    Беттара яьккха да воацаш, мукхъенна,
    Боккхача балийца 1аьржделла,
    Ц1ийга сатувсаш, саготденна,
    Дотув дежа, совра д1адаьнна,
    Улл хьо д1адахачун г1айг1а еш.
    Раьза йоацаш хьай воацача даьна,
    Бирсача заман къиза теш.

  7. #67
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Яндиев Джамалдин (Янднаькъан Хамарзий Джамалда)

    Къоаношка

    1уйренца сийрдаяьнна,
    Дикашца г1озъяьнна,
    Маьрша вахар дезаш,
    Халонех ца кхеташ
    Вай къона т1ехье йоаг1а.

    Вай кхоане хозъе,
    Дегаш деладе,
    Корта лакха кхоабаш,
    Ког чехка боахаш
    Вай кура т1ехье йоаг1а.

    Гой шоана цун юхь т1а лепа
    Маьлха дошо з1анараш,
    Дуненга безаме хьежа
    Цун сийрда б1аргаш.
    Къоаной! Шортто хьалг1айтте,
    (Бехк ма баккхалаш)
    Вай т1ехье хоза хийте,
    "Никъ маьрша хилба" алалаш.

Страница 7 из 7 ПерваяПервая ... 567

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •