Страница 4 из 4 ПерваяПервая ... 234
Показано с 31 по 34 из 34

Тема: Пхьилекъонги Мухьаммад-Са1ид (Плиев Магомет-Саид)

  1. #31
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Пхьилекъонги Мухьаммад-Са1ид (Плиев Магомет-Саид)

    Цитата Сообщение от Noucost Посмотреть сообщение
    Тема начата именно с просьбы о поиске стихов Плиева М. Значит есть и поклонники.Читаются тяжело, но смысл глубокий.Неплохо бы еще и биографии авторов публиковать вместе со стихами? )))
    Биографии скоро будут.
    Ну, если есть поклонники, значит продолжаю выкладывать)
    Мне стихи Плиева тяжело читать не из-за смысла или языка, а из-за недоверия и от того, что красоту не чувствую (и еще что-то важное тоже).

  2. #32
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Пхьилекъонги Мухьаммад-Са1ид (Плиев Магомет-Саид)

    Фу ха я?

    Фу ха я тхо укх лаьтта даха.
    Тхона дунен къематаш дайза.
    Тхога «Д1адовла», «Дала» -яха,
    Мехках даьха тхо д1а-са тайса?

    Фу ха я тхона харцо ейза,
    Цо кагдеш, 1оажалло тхо зийна,
    Тха къиза кхел б1ехал мо хьайза,
    Синой дикал Береша йийна?

    Фу ха я тхо даггара ца дела,
    Ц1енача ц1ийх 1аьржа дорх ийна?
    Мишта мог тхона лаьтта лела,
    Мишта дисад тхо х1анззалца дийна?

    Фу ха я набарах ца дузаш,
    Кхоаненга сатувсаш тхо делха,
    Сабаро синош дуаш къувсаш,
    Тха дегайх ц1ера-т1аьскеш лелха?

    Гуш моцал, байнараш д1а-пана.
    Т1ехкаш сувс эг1азал чуессе.\Дизар кхер тхо массехана,
    Шуна гонахь уж мискаш бесе.

    Цу Далла ку-кха ловшбола бала.
    Озал, дистал оаха мел лайнар!
    Хьовзалехь синойх йокъ еш ала,
    Юхадала, зуд, к1тйленна хайнар!

    1емад коттувла, лега, эша,
    1оажалло а лийсад тхо хийла.
    Даьлах шоаш теше, цъа сох а теша,
    Ц1окъ ломаш да тхо, хетте а г1ийла!

    Б1атш-шераш да са дешай тешаш,
    Чингисхан, гоаз-Темар дац кхаьрда.
    Сий бахьан, ц1ена ц1ий 1олешаш,
    Эскараш ухк тха даьша даьрда!

    Т1уралга дувцаш, чу мА 1еха,
    Цхьа Даьла ват хо гора овтта.
    Адамаш! Тхоцара машар леха.
    Ц1ий 1омахкалехь, дех, хьалг1овтта!

  3. #33
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Пхьилекъонги Мухьаммад-Са1ид (Плиев Магомет-Саид)

    Фуд вай лехар?

    Фуд вай лехар? Фуд вай дехар?
    Ду1аш де вай увт.
    Ду1аш дешшехь, меттахь, техар,
    Нах, вай аьрдехь кхувд.

    Хьарам-хьаьнал диц а денна,
    Ер дуне вай техк.
    Теха вийна, дохьаж менна,
    Къонгаш вай д1абехк.

    Сискал йоацаш, моцал венна
    Царех цхьаккхе вац.
    Маха теха е кад менна
    Веннар массав хац.

    Ахча, рузкъа цо чудахье, -
    "Ер мичара?".. дац.
    Даькъазъяьккха йо1 чуяьхье,
    Мича лийнний хац.

    Гашиш, къаракъ дийнахь-бус вай
    Иман дайна дохк.
    Уж ца дохке меца дус вай?
    Воашта лахьташ оахк.

    Даьла-м 1от1ахьежаш ваг1а,
    Из синошка хьежж.
    Нах, вай хьоашка шайт1аш даг1а,
    Уж вайх делакъежж.

    Йоах цар: "Далла корта бетташ,
    Шо тха мурдаш доад"...
    Вайна юхь т1а тугаш детташ,
    Хьоашка етт цар боад.

    Низ ма бий цар дагадайта.
    "Ер хьаде!" - цар оал.
    "Воаш къонахий долга хайта",
    Ду вай зулам, къоал.

    Гой, ца1, ше лергвоацаш санна,
    Даггара йоаккхаш хьувз.
    Вокхо белхам чукхухь нанна,
    Когаш харцахь лувз.

    Наркотикех маха тоха,
    Яккха, вовха лех.
    Теха ваьлча, ца1 ве воха,
    Аькха хиле 1ех.

    Ший ва е вац хьоа бац къоасто,
    Тох цо герз е урс.
    Тоам беш, къоаной увт из хоасто,
    Ву цох "къонах-дурс":

    "Ай, мичара!... Хьалххара-хьалха,
    Маха техаб цо.
    Ц1аькха тохаргбац укх малха,
    Лергва ца де во.


    Хьувзаяьйий...Д1аюгаргья...
    Бинза баргбац тоам...
    Ву, чуволле, дов д1аьхлургда,
    Юкъе отташ гоам..."

    "Малаг1а ва из дохьаж дехкар?"...
    Цхьанне хаттац из.
    Воай къамарге воаш къувл т1ехкар,
    Вай воаш був вай низ...

    Вай вахара, вай лелара
    Аллах1 раьза вац.
    Хьарам-хьаьнал вай эдарах
    Бусалба вай дац.

    Деза, сиха, тохаденна,
    Дита хьарам хьакъ,
    Ца лой кхее жожаг1т1енна
    Эзар-эзар бакъ.

    Деза, делхаш, Даьле дерза,
    Цо дар дехаш гешт.
    Ха ма йоае, ва нах, керза!
    Цо-м вай х1анз а хьест.

    Аллах1 хуле вайна раьза,
    Вай малх къагаргба.
    Х1анз мо, дахе Далла 1аьса,
    Вай мохк агаргба...

    Фуд вай лехар? Фуд вай дехар?
    Ду1аш де вай увт.
    Ду1аш дешшехь, тхов т1атехар.
    Нах, вай аьрдехь кхувд.

  4. #34
    Уважаемый форумчанин Аватар для Menina
    Регистрация
    08.02.2012
    Сообщений
    1,885
    Поблагодарил(а)
    40
    Получено благодарностей: 129 (сообщений: 110).

    Ответ: Пхьилекъонги Мухьаммад-Са1ид (Плиев Магомет-Саид)

    ...Низ балахь тхона

    Кашамий аре мо, х1аний хьо, сайре,
    Б1аь бала чубенна, 1ан юкъ мо шийла?
    Х1ай, зама! Х1аний хьо сел дорха, хьайре,
    Са дег чу ца ейташ сийрда уйла?

    Да вийна моастаг1а мо, вахар да дорха,
    Доаллаш мо г1ийлача къаман фу хоадо.
    Х1аране ков-карта да, оахам мо, корха,
    Мух хьайча хьоргдолаш цу т1ема боадо.

    Белхача тхой ноаной г1ийла оаз хозаш,
    Г1аддайна ваг1а со, набар-сий байна;
    Ха йоацаш лийгарех човний дог лазаш,
    Ах-бийсан боадоне, гударг мо хайна.

    Б1аргий хий мехкадеш, лувчабеш накха,
    Ваг1а со, са Аллах1, ду1а деш хайна.
    Дог да са аьшк санна, уйлаш я акха,
    Ер дуне 1ооллал дорхал чу1айна!

    Ма дий Хьа ер дуне белараш белхабеш,
    1а гораоттаваьв коттаваьннар хийла.
    Укх замаг1, тхо да-кх массаза делхадеш,
    Бераш т1ехь, керчадеш ц1енача ц1ийла.

    Я-Аллах1, Я-Робби! Хьо воацар Даьла вац!
    Малайкий оарцонца оарц далахь тхона!
    Я-Аллах1, Я-Робби! Хьо воацар аьла вац!
    Овляий оарцанца г1о делахь тхона!

    Къиношта ц1енделахь, къаман барт белахь,
    Укх балан букъ кагбе низ балахь тхона!
    Г1ийлача ду1ашца кхайкарий юхь елахь,
    Синошта ч1оаг1дала низ балахь тхона!

    Даьмехках хьегарий меца б1арг бузабе,
    Хьай дунен иразах цинц балахь тхона!
    Тхоай къаман сий лорош, моастаг1ий эшабе,
    Я-Аллах1, Я-Робби, низ балахь тхона!

Страница 4 из 4 ПерваяПервая ... 234

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •