Даьхе
Б1арга мел еза
Й1аьха я хьо,
Дега мел хета
Шера я хьо,
Ва со кхеваь,
Ва са Даьхе.
Йи1ий б1арг санна
Хоза я хьо,
Наьна дог санна
Тешаме я хьо,
Ва со кхеваь,
Ва са Даьхе!
Хьа во сона ма гулда,
Хьа диках со ма валва!
Вид для печати
Даьхе
Б1арга мел еза
Й1аьха я хьо,
Дега мел хета
Шера я хьо,
Ва со кхеваь,
Ва са Даьхе.
Йи1ий б1арг санна
Хоза я хьо,
Наьна дог санна
Тешаме я хьо,
Ва со кхеваь,
Ва са Даьхе!
Хьа во сона ма гулда,
Хьа диках со ма валва!
Со ваьча
Со ваьча лоамашка
Лаьча дек,
Г1оттача 1уйренца
Сийрда т1оа сег.
Со ваьча лоамашка
Шурий шовдаш сувс,
Аькханга сатувсаш
Аькха ц1увз.
Цига, наьна дог санна,
Фо ц1ена да,
Йи1ий уйла санна,
Сигале къаьга я.
Михца къувсаш,
Г1алаш яьг1ача,
Вахарах хьогаш,
Са да ваьхача,
Саьга сай
1ехача хана,
Лаьча лаьчанга
Кхайкача хана,
Елаенна ваьв со
Са мискача нанас.
Ага илли
Ший дог теркош санна, хоза
Дахчан ага теркош,
Йохийташ шорто оаз,
Яг1а нана илли доахаш:
"Вижалахь, нане, вижалахь,
Мерзача набарах, мерза,
Тхьовсалахь, нане, тхьовсалахь,
Хозача набарах, хоза.
Леларгвац хьо саг1а дехаш,
Яхаргдац хьох эздий вац,
Хьувзаргвац хьо ираз лехаш,
Аргдац хьох ды дика бац.
Гургъяц хьона аьрга къел,
Хургвац хьо, гож хьалхабаьнна, -
Лоаман босешка мухьарч кхухьаш
Леларгвац хьо, букъ т1абаьнна.
Хьалкхе, хьалкхе, нанена вахарг.
Кхоане я хьога хьежаш...
Хьалкхе, ч1оаг1ле, дукхавахарг,
Даьхе я хьо везаш.
Кхухьаргвац хьо есарийла,
Леларгвац хьо ираз дехаш.
Дунен т1а вахаргва сатийна,
Яхача замах велакъежаш.
Мехка юкъе вахаш-лелаш,
Лелоргъяц 1а даьшкара цхьоал,
Сашорта дог кер чу делаш,
Дергда 1а хьайна доал.
Хьалкхургва хьо 1илма дешаш,
Мехка да хургва хьох.
Хьоцар вахар дукха дезаш,
Хьалкхе, хьалкхе, нанена вахарг,
Кхоане я хьога хьежаш...
Со а дунен т1а хоза яхаргья.
Хьалкхе, ч1оаг1ле, дукхавахарг,
Даьхе я хьо везаш".
!!!!!!!!!
Йи1ий илли
Нокхармоза хинна, хьо араваьлча,
Хоза зиза хинна яг1аргьяр со.
Дуне довза, аьнна, хьо новкъа ваьлча,
Наькъахо хинна, хьона техьаяргьяр со.
Хьогал йоае, аьнна, хьо хьаста веча,
Шийла шовда хинна д1аоттаргьяр со.
Б1айха малх хинна, хьо д1аэттача,
Сийрда седкъа хинна хьежаргьяр со.
Оалалга доацаш
Хьо веза сона.
Дувцилга доацаш
Хьо веза сона.
Тирк
Тирк доаг1а, лоамашта юкъе г1олла хьувзаш,
Ший чехка талг1еш бердех етташ,
Цкъаза, цхьа ашараш лекхаш,
Цкъаза, ломо мо ц1ог1а детташ.
Цкъаза дода гон т1а хехка дын хуле,
Сийна кхес михца ловзаеш.
Шортта хьежаш латт цунга сигале,
Ший сийрда седкъий лепадеш.
Цкъаза, цхьа них санна сувсаш,
Из дода к1ай чопаш беш,
Цкъаза, меца борз хиле, увг1аш,
Дода, каетташ, лаьтта удадеш.
Наггахьа к1аьдлий, шорто шершаш,
Из дода бердаш лувчадеш.
Талг1ен техьа талг1и етташ,
Уж лоамаш декадеш.
Цун майрача ц1ог1анга ладувг1аш,
Улл сатийна со ваь са юрт.
Лаьттан т1а боамбе кулг хьекхаш
Бода сийрдабаьнна бутт.
Гуйра
Т1айоаг1а из йиза гуйра,
Хьуна г1а шортта дожаш латт,
Шийлаг1а ух хьалхарчул 1уйре,
Зарздоалаш доаг1а лаьтта.
Желашка уха бений жа хиле,
Йоаг1а морхаш мухан духьале еш,
Цу сийнача даьрен сигале
Г1айг1ан т1а йиге, елхаш.
Ахканца 1адика ювцаш,
Оалхазараш в1ашаг1детталу,
Ахканна боахаш ловца,
Цар лоамаш декаду.
Лаьтта 1ажаг1дийрза,
Малха к1ал бессазадаьннад,
Берката гуйра чуэца
Ахархой а арабаьннаб.
Наьна лаьтта
Шоаш гаьнарча мехка болхача хана,
Са даьша чокхе бустам чу кхихьад хьо,
Аз а се ара лелаш, гаьнна,
Сай дог санна, сайца леладаьд хьо,
Сий дола са наьнна лаьтта!
Хьо шоашта дезаш хиларах
Са даьша ламаза корта бийттаб хьона,
1а са къонахчал, са сий лорадарах
Сона деза хьо, наьна накха санна,
Са даьй хьацарца йийхьденна,
Сий дола, са наьна лаьтта.
Хьалкхийча безам чам бовзийтаб 1а,
Сай уйла, са дог деладеш,
1уйренца сона илле оаз хазийтай 1а,
Лакха лоамаш декадеш,
Са даьй хьацарца йийхьденна,
Са даьй ц1ийца хьанденна,
Сий дола са наьна лаьтта.
Дув буъ аз хьона,
се дийна мел ва,
Хьа хоам бе,
Дош лу аз хьона
сай мотт мел лув
Хьо хестаде,
Вай сий дола, са наьна лаьтта!
Никогда не перестаю восхищаться гением Джамалдина Яндиева
Это был выдающийся человек. Кстати, досталась мне книга "Джемалдин Яндиев- знакомый и незнакомый".Авторы Марям Яндиева и Ю.Б. Верольский. Грозный, 1991 г. Как будет время отсканирую и выложу.Цитата:
Сообщение от Темаркъ
Горжусь тем,что будучи совсем юным помогал(!) обслуживать стол,за которым сидел Д.Яндиев на свадьбе у брата "Знакомого" в Грозном
Яндиев Джамалдин - ХЬО ДЕТТАЛЕ, СА ДОГ!
http://ezdi-nah.com
Хьо деттале, са дог,
Хьо деттале!
Ткъам баьккха оалхазар ва санна,
Шо хьувза, са уйлаш,
Шо еттале!
Михо човхабаь 1аьржа форд
Ва санна.
Лоама кертера даьнна хий
Шаьрача ара товжаш санна,
Ха д1аяха, пхаьнашкара ц1ий
Хьанз дег1аца лел лаьг1денна.
Хьо деттале, са дог,
Хьо деттале!
Ткъам баьккха оалхазар ва санна,
Шо хьувза, са уйлаш,
Шо еттале!
Михо човхабаь 1аьржа форд
Ва санна.
Яндиев Джамалдин - ХЬО ЛОВЗА, СА ИЛЛИ
http://ezdi-nah.com
Хьо ловза, са илли,
Хьо дека, са илли,
Хьо дунен т1а г1олла
Сийрдадаьле лела.
Из лоаман коача
Лаьче хиле,
Хьо г1оздаьле тахан
Ловза, дела!
Доккхача дунен
Езаш хозале,
Хьо лаьттан букъа т1а
Майра лела, -
Хестаеш таханара
Кортамукъале,
Хьо адамий дегашка
Декале!
Са илли, бера ага
Шорта хьаьсте,
Набара ткъам
Лостабе,
Ньана дега чу
Й1овхалца лесте.
Наьна б1арг
Белабе.
Хьо ловза, са илли,
Хьо дека, са илли.
Хьо дунен т1а г1олла
Сийрдадаьле лела,
Из лоаман майра
Лаьче хиле,
Хьо г1оздаьле тахан
Ловза, дела!
Яндиев Джамалдин - ВЕЗАЧА САГА Б1АРГАРА БОЖА Т1АДАМ
http://ezdi-nah.com
Сигалара бож
Дог1а т1адам,
Б1аргара бож
Б1арга т1адам.
Дог1а т1адам,
Бежа бий ца ховш,
Лаьтта бай д1абоал.
Б1арга т1адам,
Оза йиш йоацаш,
Беза хиле,
Пхо санна дегах
Чакхбоал.
***
Безам, хьо сенна беза,
Чам баоцаш хилча,
Къонал хьанна еза,
Къонал беркате ца хилча?
Шортто бийса т1айоаг1а
Сатоссаргдолда ховш,
Сигалара дог1а доаг1а
Лаьттана беркат луш.
Яндиев Джамалдин - ЙО1АГА
http://ezdi-nah.com
Кхийна яц,
З1амига я яхаш,
Кхийна яьлча,
Зама д1а мА яхийта.
Кура яр,
Яшаш яцар,
Т1ехьаг1а хьайх
Нахага ма яхийта.
Маьрша яхарьг,
Д1айхача аьхки
Ца мена шовда
Сенна деза?
Ше кхийнача хана
Ца биа безам
Хьанна беза?
Алал сога,
Дукха яхарг,
Алал сога.
Яндиев Джамалдин - ХОЗА ОАЛХАЗАР
http://ezdi-nah.com
Хоза оалхазар сагала лел
Сийна ткъам ловзабеш.
Ага счура бер шортта дел
Наьна б1арг белабеш.
Бера б1арг сигала хьеж,
Оалхазарах тамаш еш.
Наьна дог делакъеж,
Ший во1 хьеставеш:
«Воккха хьо а хургва,
Сигала хьо а леларгва».
Яндиев Джамалдин - НАЬНАГА
http://ezdi-nah.com
Сагот ма де, ва нани, сагот ма де,
Ма лозабе сийдола к1айбенна корта
Ц укорах ара хьежаш, дог ма лозаде,
Со дагавоалаш вай Даьхен т1ем т1а.
Тахан т1ема зама хьаэттача хана,
Со доастама, зовза хилар ма кхералахь,
Со моастаг1чоа духьал латтача хана,
Ка аьга, т1ехьашка валара ма кхералахь.
Со, майра т1ом баь, вай коа т1а веча,
Т1ем т1а леладаьраш аз хьона дувцаргда,
Со, моастаг1 вохаваь, хьона духьал веча,
Вай даха-лела 1оховшаргда.
Сагот ма де, ва нани, сагот ма де,
Со доастама, зовза хилар кхераш,
Цу корах арахьежаш, дог ма лозаде,
Со, ка аьга, т1ехьашка валара кхераш.
Яндиев Джамалдин - ИЛЛИ ДАХА, СА ДОГ
http://ezdi-nah.com
Илли ала, илли даха, са дог, -
1а мерза ашараш лекха,
Хоза оаз айеш ма могга,
Б1аьстан оалхазар хиле, дека.
Хьо ловза са илли, г1оздаьле,
Дезаргдац хьа дунех хьега,
Б1астан 1уйре санна къаьге,
Хьо адамий дегашка дека!
Хьо г1атта, ловза, са дега г1оз,
Наьна лоамаш декадеш,
Й1аьха йохийташ хьай оаз,
Адамий дегаш деладеш.
Наьна йоавхал йиц ца луш,
1а вай наьначе хоастае,
Лаьттан т1а даха к1аьд ца луш,
Хьай мукъа ткъам лостабе.
Илли ала, илли даха, са дог, -
1а мерза ашараш лекха,
Хоза оаз айеш ма могга,
Б1аьстан оалхазар хиле, дека.
Яндиев Джамалдин - ЙО1АГА
http://ezdi-nah.com
Г1еттача малхо сана 1а сонна,
1а сона й1овхал тел,
Б1аьстанца хозъенна,
Хьо сона хьлхашка лел.
1аьржача даьре к1ажараш
Хьа баламаш т1а хьувз,
Хьарг1ан ткъама ц1ацкъамаш
Хьа б1аргаш т1а ловз.
Хьа доккха, 1аьржа б1аргаш
Согахьа безаме хьеж,
Хьа тоам бола бордаш
Шорто делакъеж.
Са дега г1оз! Хьо гучаяьлча,
Ди къаьгача мо сона хет,
Хьо б1арга къайла яьлча,
Бийса еча мо сона хет.
Яндиев Джамалдин - ЙО1АГА
http://ezdi-nah.com
Лакхача лоамашка
Лоа диллад,
Шерача арешка
Йис йижай.
Лоамашкара лоа
Малхо дошоргда,
Арешкара йис
Михо йодоргья.
Ала сога, хьайна хой,
Са боккха бала
Хьа безамо ца бошой,
Хьан бошоргба,
Ала сога, ала!
Яндиев Джамалдин - ПОЭТА ДОГ
http://ezdi-nah.com
Дуне аьга, льатта ийккха
Хий, ялат лоамаш, адам
Хьалакьхиннад йоах.
Из бала, из таьзет
Поэта дега чу эттад йоах.