Преклоняюсь перед талантом Гирихана Гагиева и на ваш суд представляю одно из его,без преувеличения, бессмертных произведений.
Хоза моза--
Ай,малав из
Велхаш ваг1ар,
Миска-миска
Велхаш ваг1ар?
Из ба моза,
Из ба моза,
Б1аргаш 1аьржа
Дола моза,
Ткъамаш даьржа
Дола моза.
Хоза-хоза
Бола моза.
Дадес аьннад
Цунга тахан,
Нанес аьннад
Цунга тахан:
«Кийчье шифон,
Кийчде даьри-
Хьо гизгага
Бода маьре.
Геттар дика
Яхаш я из,
Ахча лорх1аш
Яг1аш я из.
К1увсаш-зипаш,
Даьтта-шекар-
Шедар да
Цун ц1аг1а
Шедар!»
Белхаш-белхаш
Баг1а моза…
Цуна-м хетац
В1алла хоза
Яькха б1аргаш
Дола гизг,
Даьнна т1одаш
Дола гизг,
Йоккхий царгаш
Йола гизг,
Къаьна,
Букъ т1абаьнна
Гизг
Корзаг1баьннаб Лоалахой:
Зоахалол…
Из ишта дой?!
Мане б1аргех
Хий 1оух-
Му-у-у!:
Цици даггар
Эг1азъух:
-Мя-у-у!
Баскилг даг1а,
Г1айг1а еш,
Ший из ч1ондарг Елхаеш.
Котамо-а
Г1айг1а ю:
-Ко-ко-ко!
Говро
Аре кхайкаю:
-И-го-го
Чоапилг
Корта ляца лел:
-Маьржа-я1 хьо,
Мозан кхел!
Гизг-м
Царгаш иръеш яг1а, Гизг-м
Мазаш дувзаш яг1а. Яькха б1аргаш Лотаденна,
Къегаш да цун,
Товнаш сана.
Гизг-м
Ч1ог1а мецъеннай,
Гизг-м
Ч1ог1а бирсъеннай
Моза баа
Кийча я из…
Са дуне,
Ма ийрча
Я из!
Ай, ипп1али,
Хьанз фу дергда?
Гизго Буге
Моза лергба!
Ший мазашца
Ткъамаш дийхка,
Ший т1одашца Марх1абийхка Бокъабергба
Гизго моза
Къона моза,
Хоза моза…
Царгаш
Оттаергья дег т1а… Ай,ипп1али,
Х1анз фу дергда? Хьаьрцар вахар,
Баьлар ала…
Орца дала!
Орца дала!
Зунгат доаг1а,
Зунгат доаг1а, Эг1азлонца
Сувсаш ч1ог1а-
Йиткъа юкъилг
Йола зунгат,
Шера белаж
Йола зунгат,
Хоза моза
Бахьан долаш
Дала кийча
Дола зунгат.
Доаг1а зунгат
Шалта яьккха,
Доаг1а,
Денал хьалхадаьккха: «Ира я
Са шалта,
Ира!
Мичай гизг-
Вошшийна
Вира!
Кхехкаш ба
Са дег чу ала,
Д1а ма лечкъа!
Гучаяла!
Б1аргаш 1аржа
Дола моза,
Ткъамаш даьржа
Дола моза,
Хоза-хоза
Бола моза
Д1алургбац аз, Къаьнашк,хьона…
Эшаш дац
Хьа ахча тхона,
Эшаш дац
Хьа даьтта-шекар!» Цигга баьллар
Боккха кегар:
Кхераенна
Гизг д1ауд,
Зунгат
Цунна т1ехьауд.
Ира шалта
Лира къег,
Гизга т1одаш
Гарре эг…
«Тийшаболх,-
Вай даьша йоах,-
Бодаш ба
Ше лелочоах!»
Ва са да-дай,
Ва-да-дай!
Белхаш баг1а
Нускал даьй!
1оухаш да
Б1аргара хий-
Цул дираг1
Дуне т1а дий?
«К1увсаш-зипаш, Даьтта-шекар…
Шедар дайра,
Дайра шедар!»
Моза-нани,
Мухь ма бета,
Керта мосех
Ка ма етта!
Моза дади,
Корзаг1ваьле
Д1а ма кхувса
Хьай из г1але!
Майра зунгат
Хина мара,
Гизго биа
Моза Лара!
Йо1ах урдув
Кхы ма деха,
Б1еха да из урдув ,
Б1еха!
Бала ба
Из урдув,бала-
Балба цунах
Сийна ала!
Вайна эшац
Дошо г1оз…
-Фу эш вайна?
-Дегаг1оз!
Даьша моза
Мар1абехк,
Х1аьта гизган
Даьна бехк:
Гизг я 1а1а,
На1алет цун
Сибата!
Майра зунгат –
Из да ма1а,
Баркал,
Баркал зунгата!»
Тоха т1ораш,
Айе аре-
Хоза моза
Г1оргба маьре! Г1адабаха хьувз Лолахой-
Каста хургда
Доккха той!
Фуаш дахьаж
Йог1а котам,
Боарха бедар
Йола котам.
Чаме да
Цо дахьа фуаш,
Хьаьший к1аьдлургбац Уж дуаш.
Ч1апилг дахьаш
Йог1а чоапилг,
Мерза да
Цо дахьа ч1апилг:
Да из ч1апилг
К1олд чуелла,
Ц1еча лентай
Бантик элла.
Дукха ца говш
Мани Бера-
Ведар йизза
Шура ера.
Цици дера
«Мя-ув» яхаш.
Циска комараш а
Яхьаш.
Баскилг дера,-
Д1аьха мекхаш,-
Ший ма даггар
Ч1ондарг лекхаш. Кийчде масхам.
Ата хох…
Хьаба пандар-
Ворс-т1ох!
Цигга
Доладелар
Ловзар…
