Бувцал соца, ва са вош,
юкъе доацаш хийра дош
воча дешаех дика дош
къоастадеш, бувцал наьна мотт.

"Из-м сона хала ба"-
цу тайпара lа жоп лургда
амма из хургдац вай меттал
юкъе баьннача хийра меттал
сона lа из жоп лургда

"цlагlарчара сона lомабаьбац
цигача вlалла са бехк бац
из-м хlанз керттера бац
балха-така эшаш бац"

цу тайпара бехказлонаш
вац хьо, са вош, ютаргйолаш
вац дошлорг бе долларгдолаш
хьай наьна мотт lомабергболаш.

(Тамбиев Мага)