Хьа гарга амат

Даьрен чокхи дийха латташ,
Малха мо къегаш езар са.
Адам даггар дIа-хьа кхесташ,
Сигле тIа дала корзагIадаьнн са.

Маьре йодаш вIаьхий сагаг,
Иштта хьа даьн а нана а дийзад.
Сай бала бувцаш хургва къайгаг,
Теха даьннад дега чу Iад.

Хьа гарга амат дицлургдолаш,
Iадик ца ювцаш вайна дIаваргва.
Ираз долаш хьо хургайолаш,
ХIара ден Даьлаг дехаш хургва.

А, хургдац вай бераш кхувш хьал,
Дахаргдац вай цхьан а вIалла.
Таьзета барзкъаш Iа тIа ма дувхьал
Наьха сагий я хьо хIанз Iаьла.

Чокхи дийха латташ даьрен,
Са дега рувгIа, са син гIа,
Кхерами, унзари хинна бIалгIа,
Аьли чу дожаш укх моча ден.

Номаче, 18. Мутхьол 2013 шу